နိရဥ္စရာ၊ဒီဇင်ဘာ ၂၄ /၂၀၂၂

၇ခိုင်ပြည်နယ်၊ တောင်ကုတ်မြို့မှလူမှုရေးတက်ကြွလှုပ်ရှားသူ ဦးဇေယျကျော်ကို စစ်ကောင်စီက ဖမ်းဆီးသွားပြီးနောက်၁ လကျော်အကြာတွင် အာမခံဖြင့် လွှတ်ပေးလိုက်ပြီဟု သိ၇သည်။

ဦးဇေယျကျော်ကိုယမန်နေ့ ဒီဇင်ဘာလ ၂၃ ရက်၊ ညနေ ၅ နာရီခွဲခန့်တွင် အာမခံဖြင့်လွှတ်ပေးလိုက်ခြင်းဖြစ်သည်ဟု သူနှင့် နီးစပ်သူတစ်ဦးက ပြောသည်။

“သူလွတ်လာတာ ဟုတ်ပါတယ်။ မနေ့က ညနေက လွတ်လာတာပါ။ ကျန်းကျန်းမာမာပဲ လွတ်လာတာပါ”ဟု ပြောသည်။

 ဦးဇေယျကျော်သည် ပြီးခဲ့သည့်နိုဝင်ဘာလ ၈ ရက်တွင် တောင်ကုတ်မြို့ ကလေးကစားကွင်း၌ ရှိနေစဉ်အရပ်ဝတ်ဖြင့်ဝတ်ဆင်ထားသည့် စစ်ကောင်စီတပ်ဖွဲ့ဝင်များ၏ဖမ်းဆီးခြင်းကိုခံခဲ့၇ခြင်းဖြစ်သည်။

ယင်းနောက်သူ့ကို တောင်ကုတ်အခြေစိုက် စကခ(၅)တပ်မတွင် ထိန်းသိမ်းထားခဲ့ပြီး ယင်းမှတဆင့်လွှတ်ပေးလိုက်ခြင်းဖြစ်သည်ဟု သိ၇သည်။

လွတ်မြောက်လာသည့်ကိစ္စနှင့်ပတ်သက်ပြီးမေးမြန်းရန် ဦးဇေယျကျော်၏လက်ကိုင်ဖုန်းကို နိရဥ္စရာက ဆက်သွယ်ခဲ့သော်လည်းဖုန်းပြန်လည်ဖြေကြားခြင်းမရှိခဲ့ပါ။

ဦးဇေယျကျော်သည်တောင်ကုတ်မြို့နယ် စည်ပင်ကော်မတီ ဥက္ကဋ္ဌဟောင်းလည်းဖြစ်သလိုလူမှုရေးတက်ကြွလှုပ်ရှားသူလည်းဖြစ်သည်။

ယင်းအပြင်တောင်ကုတ်မြို့ကလေးအားကစားကွင်း ဖြစ်မြောက်လာအောင်အားကြိုးမာန်တက်လုပ်ဆောင်နေသူတစ်ဦးလည်းဖြစ်သည်။

ဦးကျော်ဇေယျကျော်၏ညီ ကိုမိုက်ကယ်(ခေါ်)ကိုစည်သူကျော်ဇံကိုလည်း ပြီးခဲ့သည့် နိုဝင်ဘာလ ၄ ရက်တွင်စစ်ကောင်စီတပ်ဖွဲ့ဝင်များက ဖမ်းဆီးသွားခဲ့ပြီး နိုဝင်ဘာလကုန်ပိုင်းတွင်လွှတ်ပေးခဲ့သည်။

ဦးဇေယျကျော်နှင့် သူ၏ညီကိုမိုက်ကယ်(ခေါ်) ကိုစည်သူကျော်ဇံတို့သည် ပြီးခဲ့သည့် ၂၀၂၀ ပြည့်နှစ်၊ဧပြီလအတွင်းကလည်း ရက္ခိုင့်တပ်တော်(AA)နှင့်ပတ်သက်သည်ဟုဆိုကာ အကြမ်းဖက်မှုတိုက်ဖျက်ရေးဥပဒေပုဒ်မ၅၂(က)ဖြင့် စွဲချက်တင်ခံထား၇သေးသည်။

သူတို့ညီအစ်ကိုသည် ၁နှစ်ခန့်အကြာ အမှုရင်ဆိုင်ခဲ့၇ပြီးနောက် ပြီးခဲ့သည် ၂၀၂၁ ခုနှစ်၊ ဧပြီ ၂၆ရက်တွင် စစ်ကောင်စီ၏ တရားသေလွှတ်ပေးခြင်းကို ခံခဲ့၇သည်။

Photo – U Zay Ya Kyaw facebook