နိရဥ္စရာ၊ဒီဇင်ဘာ ၂၈/၂၀၂၂

၇ခိုင်ပြည်နယ်၊ ဂွမြို့နယ် နှင့်ဧရာ၀တီတိုင်းကို ဆက်သွယ်ထားသည့် ဂွချောင်းတံတားကို ယနေ့ဒီဇင်ဘာ (၂၈) ရက်နေ့ နံနက်ပိုင်းက စစ်ကောင်စီအဖွဲ့ဝင်များက ဖွင့်လှစ်ခဲ့ကြောင်း သိ၇သည်။ 

အဆိုပါတံတားဖွင့်လှစ်ပွဲကိုရခိုင်ရိုးရာစည်တော်တီးကာ ရိုးရာအကများဖြင့်ဖွင့်လှစ်ခဲ့ပြီး စစ်ကောင်စီအဖွဲ့ဝင်များဖြစ်ကြသည် ဗိုလ်ချုပ်ကြီးတင်အောင်ဆန်းနှင့်ဒေါ်အေးနုစိန်၊ ၇ခိုင်ပြည်နယ်ဝန်ကြီးချုပ်ဒေါက်တာအောင်ကျော်မင်း တို့ တက်ရောက်ခဲ့ကြောင်း သိ၇သည်။

အဆိုပါ ဂွချောင်းတံတားကိုဂွမြို့နယ်ရှိ ဂွ-ကျောက်ချွန်လမ်းပေါ်မှတဆင့် ဧရာ၀တီတိုင်းဒေသကြီးရှိငပုတောမြို့နယ်၊ ငရုတ်ကောင်းမြို့မြောက်ပိုင်းသို့ ဆက်သွယ်ထားခြင်းဖြစ်သည်။

ယခင်ကစက်လှေများနှင့်သာ သွားလာခဲ့၇ပြီး ယခု တံတားကြီးဖွင့်လှစ်နိုင်ခဲ့ပြီဖြစ်၍ ယခင်ထက်လမ်းပန်းဆက်သွယ်ရေး အဆင်ပြေချောမွေ့သွားကာ စီးပွားရေးအ၇လည်း အထောက်အကူဖြစ်ကြောင်းဂွမြို့နယ်၊ မကျည်းငူကျေးရွာသားတစ်ဦးက ပြောသည်။

"တံတားကြီးလည်း တည်ဆောက်ပြီးလို့ဖွင့်လှစ်လိုက်ပြီဆိုတော့ အရင်လို စက်လှေတွေနဲ့ သွားလာစရာမလိုတော့ဘူး။ဒီဒေသနှစ်ခုလုံးအတွက်လည်း စီးပွားရေး၊ လမ်းပန်းဆက်သွယ်ရေး အများကြီးအဆင်ပြေသွားပါတယ်"ဟု ပြောသည်။

ယင်းအပြင်တံတားကြီးအောင်မြင်စွာဖွင့်လှစ်နိုင်ပြီဖြစ်၍ ဝမ်းသာမိကြောင်းဂွမြို့ခံတစ်ဦးက ပြောသည်။

"အရင်က စက်လှေနဲဖြတ်ရတော့မိုးရာသီကာလတွေဆို အန္တရာယ်တွေကြားက သွားရလာ၇တယ်။ အခု လွယ်လွယ်ကူကူပဲသွားနိုင်ပြီဆိုတော့ ဝမ်းသာပါတယ်"ဟု ပြောသည်။

ရခိုင်ပြည်နယ်နှင့်ဧရာ၀တီတိုင်းဒေသကြီးကိုဆက်သွယ်ထားသည့် ဂွချောင်းတံတားကို ဧပြီလ လယ်ပိုင်းခန့်မှစကာ အရေးပေါ်လိုအပ်သောယာဉ်များနှင့် အိမ်စီးကားကို ဖြတ်သန်း သွားလာခွင့်ပေးခဲ့ကြောင်းသိ၇သည်။ 

ဂွချောင်းတံတားကြီးသည်သံကူကွန်ကရစ်အမျိုးအစားဖြစ်ပြီး အရှည်ပေ ၁,၃၉၈ ပေနှင့်  ၉ လက်မရှည်လျားကြောင်း သိ၇သည်။

အဆိုပါတံတားကို ကျပ်သန်းပေါင်း ၈,၉၀၀အကုန်အကျခံကာ (လမ်း+တံတား)ဖြင့် ၂၀၁၉ ခုနှစ်၊ နိုဝင်ဘာ ၁၈ ရက်မှစတင်တည်ဆောက်ခဲ့ခြင်းဖြစ်သည်။(NN-7)