- Web Master
- ၂၇ ဧပြီ ၂၀၂၄
နိရဉ္စရာ၊ ဒီဇင်ဘာ ၂၈/ ၂၀၂၂
၂၀၀၈ နာဂစ် အခြေခံဥပဒေ ပြင်ဆင်နိုင်ရေးအတွက် ရခိုင်ပြည်လွတ်မြောက်ရေးပါတီ (ALP) အပါအဝင် NCA အပစ်ရပ် တိုင်းရင်းသားလက်နက်ကိုင် အဖွဲ့ ၅ ဖွဲ့ က စစ်ကောင်စီနှင့် ဒီဇင်ဘာ ၂၇ ရက်က စတင်ပြီး နေပြည်တော်တွင် ဆွေးနွေးနေကြောင်းသတင်းရရှိသည်။
စစ်ကောင်စီ၏ NCA လက်မှတ်ထိုး တိုင်းရင်းသားလက်နက်ကိုင် EAO ၇ ဖွဲ့ ကို ကိုယ်စားပြု ဖိတ်ခေါ်ခဲ့သော်လည်း လက်နက်ကိုင် အဖွဲ့ကြီး ၂ ဖွဲ့ဖြစ်သည့် မွန်ပြည်သစ်ပါတီ ( NMSP) နှင့် သျှမ်းပြည်ပြန်လည်ထူထောင်ရေး ကောင်စီ (RCSS) တို့ တက်ရောက်ခြင်းမရှိဟု သိရသည်။
လက်ရှိ တက်ရောက် ဆွေးနွေးခဲ့သူများမှာ PNLO နာယက ခွန်ဥက္ကာ၊ ALP ဒုဥက္ကဋ္ဌ ဒေါ်စောမြရာဇာလင်း၊ DKBA စစ်ဦးစီးချုပ် စောစတီး၊ KNU/KNLA PC ဒုတိယဥက္ကဋ္ဌ ဒေါက်တာနော်ကပေါ်ထူးနှင့် LDU ဒုဥက္ကဋ္ဌ တို့ဖြစ်ကြောင်း သိရသည်။
ဖွဲ့စည်းပုံပြင်ရန် တက်ရောက် ဆွေးနွေးနေကြသူများမှာ တဖွဲ့ချင်း၏ ဆန္ဒသဘောထားနှင့် တက်ရောက်ခြင်းဖြစ်ပြီး ၇ဖွဲ့ ကို ကိုယ်စားပြု တက်ရောက်တာ မဟုတ်ကြောင်း တိုင်းရင်းသား လက်နက်ကိုင် အဖွဲ ၇ဖွဲ့ ပြောခွင့်ရ ဗိုလ်မှူးကြီး စောကျော်ညွန့်ကပြောသည်။
ယမန်နေ့က ဆွေးနွေးပွဲတွင် အစီအစဥ် ၈ ရပ်ကို ညှိနှိုင်း သဘောတူခဲ့ပြီး ယနေ့ ဒီဇင်ဘာ ၂၈ ရက်တွင် ထပ်မံ ဆွေးနွေးကြမည်ဖြစ်ကြောင်း စစ်ကောင်စီက သတင်းထုတ်ပြန်ထားသည်။
Source and Photo from THN freelance journalist