ရခိုင်ပြည်နယ်၊မင်းပြားမြို့တွင် မြို့အန္တရာယ်ကင်းစေရန် မြို့တစ်ပတ်ပရိတ်တရားရွတ်ဖတ်ပူဇော်ပွဲကိုဒီဇင်ဘာ ၈ ရက်က ကျင်းပခဲ့သည်ဟုသိ၇သည်။

မင်းပြားမြို့နယ်အတွင်းနေထိုင်လျှက်ရှိကြသည့် ရဟန်းရှင်လူ ပြည်သူအပေါင်း ကိုယ်စိတ်နှစ်ပါး ကျန်းမာချမ်းသာပြီး ဘေးအန္တရာယ်အသွယ်သွယ်မှကင်းဝေးကြစေရန်ရည်ရွယ်လျှက် မင်းပြားမြို့ပေါ်ရှိ သံဃာတော်အသျှင်တော်မြတ် (၁၁)ပါးတို့မှ အန္တရာယ်ကင်း ပရိတ်တရားတော်တို့အားမင်းပြားမြို့အတွင်း၌ လှည့်လည်ကြွချီပြီး ရွှတ်ဖတ် ပူဇော်ခဲ့ကြသည်ဟုသိ၇သည်။

အဆိုပါပရိတ်တရားတော်ကို မင်းပြားမြို့အတွင်း  ယမန်နေ့နေ့လယ် ၂ နာရီကျော် အချိန်မှစတင်ပြီးနှစ် (၁၅၀)ပြည့်စေတီတော်မှ စတင်ထွက်ခွာကာ စွန်ရဲလမ်း၊ အောင်ချမ်းသာလမ်း၊စောပြည့်ညိုလမ်း၊ အောင်မေတ္တာလမ်း၊ မေခ ဆိပ်ဆင်းလမ်း ခွဆုံမှအောင်သစ္စာလမ်း၊နွေရိပ် လဘက်ရည်ဆိုင်အနီးမြောင်းဘွေလမ်း၊ ရုံးတက်လမ်း(ဦးကျော်ထွန်းဦး)လမ်းဆုံ၊ ဥက္ကာပျံဈေး အနီးလမ်းဆုံမှ ကန့်ကော်မြိုင်လမ်း အတိုင်း တောင်ဖက်သို့သွားကာ နှစ်(၁၅၀)စေတီတော်အတိုင်း ကားဖြင့်ပတ်ကာကြွရောက်ရွှတ်ဖတ်ပူဇော်ခဲ့ကြသည်။

မင်းပြားမြို့ခံတစ်ဦးက "မြို့ရွာအန္တရာယ်ကင်းစေချင်လို့ ပရိတ်တရားရွတ်ဖတ်ပူဇော်ပွဲ လုပ်တာလို့သိ၇တယ်။ နှစ်(၁၅၀) ဘုရားဂေါပကကော်မတီဝင်တွေက လုပ်တာပါ။ အုပ်ချုပ်ရေးပိုင်းက စီမံခန့်ခွဲမှု ပါဝင်သလားဆိုတာတော့ မသိဘူး။ မြို့ထဲမှာကားနဲ့ပတ်ပြီးတော့ပရိတ်တရားနာကြားနေတယ်။ လူတွေကလည်းစိတ်ဝင်စားမူရှိနေပါတယ်။ ပရိတ်တရား ရွတ်ဖတ်ပူဇော်ပွဲက ဒီနေ့ တစ်ရက်တည်းလို့တော့သိ၇တယ်"ဟု ပြောသည်။

မင်းပြားတွင်ယခင်မြို့ရွာအေးချမ်းသာယာနေချိန်တုန်းကဆိုလျှင် မြို့လယ်တွင်ရှိသည့်ဓမ္မာရုံတွင် နှစ်စဥ်နှစ်တိုင်းသုံးညဥ့်သုံးရက်ပရိတ်ပဌာန်းရွတ်ပွဲကျင်းပကာ ယခုနှစ်မှ ပထမအကြိမ်မြောက်နှစ်(၁၅၀)စေတီရင်ပြင်တွင် ပရိတ်တရားရွတ်ဖတ်ပူဇော်ပွဲကျင်းပခြင်းဖြစ်သည်ဟုသိ၇သည်။

"အရင်ကတော့ တိုင်းပြည်တည်ငြိမ်အေးချမ်းရင်မြို့လယ် ဓမ္မာရုံမှာ သုံးညဥ့်သုံးရက်ပရိတ်၊ ပဌာန်းရွတ်တယ်။နှစ်စဥ်နှစ်တိုင်းပေါ့။ အခုနှစ်(၁၅၀) စေတီတော်ရင်ပြင်မှာ ပြုလုပ်တာတော့ ပထမအကြိမ်ပါပဲ။ဘာပဲဖြစ်ဖြစ် အခုလိုအချိန်ကာလမျိုးမှာ မြို့ရွာအေးချမ်းသာယာဖို့ ပရိတ်တရားရွတ်ဖတ်ပွဲလုပ်တာက ကောင်းတဲ့လက္ခဏာတစ် ရပ်လို့မြင်တယ်" ဟု နောက်ထပ် မင်းပြားမြို့ခံတစ်ဦးကပြောသည်။

အဆိုပါမြို့အန္တရာယ်ကင်းပရိတ်တရားတော်ရွတ် ဖတ်ပူဇော်ပွဲကိုမင်းပြားမြို့သူ၊မြို့သားများက

လည်းပူးပေါင်းပါဝင်ရွတ်ဖတ်ပူဇော်ခဲ့ကြသည်ဟုလည်း သိ၇သည်။

 မင်းပြားမြို့ကို၁၈၆၇ ခုနှစ်၊ မတ်လတွင်စတင်တည်ခဲ့ပြီး ၂၀၁၈ ခုနှစ်တွင် နှစ်ပေါင်း (၁၅၀)ပြည့်မြောက်ခဲ့သည့်အတွက်မင်းပြားမြို့တည် နှစ် (၁၅၀)စေတီတော်ကို ၂၀၁၈ခုနှစ်၊ ဧပြီလက စ

တင်တည်ဆောက်ခဲ့သော်လည်းအကြောင်းအမျိုးမျိုးကြောင့်တစ်ပိုင်းတစ်စဖြင့်ရပ်နားထားခဲ့၇သဖြင့် ဆက်လက်တည်ဆောက်ရန် လိုအပ်နေကြောင်းလည်း သိရှိ၇သည်။

၅နှစ်ခန့်ကြာတည်ဆောက်မှုရပ်နားထားခဲ့၇ပြီးမှပြီးခဲ့သည့် ဇူလိုင်လ၂၁ရက်နေ့တွင်ပြန်လည် တည်ထားပူဇော်နေကြခြင်းဖြစ်သည်။(NN-12)

ဓာတ်ပုံ- မင်းပြားကြော်ငြာသင်ပုန်းကြီး နှစ် (၁၅၀) စေတီတော်ရင်ပြင်တွင်မြို့အန္တရာယ်

ကင်းပရိတ်တရားရွတ်ဖတ်နားကြားနေပုံ