စစ်တွေတွင်အသတ်ခံခဲ့၇သည့် မနွယ်သန္တာဝင်းအမှုနှင့် ပတ်သက်ပြီး ဖမ်းဆီးထားသည့် မောင်မျိုးချစ်စိုးကို နောက်လ ၁၃ရက်နေ့တွင် အမိန့်ချမည်

Preview

စစ်တွေတွင်အသတ်ခံခဲ့၇သည့် မနွယ်သန္တာဝင်းအမှုနှင့် ပတ်သက်ပြီး ဖမ်းဆီးထားသည့် မောင်မျိုးချစ်စိုးကို နောက်လ ၁၃ရက်နေ့တွင် အမိန့်ချမည်

ဒီဇင်ဘာ ၃၀/ ၂၀၂၂ | ကြည့်ရှုသူ :5184

နိရဉ္စရာ၊ဒီဇင်ဘာ ၃၀/ ၂၀၂၂

စစ်တွေမြို့တွင်အသတ်ခံခဲ့သည့်မနွယ်သန္တာဝင်းအမှုနှင့် ပတ်သက်ပြီးစွပ်စွဲဖမ်းဆီးခံထား၇သည့် လူငယ်တစ်ဦးဖြစ်သူမောင်မျိုးချစ်စိုးအမှုကို ယနေ့တွင် အမိန့်ချမှတ်ရန် ရုံးချိန်းရှိသော်လည်း အမိန့်မချဘဲ အမိန့်ချမည့်ရက်ကို လာမည့်နှစ်ဇန်နဝါရီ ၁၃ရက်ကို ပြောင်းရွေ့လိုက်သည်ဟုသိ၇သည်။

ရဲဘက်က ဖမ်းဆီးထားသည့် ကိုမျိုးချစ်စိုးကိုယနေ့ဒီဇင်ဘာလ ၃၀ရက်နေ့လယ် ၁၁နာရီကျော် အချိန်ခန့်က စစ်တွေမြို့၊ထောင်ချုပ်ထဲတွင်ရုံးထုတ်ခဲ့ပြီး ထိုသို့ အမိန့်ချမည့်ရက်ကိုရွေ့ခဲ့သည်ဟု သိ၇သည်။

"ဒီနေ့ရုံးထုတ်ပြီးတော့အမိန့်ချမှတ်မယ်လို့ပြောတယ်။ ရုံးထုတ်တယ်လို့သာပြောတာပြင်ပတရားရုံး မတင်ဘူး။ ဖမ်းဆီးထားတဲ့ထောင်ချုပ်ထဲမှာပဲလုံခြုံရေးရဲတွေအများကြီးနဲ့ ရုံးထုတ်တယ်။ ၁၁နာရီ ကျော်လောက်က ရုံးထုတ်ပြီးတော့ ၁၂နာရီမထိုးခင်မှာပဲရဲတွေအများကြီးနဲ့ ပြန်ခေါ်သွားကြ

တယ်။ဒီနေ့အမိန့်ချမှတ်မယ်ပြောပြီးတော့ နောက်လ ဇန်နဝါရီ ၁၃ရက်ကို ရက်ပြောင်း ရွေ့လိုက်တယ်။ အဲ့နေ့မှ အမိန့်ချမှတ်မယ်လို့ပြောတယ်"ဟု ဖမ်းဆီးခံထား၇သည့် ကိုမျိုးချစ်စိုးမိခင်ဒေါ်လှသိန်းနွယ်က နိရဉ္စရာကိုပြောသည်။

မောင်မျိုးချစ်စိုးကိုစစ်တွေမြို့၊ အမှတ်(၁)ရဲစခန်းမှူးမှ တရားလိုလုပ်ကာ ဖမ်းဆီးထားခြင်းဖြစ်ပြီး ယနေ့ အမိန့်ချမှတ်မည်ဆိုပြီးမှ တစ်ခြားနေ့သို့ပြောင်းရွေ့လိုက်ခြင်းမှာမည်သည့်အတွက်ကြောင့်ဖြစ်သည်ကို မသိရှိ၇ဟု ဒေါ်လှသိန်းနွယ်က ပြောကြားသည်။

သူ့အား ရုံးထုတ်စစ်ဆေးခဲ့ရာ၌လည်းသက်သေနှစ်ဖက်စလုံးက ကိုမျိုးချစ်စိုးတွင် အပြစ်မရှိကြောင်းကိုသာ ထွက်ဆိုခဲ့ကြသဖြင့် အမြန်ဆုံးပြန်လွှတ်ပေးသင့်သည်ဟု သူမက ပြောဆိုသည်။

"ထောင်ထဲမှာပဲ ရုံးထုတ်တယ်။ထောင်ထဲမှာပဲစစ်တယ်။ သက်သေတွေကိုလည်း ထောင်ထဲမှာပဲ စစ်ဆေးတယ်။ စခန်းမှူးမှာသက်သေထည့်ထားတာ သူအပါအဝင် ၂၄ယောက်ရှိတယ်။ ၂၃ ယောက်လုံးကိုစစ်တယ်။ ကျွန်မတို့ဘက်က ၇ ယောက်ရှိတယ်။ နှစ်ဖက်သက်သေ အယောက်၃၀ စလုံးကကျွန်မသားမှာအပြစ်ရှိတယ်လို့ မထွက်ဆိုဘူး။ အပြစ်မရှိကြောင်းပဲထွက်ဆိုကြတယ်။အသတ်ခံရတဲ့မိန်းကလေးရဲ့ မိဘတွေနဲ့ မိသားစုတွေကလည်းအပြစ်မရှိကြောင်းပဲပြောတယ်။ သူ့သမီးအသတ်ခံ၇မှုမှာ မဆိုင်တဲ့သူတွေကို ဖမ်းထားလို့ အမြန်ဆုံးလွတ်မှာပါ။ မပူပါနဲ့ညီမလေးလို့ တောင်အားပေး နှစ်သိမ့်ခဲ့ကြသေးတယ်။ ပြီးတော့ တရားလိုလုပ်ပြီး တရားစွဲဖမ်းဆီးထားတဲ့ အမှတ်(၁)ရဲစခန်းမှူးကလည်း တနင်္သာရီတိုင်းဘက်ကို ပြောင်း သွားပြီလို့လည်းသိ၇တယ်"ဟု ဒေါ်လှသိန်းနွယ်က ပြောသည်။

အသတ်ခံခဲ့၇သည့် မနွယ်သန္တာဝင်းသည် စစ်တွေမြို့ဘောလုံးကွင်းရပ်ကွက်ရှိ မေယုလမ်းပေါ်မှ ၇ခိုင်ပြည်နယ် အစိုးရအဖွဲ့ရုံးအနီး ဆိုလာနှင့်လျှပ်စစ်ပစ္စည်းအရောင်းဆိုင်တစ်ခုမှ အရောင်းဝန်ထမ်းဖြစ်သည်။ သူမသည် ပြီးခဲ့သည့်သြဂုတ်လ ၁၅ရက်နေ့က တစ်ဦးတည်း ဆိုင်ရောင်းနေရာမှ ဓားဒဏ်ရာများဖြင့် သေဆုံး၍ တွေ့ရှိခဲ့သည်။

အဆိုပါသေဆုံးမှု၌ သံသယရှိသည်ဟုဆိုကာ အနီးအနားရှိဆိုင်တစ်ဆိုင်မှ ဝန်ထမ်းဖြစ်သူ မြေပုံမြို့နယ်၊ ကမ်းထောင်းကြီးမြို့၊(၅)ရပ်ကွက်မှ ဦးသိန်းမောင်နှင့် ဒေါ်လှသိန်းနွယ်တို့၏သားဖြစ်သူမောင်မျိုးချစ်စိုး၊ အသက်(၂၀)နှစ်ကို သြဂုတ်လ ၁၆ရက်နေ့က ရဲမှမဆီမဆိုင် ဖမ်းဆီးခဲ့သည်ဟု မိသားစုဝင်များက ပြောကြားသည်။

(NN-12)

#တရားဥပဒေ# စစ်ကောင်စီ# ရခိုင်

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ