နိရဉ္စရာ၊
ဒီဇင်ဘာ ၂၀/၂၀၂၂
၂၀၂၃ ခုနှစ်တွင် စစ်ကောင်စီက ကျင်းကမည့် ရွေးကောက်ပွဲအတွက် ရခိုင်တစ်ပြည်နယ်လုံးရှိ လူဦးရေစာရင်းကို
လာမည့်နှစ် ဇန္နဝါရီလ ၉ ရက်မှစတင်ကာ အိမ်တိုင်ရာရောက် စာရင်းကောက်ယူသွားမည်ဖြစ်ကြောင်း
သိရသည်။
အဆိုပါလူဦးရေစာရင်းကောက်ယူမှုသည်
လာမည့် ၂၀၂၃ ခုနှစ် သြဂုတ်လမှပြုလုပ်မည့် ရွေးကောက်ပွဲအတွက် မဲစုရင်းပြုစုရန်အတွက်ဖြစ်ကြောင်းလည်း
သိရသည်။
အဆိုပါ
အိမ်တိုင်ရာရောက် မြေပြင်ဆင်း၍ လူဦးရေစာရင်းကောက်ခံနိုင်ရန်အတွက် Working group များအတွက် နည်းပြသင်တန်း တစ်ခုကို
ယနေ့
ဒီဇင်ဘာလ ၂၀ရက် စစ်တွေမြို့ ဦးဥတ္တမခန်းမတွင် စတင် ဖွင့်လှစ်ခဲ့ကြောင်း
သိရသည်။
“ ဒီသင်တန်းက မြေပြင်ကွင်းဆင်း စာရင်းကောက်ယူရေးကြီးကြပ်မှုကော်မတီ
ပြည်နယ်အဆင့် နည်းပြသင်တန်းဖြစ်ပါတယ်။ ဒီသင်တန်းသို့ ရခိုင်ပြည်နယ်အပါအဝင်
ချင်းပြည်နယ် ပလက်ဝမြို့နယ်တို့မှ သင်တန်းသူ၊ သင်တန်းသား ၁၀၉ ဦးတက်ရောက်ကြပါတယ်” ဟု သင်တန်းတက်ရောက်သူ တစ်ဦးက ပြောသည်။
လာမည့်
၂၀၂၃ ခုနှစ် ဇန္နဝါရီလ ၉ ရက်မှစ၍ လူဦးရေစာရင်းများကို ကွင်းဆင်းစာရင်း ကောက်မည်ဖြစ်ပြီး
အဖွဲ့ပေါင်း ၁၂၉၀ မြေပြင်ကွင်းဆင်းကောက်ယူမည်ဖြစ်ကာ အဖွဲ့ဝင်ပေါင်း ၆၉၄၀ ဦးပါဝင်ကြောင်း
ရခိုင်ပြည်နယ်စစ်ကောင်စီအဖွဲ့ဝင် ပြည်နယ်ဥပဒေချုပ် ဦးလှသိန်းက
၎င်း၏လူမှုကွန်ရက်ဖေ့စ်ဘုတ်စာမျက်နှာတွင် ယနေ့ဒီဇင်ဘာလ ၂၀ ရက် နေ့လယ်က ရေးသားထားသည်။
"(၉-၁-၂၀၂၃)မွာ ကွင်းဆင်းစာရင်းကောက်မယ်။အဖွဲ့ပေါင်း (၁၂၉၀) အဖွဲ့ဝင်ပေါင်း (၆၉၄၀)ဦးဖြင့်
စာရင်းကောက်ပါမယ်။ (နစက)ရဲ့ ရှေ့လုပ်ငန်းစဉ်
(၅)ရပ်ထဲက နံပါတ်(၅) ရွေးကောက်ပွဲပြုလုပ်ဖို့ မဲစာရင်းပြုစုဖို့ ဖြစ်တယ်လို့
ပြောပါတယ်။ ရခိုင်ပြည်နယ်ရဲ့ လူဦးရေစာရင်းအတိအကျထွက်လာမှာမို့ ပြည်နယ်နဲ့ စပ်လျဉ်းတဲ့
တိုးတက်ဖွဲ့ဖြိုးရေး လုပ်ငန်းစဉ်များ (plan) ဆွဲရာမှာ
အထောက်အကူ ဖြစ်လာမှာသေချာပါတယ်။
ရွေးကောက်ပွဲကို (၂၀၂၃)ဩဂုတ်လမှာ ကျင်းပဖို့ ကြိုးပမ်းနေခြင်းရဲ့
တစ်စိတ်တစ်ဒေသလည်း ဖြစ်ပါတယ်"
ဟုရေးသားထားသည်။
ထိုသို့မဲစာရင်းပြုလုပ်ရန်အတွက်
လူဦးရေစာရင်း ကောက်အမည့် အခြေအနေနှင့် ပတ်သက်ပြီး ရခိုင်ပြည်နယ်ရွေးကောက်ပွဲကော်မရှင်အဖွဲ့ခွဲ
အတွင်းရေးမှူး ဦးသူရိန်ထွဋ်ကို ဖုန်းဖြင့် ဆက်သွယ်ခဲ့သော်လည်း
ဖုန်းလက်ခံဖြေဆိုခြင်းမရှိခဲ့ပါ။
ထို့အပြင်
ရခိုင်ပြည်နယ်အတွင်းရှိ မြို့နယ်များမှ ပြည်သူများကိုင်ဆောင်အသုံးပြုလျက်ရှိသော အိမ်ထောင်စုလူဦးရေစာရင်း ပုံစံ(၆၆/၆)
များကို အဆင်မြင့်နည်းပညာဖြင့် e-ID
Softwareအတွင်းသို့
ဖြည့်သွင်းထားရှိပြီး ဖြည့်သွင်းပြီးအိမ်ထောင်စုများကို Softwraeမှ Printထုတ်ယူကာ
တစ်အိမ်တက်ဆင်း စာရင်းကောက်ယူသွားမည်ဖြစ်ကြောင်း သိရသည်။
(NN-8)