အပြစ်မဲ့ပြည်သူ ၂၅၆၅ ဦးသတ် ဖြတ်ခဲ့ပြီး လူပေါင်း ၁၆၅၄၀ ကျော်ကို ဖမ်းဆီးထားသည့် စစ်ကောင်စီကို နိုင်ငံတကာမှ အရေးယူပေးရန် CRPH တောင်းဆိုမှု ရခိုင်လူ့အခွင့်အရေးသမားများကြိုဆို

Preview

အပြစ်မဲ့ပြည်သူ ၂၅၆၅ ဦးသတ် ဖြတ်ခဲ့ပြီး လူပေါင်း ၁၆၅၄၀ ကျော်ကို ဖမ်းဆီးထားသည့် စစ်ကောင်စီကို နိုင်ငံတကာမှ အရေးယူပေးရန် CRPH တောင်းဆိုမှု ရခိုင်လူ့အခွင့်အရေးသမားများကြိုဆို

ဒီဇင်ဘာ ၁၂/ ၂၀၂၂ | ကြည့်ရှုသူ :2470

နိရဉ္စရာ၊ ဒီဇင်ဘာ ၁၂/၂၀၂၂

အပြစ်မဲ့ပြည်သူ ၂၅၆၅ဦးသတ် ဖြတ်ခံခဲ့၇ပြီး အရပ်သားပြည်သူ၁၆၅၄၀ ကျော်ကိုဖမ်းဆီးထားသည့်အာဏာသိမ်းစစ်ကောင်စီကို ကုလသမဂ္ဂနှင့် အာဆီယံနိုင်ငံများအပါအဝင် နိုင်ငံတကာအနေဖြင့်အရေး ယူပေးရန် ပြည်ထောင်စုလွတ်တော်ကိုယ်စားပြုကော်မီတီ (CRPH) က သဘောထားကြေငြာချက်ထုတ်ပြန် တောင်းဆိုလိုက်သည့် အပေါ် ကြိုဆိုကြောင်းရခိုင်လူ့အခွင့်အရေးလှုပ်ရှားသူများက ပြောဆိုသည်။

အမည်မဖော်လိုသူ ၇ခိုင် လူ့အခွင့်အရေးလှုပ်ရှားသူတစ်ဦးက “ဒီလိုCRPH ကတောင်းဆိုမှုအပေါ် ကြိုဆိုပါတယ်။ ရခိုင်မှာလည်း များမကြာမီက ဖြစ်ခဲ့တဲ့ တိုက်ပွဲ လေးလတာကာလမှာအတွင်းမှာစစ်တပ်ရဲ့ လက်ချက်နဲ့ အနည်းဆုံး အရပ်သား သုံးဆယ်ကျော်ကို သေဆုံးခဲ့ရပြီး ရာနဲ့ချီပြီးဖမ်းဆီးနှိပ်စက်ခံခဲ့တယ်။ အိမ်တွေလည်း မီးရှို့ခံခဲ့ရတာတွေရှိတယ်။ လက်ရှိအချိန်ထိလည်းအပြစ်မဲ့ အရပ်သားတွေ ဖမ်းဆီးခံရပြီးပျောက်ဆုံးနေတာတွေရှိတယ်။ ဒါတွေကိုလည်း ကျနော်တို့ဖော်ထုတ် မှတ်တမ်း ယူနေပါတယ်”ဟု ပြောဆိုသည်။

၇ခိုင်ပြည်တွင်ဖြစ်ပွားခဲ့သည့် တကျော့ပြန်တိုက်ပွဲတွင် စစ်ကောင်စီကြည်းတပ် အပါအဝင်ရေတပ်၊လေတပ်တို့မှ အပြစ်မဲ့ အရပ်သားများနေထိုင်သည့် ကျေးရွာများကိုလက်နက်ကြီးများ ပစ်မှတ်ထား တိုက်ခိုက်မှုများပြုလုပ်ခဲ့ကြောင်း၊ ထိုသို့ အကြမ်းဖက်လုပ်ရပ်များကြောင့် ပြည်သူ အများအပြားသေဆုံးဒဏ်ရာရရှိခဲ့ပြီး အိုးအိမ်များ ထိခိုက်ပျက်စီးခဲ့၇ကြောင်း၊ ၎င်းထိခိုက်သေဆုံး ပျက်စီးခဲ့၇မှုများကို မှတ်တမ်းယူပြီး ကုလသမဂ္ဂသို့ တင်ပြနိုင်ရန် နိုင်ငံတကာ အဖွဲ့အစည်းများနှင့်ပူးပေါင်းလုပ်ဆောင်နေကြောင်း ၎င်းကနိရဉ္စရာသတင်းဌာနကို ပြောသည်။

ပြည်ထောင်စုလွတ်တော်ကိုယ်စားပြုကော်မီတီ(CRPH)မှ ဒီဇင်ဘာလ (၁၀) ရက်နေ့က ကျရောက်သည့်အပြည်အပြည်ဆိုင်ရာ လူ့အခွင့်အရေး နေ့က စစ်ကောင်စီတပ်၏ လူ့အခွင့်အရေးချိုးဖောက်မှုများနှင့် ပတ်သက်၍ သဘောထားကြေငြာချက်တစ်စောင်ထုတ်ပြန်ပြီး မြန်မာနိုင်ငံပြည်သူများ၏ အသက်များကိုကယ်တင်ပေးရန် နိုင်ငံတကာကို တောင်းဆိုခဲ့သည်။

ထုတ်ပြန်ချက်အထဲတွင် ၂၀၂၁ ခုနှစ်ဖေဖော်ဝါရီလမှစပြီး စစ်ကောင်စီသည် ဥပဒေမဲ့ဖမ်းဆီးခြင်း၊ ဥပဒေဘောင် ကျော်လွန်၍တရား လက်လွတ်သတ်ဖတ်ခြင်း၊ ညှင်းပမ်းနှိပ်စက်ခြင်း၊ မုဒိမ်းကျင့်ခြင်းနှင့်ပိုင်ဆိုင်မှများကို သိမ်းယူခြင်းတို့ကို ပုံမှန်အလေ့ အထများကဲ့သို့ပြုမူဆောင်ရွက်ခဲ့ကြောင်း၊ ယခုအခါ အပြစ်မဲ့ပြည်သူ ၂၅၆၅ ဦးသတ် ဖြတ်ခံခဲ့ရပြီးအရပ်သားပြည်သူ ၁၆၅၄၀ ကျော်ကိုလည်း ဖမ်းဆီးထားကြောင်း ဖော်ပြထားသည်။

ထို့အပြင်နိုင်ငံတကာနှင့် အာဆီယံနိုင်ငံများက အကြမ်းဖက်မှုနှင့်သေဒဏ်ပေးမှုကို ဖျက်သိမ်းရန်အကြိမ်ကြိမ် တောင်းဆိုခဲ့သော်လည်း မရပ်တန့်သည့်အပြင် မကြာသေးမီကဒဂုံတက္ကသိုလ် ကျောင်းသား ၇ဦးသေဒဏ်ချ မှတ်ခဲ့သည့်အပြင် အရပ်သားပြည်သူ ၁၄၀ကိုသေဒဏ်ချမှတ်ခဲ့ပြီး လွတ်တော်ကိုယ်စားလှယ် တစ်ဦးအပါအဝင် တက်ကြွလှုပ်ရှားသူ (၄) ဦးကိုလည်း ကွပ်မျက်ခဲ့သည်ဟု ဖော်ပြထားသည်။

တိုင်းရင်းသားများနေထိုင်သည့်ဒေသများတွင်လည်း စစ်ကောင်စီမှ ရက်စက်စွာ လေကြောင်း အင်အားသုံး၍ တိုက်ခိုက်ခြင်းတို့ကြောင်း ရာနှင့်ချီသောပြည်သူများသေဆုံးခဲ့၇ပြီး ထောင်နှင့်ချီသည့် ပြည်သူများမှာလည်းနေရပ်စွန့်ခွာနေရသည့်အပြင် နေအိမ်၊ ကျေးရွာနှင့် စားသင်ကျောင်းများအားမီးရှို့ဖျက်ဆီးမှုများ ရှိနေသည် ဟုလည်း ရေးသားထားသည်။

#နိုင်ငံရေး

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ