နိရဥ္စရာ၊ဒီဇင်ဘာ ၂၁/၂၀၂၂

၇က္ခိုင့်တပ်တော် (AA)နှင့် မြန်မာစစ်ကောင်စီတို့အကြားအလွတ်သဘော အပစ်ရပ်ထားပြီ ဖြစ်သော်လည်း စစ်ကောင်စီသည် ငြိမ်းချမ်းရေးကိုရှေ့ရှုခြင်းမရှိဘဲအေအေနှင့် ဆက်စပ်သံသယဖြင့် ဖမ်းဆီးခံထား၇သည့် အရပ်သားများအား ပုဒ်မကြီးများဖြင့် ထပ်တိုးကာ တရားစွဲဆိုနေကြောင်းကာယကံရှင်များ၏ မိသားစုများက ပြောကြားသည်။

ယခင် မတရားအသင်းဆက်သွယ်မှုပုဒ်မ ၁၇(၁) ဖြင့် အမှုဖွင့်ခံထား၇သူ ကျောက်တော်မြို့နယ်၊သဇင်(ခ)ကာဒီကျေးရွာမှ ဆန်စက်ပိုင်ရှင် ဦးလှမောင်သန်းအား စစ်ပုန်ကန်မှု ရာဇသတ်ကြီးဥပဒေပုဒ်မ ၁၃၁ ဖြင့်လည်းကောင်း၊ နိုင်ငံတော်ဆူပူလှုံ့ဆော်မှုဆိုင်ရာဥပဒေပုဒ်မ၅၀၅(က)ဖြင့် တရားစွဲဆိုခံထား၇သူ မြောက်ဦးမြို့ ကျောက်ရာဇ်ကေရပ်ကွက်မှ ကိုကျော်ဝင်းလှိုင်ကို မတရားအသင်း ဆက်သွယ်မှုပုဒ်မ ၁၇(၁) တို့ဖြင့် ထပ်တိုးတရားစွဲဆိုခဲ့သည်ဟု သိ၇သည်။

ဆန်စက်ပိုင်ရှင်ဦးလှမောင်သန်းသည် ဒီဇင်ဘာလ(၁၉) ရက်နေ့ ရုံးချိန်းတွင် ပုဒ်မကြီး တစ်ခုဖြစ်သည့်စစ်ပုန်ကန်မှု ရာဇသတ်ကြီးဥပဒေပုဒ်မ၁၃၁ ဖြင့် ထပ်တိုးတရားစွဲဆိုခံခဲ့၇သည်ဟု ဇနီးဖြစ်သူဒေါ်လှယဉ်ဆန်းက နိရဥ္စရာကို ပြောသည်။ 

"ပုဒ်မ ၁၃၁နဲ့ ထပ်ပြီး တရားစွဲလိုက်တာပါ။ ကျမတို့က ဥပဒေအကြောင်းတော့နားမလည်ပါဘူး။ပြစ်မှုကြီးလေးတယ်လို့တော့ ပြောကြပါတယ်။ ပြီးတော့ သူ့မှာနှိပ်စက်ခံထားရတဲ့ဒဏ်ရာတွေနဲ့ ကျန်းမားရေးလည်းထိခိုက်နေပါတယ်။အချုပ်ထဲမှာက ဆေးကုခွင့်လည်းမ၇လို့ အပြင်ကနေပဲ ဆေးဝယ်ပေးခဲ့၇တယ်"ဟုပြောသည်။

ဦးလှမောင်သန်းမှာကန်စောက်တပ်ရင်း ခမ၇(၅၃၉) တပ်ရင်းမှူးကဆေးနွေးစရာရှိသည်ဟုခေါ်သည့်အတွက် သွားတွေ့စဉ် အဖော်ခေါ်သွားသူ မောင်သက်စိုးနှင့်အတူဖမ်းဆီးခံခဲ့၇ခြင်းဖြစ်သည်။

ဖမ်းဆီးခံရပြီးနောက်နှိပ်စက်ခံထားရသည့်ဒဏ်ရာများကြောင့် ဦးလှမောင်သန်းမှာ ကျန်းမာရေး ထိခိုက်နေပြီးဆေးကုသခွင့်မ၇ဖြစ်နေကြောင်း ဇနီးဖြစ်သူက ယင်းအပြင်ဖမ်းဆီးခံရပြီးနောက် စစ်ကောင်စီ၏ စစ်ကြောရေးအတွင်း နှိပ်စက်ခံရမှုကြောင့်ရန်ကုန်တွင်ဆေးကုသမှုခံယူခဲ့၇သည့် မြောက်ဦးမြို့ ကျောက်ရာဇ်ကေရပ်ကွက်မှကိုကျော်ဝင်းလှိုင် (၃၂ နှစ်)သည်လည်း ဒီဇင်ဘာ ၁၆ ရက်ကမတရားအသင်းဆက်သွယ်မှုပုဒ်မ ၁၇(၁)ဖြင့် ထပ်မံတရားစွဲခံလိုက် ရကြောင်း ဇနီးဖြစ်သူမလှမြင့်က နိရဥ္စရာကို ပြောသည်။

"အမှုကတော့ဆက်ရင်ဆိုင်နေ၇တုန်းပါ။၁၇(၁) နဲ့ ၁၆ ရက်နေ့က ထပ်စွဲပါတယ်။ ရှေ့နေကတော့ ငွေကြေးမတက်နိုင်လို့မခေါ်နိုင်ပါဘူး။အခု ကျမတို့မှာရှေ့နေမရှိဘဲ ရင်ဆိုင်နေ၇တာပါ"ဟု ပြောသည်။

ကိုကျော်ဝင်းလှိုင်သည် ဇွန်လ၂၂ ရက်က တုတ်တုတ်(ခေါ်) အိန္ဒိယသုံးဘီးမောင်းရန် အိမ်မှ ထွက်သွားစဉ် စစ်ကောင်စီတပ်ဖွဲ့ဝင်များကစစ်ဆေးစရာရှိသည်ဟုဆိုကာ မြောက်ဦးရှိ ၅၄၀ တပ်ထဲသို့ဖမ်းဆီးခေါ်ယူခြင်းခံရပြီးနောက် နိုင်ငံတော်ဆူပူလှုံ့ဆော်မှုဆိုင်ရာဥပဒေပုဒ်မ၅၀၅(က)နှင့် တရားစွဲခံခဲ့၇ပြီး နောက်ထပ် ၁၇(၁)ဖြင့် တရားစွဲဆိုခြင်းဖြစ်သည်။

ရခိုင်တွင်တကျော့ပြန်တိုက်ပွဲများမတိုင်မီ စစ်ကောင်စီနှင့် အေအေတို့စစ်ရေးတင်းမာချိန်ကတည်းကအပြစ်မဲ့ပြည်သူအများအပြား ဖမ်းဆီးခံခဲ့ရပြီး တချို့မှာပြန်လည်လွတ်မြောက်လာသော်လည်းတချို့မှာ လွတ်မြောက်လာခြင်းမရှိဘဲ စစ်ကြောရေးတွင်နှိပ်စက်ခံရပြီးတရားစွဲခံရမှုများရှိနေကြောင်း သိ၇သည်။ (NN-7)