နိရဥ္စရာ၊ဒီဇင်ဘာ ၂၁/ ၂၀၂၂

ရခိုင်ပြည်နယ်ပုဏ္ဏားကျွန်းမြို့နယ် ဆင်အင်းကြီးကျေးရွာတွင် ပြီးခဲ့သည့်လက စစ်တပ်၏ သတ်ဖြတ်ခြင်းကို ခံခဲ့ကြ၇သူများ၏ ကျန်နေခဲ့သည့်မိသားစုများနှင့်နေအိမ်မီးရှို့ခံခဲ့၇သည့်မိသားစုဝင်များအတွက်လူမှုကူညီရေးအဖွဲ့တစ်ခုက ယနေ့တွင် ကျပ်သိန်း ၇၀ ကျော်ဖိုးသွားရောက်လှူဒါန်းခဲ့သည်ဟု သိ၇သည်။

၎င်းလှူဒါန်းမှုကို ပုဏ္ဏားကျွန်းမြို့နယ်လူထုကူညီထောက်ပံ့ရေးအဖွဲ့ တစ်ခုက  ယနေ့ ဒီဇင်ဘာလ ၂၁ ရက်၊ နေ့လယ် ၂ နာရီတွင်ဆင်အင်းကြီးကျေးရွာဘုန်းတော်ကြီးကျောင်း ဓမ္မာရုံ၌ သွားရောက် ထောက်ပံ့ခဲ့ကြခြင်းဖြစ်ကြောင်း သိ၇သည်။

ထောက်ပံ့ရာတွင် အသတ်ခံခဲ့၇သူ၁၁ ဦးအတွက် ကျန်ရစ်သူ မိသားစု တစ်စုလျှင် ကျပ် ၃ သိန်း၊ဒဏ်ရာ၇သူ ၆ ဦးအနက် ဒဏ်ရာပြင်းထန်သူ ၃ ဦးအတွက် တစ်ဦးလျှင် ကျပ် ၃ သိန်း၊ကျန်ဒဏ်ရာမပြင်းထန်သူ ၃ ဦးအတွက် တစ်ဦးလျှင် ကျပ် ၁ သိန်း စီထောက်ပံ့ပေးခဲ့သည်ဟုသိ၇သည်။

နေအိမ်မီးလောင်ဆုံးရှုံးသွားသူ အိမ်ထောင်စု၉ စုအတွက် တစ်စုလျှင် ကျပ် ၂ သိန်းတို့ကို ထောက်ပံ့ခဲ့ကြသည်။

ယင်းအပြင်ဆင်အင်းကြီးကျေးရွာပြန်လည်ထူထောင်ရေးအတွက် ကျပ် ၅ သိန်းကိုလည်းထောက်ပံ့ခဲ့သေးသည်ဟု သွားရောက်ထောက်ပံ့ခဲ့သူ ပုဏ္ဏားကျွန်းမြို့နယ်လူထုကူညီထောက်ပံ့ရေးအဖွဲ့မှကိုထွန်းထွန်းက ပြောသည်။

“အဓိကတော့ သူတို့တွေရဲ့စားရေးသောက်ရေးအတွက် အတိုင်းအတာတစ်ခုထိအဆင်ပြေအောင် ကျနော်တို့တတ်နိုင်သလောက်လေး ထောက်ပံ့တာပါ။ ကိုယ့်မြို့နယ်သားတွေဖြစ်တဲ့အတွက်လည်းကျနော်တို့မှာ ကူညီထောက်ပံ့ဖို့ တာဝန်ရှိတယ်လို့ ခံယူထားတဲ့အတွက် အခုလို သွားရောက် ထောက်ပံ့တာပါ”ဟု ပြောသည်။

ယခုထောက်ပံ့သည့်ငွေကြေးများမှာပြီးခဲ့သည့် ၃ ရက်ခန့်က ပုဏ္ဏားကျွန်းမြို့အတွင်း လှည့်လည်ကောက်ခံထားသည့်အလှူငွေများဖြစ်သည်ဟုလည်းဆိုသည်။

နိုဝင်ဘာလ၁၀ ရက် နံနက် ၇ နာရီကျော်ခန့်တွင် ပုဏ္ဏားကျွန်းမြို့နယ် ဆင်အင်းကြီးကျေးရွာနှင့်ပဒေသာကျေးရွာကြားရှိ ရန်ကုန်-စစ်တွေ ကားလမ်းပေါ်တွင် စစ်တပ်ရိက္ခာကားတစ်စီးကို အေအေတပ်ဖွဲ့ဝင်များက  မိုင်းဆွဲတိုက်ခိုက်၇ပြီးနောက် စစ်ကောင်စီစစ်ကြောင်း တစ်ခုသည် ဆင်အင်းကြီးကျေးရွာထဲသို့ဝင်ရောက်လာပြီး အသက် ၉၀ အရွယ် အဖွားအို တစ်ဦးအပါအဝင် ရွာသား တစ်ဆယ်ခန့်ကို သတ်ဖြတ်ပြီးနေအိမ်များကိုလည်း မီးရှို့သွားခဲ့သည်။

၎င်းပြင် စစ်ကောင်စီဘက်က  အထိနာ အကျအဆုံးများရှိခဲ့သည့်အတွက်လူနေကျေးရွာများ အနီးဝန်းကျင်ကို ၇ဟတ်ယာဉ်ဖြင့် ပစ်ခတ်သလိုပုဏ္ဏားကျွန်းအခြေစိုက် ၅၅၀ တပ်ရင်းနှင့် စစ်တွေအခြေစိုက်တပ်ရင်းအချို့တို့ကလည်းလက်နက်ကြီးများဖြင့် အဆက်မပြတ် ပစ်ခတ်မှုပြုလုပ်ခဲ့ကြောင်း သိ၇သည်။

အဆိုပါ ဆင်အင်းကြီးဖြစ်စဉ်တွင်စစ်ကောင်စီတပ်က ရဟတ်ယာဉ်နှင့်ဒရုန်းများကို အသုံးပြု၍ တိုက်ခိုက်မှုကြောင့် ပုဏ္ဏားကျွန်းမြို့နယ်မှကလေးနှင့် သက်ကြီးပိုင်အချို့အပါအဝင် ရွာသား ၁၁ ဦးသေဆုံးပြီး ၆ဦးဒဏ်ရာ၇ကာ နေအိမ် ၉ လုံး မီးလောင်ဆုံးရှုံးသွားခဲ့ခြင်းဖြစ်သည်ဟု သိ၇သည်။

လက်ရှိတွင်ထိခိုက်ပျက်စီးခဲ့ရသူများတွင် အခက်အခဲများအပြားနှင့်ရင်ဆိုင်ကြုံတွေ့နေ၇ပြီး သူတို့မိသားစုဘ၀ပြန်လည်ထူထောင်နိုင်ရေးအတွက် အကူအညီများ လိုအပ်နေဆဲဖြစ်သည်ဟုကိုယ်တိုင်သွားရောက်ခဲ့သူများက ပြောသည်။