နိရဉ္စရာ၊ ဒီဇင်ဘာ ၂၆/၂၀၂၂

ကျောက်တော်မြို့နယ် နေပူခံစစ်ဘေးရှောင်စခန်းတွင် ကလေး၊ လူကြီးများပါမကျန် ပါးအကျိတ်နာ ဖြစ်ပွားနေသည်မှာရက်ပေါင်း ၁၀ ကျော်ကြာနေပြီဖြစ်သော်လည်း ကျန်းမာရေးဌာနတွင်ဆေးဝါးလုံလောက်မှု မရှိ၍ လာရောက်ကုသပေးမှု ပြုလုပ်နိုင်ခြင်း မရှိကြောင်း သတင်းရရှိသည်။

ကျောက်တော်မြို့ခံတစ်ဦးဖြစ်သူ ဦးမောင်အေးစောက “ ကျန်းမာရေးဌာနတွေက လူတွေကသူတို့မှာ ဆေးအခက်အခဲကြောင်း မလာရောက်နိုင်ဘူးလို့ ကျွန်တော်တို့ကိုအကြောင်းပြန်တယ်။ ကျွန်တော်တို့ကလည်း ဒီကိစ္စကိုစိုးရိမ်ပြီးသက်ဆိုင်ရာတာဝန်ရှိသူတွေအနေနဲ့ အရေးတယူ လုပ်ပေးစေချင်ပါတယ်။”

ပါးကျိတ်ရောင်ရောဂါမှာ ကူးစက်တတ်သဖြင့် စစ်ဘေးရှောင်များမှာစိုးရိမ်နေကြကြောင်း သိရှိ၇သည်။

“ အခုက ကလေးရောလူကြီးရောဖြစ်နေကြတာ။ တချို့ကဖျားကြတယ် တချို့ကျတော့လည်း အစာစားလို့မဝင် အဲလိုမျိုး ရ ရက် ၈ ရက်လောက်ခံ၇တယ်။ တချို့ဆေးခန်းပြနိုင်သူတွေကတော့လေးငါး ရက်နဲ့ပျောက်သွားပေမဲ့ ဆေးခန်းမသွားနိုင်တဲ့သူတွေကတော့အများကြီးခံ၇တာပေါ့။”

ယခုကဲ့သို့ ဖြစ်ပွားနေခြင်းမှာရက်ပေါင်း ၁၀ ကျော်ခန့်ရှိနေပြီး လက်ရှိအချိန်တွင် လူပေါင်း ၂၀ခန့်ဖြစ်ပွား နေပြီး တချို့မှာဖြစ်ပြီး ပြန်ကောင်းသွားသူများလည်းရှိကြောင်းသိရှိ၇သည်။

 စစ်ဘေးရှောင်တစ်ဦးက “ အခုကတစ်ဦးပြီးတစ်ဦးဖြစ်နေတယ်။ လူကြီးတွေရော၊ ကလေးတွေကအစဖြစ်နေကြတာ။ အခုဆေးဝါးကုဖို့လည်းအခက်အခဲရှိနေကြတယ်။ ပါးကျိတ်ရောင်တော့ ဖျားကြတယ်။ အစားအစာလည်း မစားနိုင် မသောက်နိုင်ဖြစ်နေကြ၇တယ်”ဟု ပြောဆိုသည်။

အဆိုပါ ကျန်းမာရေးကိစ္စနှင့် ပတ်သက်ပြီး ကျောက်တော်မြို့နယ်ပြည်သူ့ဆေးရုံသို့ ဆက်သွယ်ရာ ဖုန်းလက်ခံဖြေကြားခြင်း မရှိသေးပါ။ ပါးကျိတ်ရောင်ရောဂါမှာ မကြာသေးမီကလည်းကျောက်တော်မြို့တွင် ဖြစ်ပွားမှုများရှိခဲ့ပြီးကြောင်း သိရှိ၇သည်။

ပါးကျိတ်ရောင်ရောဂါမှာ ကူးစက်တတ်သည့်ရောဂါတစ်မျိုးဖြစ်ပြီး ဖြစ်ပွားလျှင် အနည်းဆုံးတစ်ပတ်ခန့် ကြာမြင့်ကာဆေးခန်းပြပီး ကျန်းမာရေး စောင့်ရှောက်မှု ခံယူထားခြင်းက အကောင်းဆုံးဖြစ်ကြောင်းလည်းကျောက်တော်မြို့ခံ တစ်ယောက်က ပြောသည်။

---------------------------

photo- umg ayesaw FB