နိရဉ္စရာ၊ဒီဇင်ဘာ ၂၉/၂၀၂၂

မြန်မာနိုင်ငံတွင် ၂၀၂၃ခုနှစ် ဆယ်တန်းသင်ရိုးစနစ်ဟောင်း တက္ကသိုလ်ဝင်စာမေးပွဲကိုမတ်လ ၈ ရက်မှ  ၁၈ရက်အထိ ကျင်းပသွားမည်ဖြစ်ပြီး ရခိုင်တွင် စာရင်းပေးသွင်းထားသည့် ကျောင်းသား/ကျောင်းသူ  အရေအတွက်မှာ၁၉၀၀၀ ကျော်ရှိကြောင်း သတင်းရရှိသည်။

လာမည့်နှစ်၂၀၂၃ ခုနှစ်တွင် ဖြေဆိုရမည့်တက္ကသိုလ်ဝင်စာမေးပွဲသည်ဆယ်တန်းသင်ရိုးစနစ်ဟောင်းအတွက်နောက်ဆုံးအကြိမ်ကျင်းပမည့် တက္ကသိုလ်ဝင်စာမေးပွဲ ဖြစ်ကြောင်းလည်း သိ၇သည်။

၇ခိုင်တွင်၂၀၂၃ ခုနှစ်မတ်လတွင် ဖြေဆို၇မည့် တက္ကသိုလ်ဝင်စာမေးပွဲဖြေဆိုရန် စာရင်း ပေးထားသူဦးရေမှာ ၁၉၁၆၅ ဦးရှိပြီးကျောင်းတွင်းဖြေဆိုမည့်သူ ၄၀၈ ဦးနှင့် ပြင်ပဖြေဆိုမည့်သူ ၁၈၇၅ရဦးရှိကြောင်း ရခိုင်ပြည်နယ်ပညာရေးမှူးရုံးမှသိ၇သည်။ 

၇ခိုင်တွင်ပြီးခဲ့သည့် ၂၀၂၂ ခုနှစ် တက္ကသိုလ်ဝင်စာမေးပွဲဖြေဆိုရာတွင် စာစစ်ဌာန၂၁၈ ခုကို ဖွင့်လှစ်ခဲ့သော်လည်း ယခုနှစ်တွင် ဖြေဆိုမည့်သူဦးရေနည်းသဖြင့်ယခင်နှစ်ထက် စာစစ်ဌာနအရေအတွက် လျော့နည်းနိုင်ကြောင်းပြည်နယ်ပညာရေးမှူး ဦးဘထွီးစိန်က နိရဉ္စရာသို့ ပြောသည်။

"မြန်မာနိုင်ငံစာစစ်ဦးစီးဌာနက မကြာခင်မှာသတ်မှတ်ပေးပါလိမ့်မယ်။ ဆိုလိုတာက ၇သေ့တောင်မြို့နယ် အနေနဲ့ ဥပမာပြောရင်စာဖြေသူတစ်ထောင်ကျော်ဆိုရင် ကျောင်းတစ်ကျောင်းမှာ ငါးရာ၊ လေးရာဆိုရင်သုံးကျောင်းလောက်ပေါ့၊ မြို့ပေါ်ကျောင်းတွေလောက်ပဲ။ အရင်ကဆိုရင်နယ်စာစစ်ဌာနတွေရှိတယ်။ ဒီနှစ်မှာတော့ မြို့ပေါ်လောက်ပဲ ယူဆတယ်။ အရင်တုန်းကခုနှစ်ခုဆိုရင် အခု သုံး၊လေးခုလောက်ပဲဖြစ်နိုင်မယ်။ အတိအကျတော့မသိသေးဘူး"ဟုပြောသည်။

လက်ရှိတွင်ပြည်နယ်ပညာရေးမှူးရုံးမှ ရရှိထားသည့် တက္ကသိုလ်ဝင်စာမေးပွဲဖြေဆိုမည့်သူစာရင်းသည်မြို့နယ်အသီးသီးမှ စာဖြေဖို့တင်ပြထားသည့်စာရင်းဖြစ်ပြီးမြန်မာနိုင်ငံစာစစ်ဌာနသို့ သီးခြား တင်ပြသည့်တစ်ဦးစ တစ်ယောက်စလည်းရှိကောင်းရှိနေနိုင်သေးသည်ဟု ပြည်နယ်ပညာရေးမှူးဦးဘထွီးစိန်မှ ဆက်ပြောသည်။

၇ခိုင်တွင် ပြီးခဲ့သည့်၂၀၂၂ ခုနှစ် တက္ကသိုလ်ဝင်စာမေးပွဲကို ကျောင်းသား၊ကျောင်းသူဦးရေ ၄၁၇၅၃ဦးဖြေဆိုခဲ့ပြီး ၁၉၇၂၉ ဦး စာမေးပွဲအောင်မြင်ခဲ့ကြောင်း သိ၇သည်။

 မြန်မာနိုင်ငံတွင်၂၀၂၃ ခုနှစ် တက္ကသိုလ်ဝင်စာမေးပွဲကို မတ်လ ၈ ရက်မှ မတ်လ ၁၈ ရက်အထိကျင်းပသွားမည်ဖြစ်ကြောင်း ယနေ့ ဒီဇင်ဘာလ ၂၉ ရက်၊ နံနက်ပိုင်းက မြန်မာနိုင်ငံစာစစ်ဦးစီးဌာနမှထုတ်ပြန်ကြေညာထားသည်။

(NN-8)