ရေခပ်သွားစဉ် သေလုနီးပါး ဦးခေါင်းကို အရိုက်ခံရသူအမျိုးသမီးက ကျူးလွန်သူများကို ဖော်ထုတ်အရေးယူရန်တောင်းဆို
နိရဉ္စရာ၊ ဒီဇင်ဘာ ၃၀/၂၀၂၂
၇ခိုင်ပြည်နယ်၊ မင်းပြားမြို့နယ်၊သင်းခေါင်မော်အုပ်စု၊ ဘိတ်တောင်ကျေးရွာမှ အသက် ၃၁ အရွယ် အမျိုးသမီးတစ်ဦးဖြစ်သူ မဦးသန်းနုသည် သူမရေခပ်သွားစဉ် နောက်ကနေ သူမဦးခေါင်းကို သေလုမျောပါးရိုက်နှက်ခဲ့သူများအား ဖော်ထုတ် အရေးယူပေးရန် တောင်းဆိုလိုက်သည်။
ရိုက်နှက်ခံ၇သူမှာဦးလှကျော်သာနှင့် ဒေါ်ခိုင်အေးတို့၏ သမီးဖြစ်သူ အသက် ၃၁နှစ်အရွယ် မဦးသန်းနုဖြစ်ပြီး ၁ လနီးပါးကြာနေပြီဖြစ်သော်လည်း ယခုအချိန်ထိ အမှုမှန် မပေါ်ပေါက်သေးသဖြင့် တောင်းဆိုရခြင်းဖြစ်ကြောင်းသူမက နိရဉ္စရာသတင်းဌာနကို ပြောဆိုသည်။
" ကျွန်မရေခပ်လို့ပြန်လာတဲ့အခါ အနောက်ကနေ ဦးခေါင်းကိုအရိုက်ခံလိုက်၇တာပါ။ အဲဒီအချိန်မှာကျွန်မမူးလဲသွားတယ်။ဒါပေမယ့် စကားပြောသံတချို့ကိုတော့ ကြားလိုက်ပါတယ်။သတိပြန်၇လာတဲ့ အချိန်မှာလည်း မျက်လုံးတွေဝေဝါးပြီးတော့လူတွေမြင်ခဲ့ပေမဲ့မမှတ်မိခဲ့ဘူး။ ဘယ်နေရာက နိုးလာလဲဆိုတာလဲ မမှတ်မိဘူး။ သတိရလာတာနဲ့ အိမ်ကိုမူရီမူဝါးနဲ့ပြန်လာခဲ့တာပါ " ဟုပြောသည်။
၎င်းဖြစ်စဉ်သည် ပြီးခဲသည့် ဒီဇင်ဘာ ၈ ရက် နေ့လယ် ၁၂ ကျော်နာရီခန့်တွင် ဖြစ်ပွားခဲ့ခြင်းဖြစ်ပြီး သူမ ရေခပ်ပြီး အိမ်ပြန်လာစဉ် လမ်းတွင်နောက်ကျောမှအရိုက်ခံလိုက်၇သည်ဟု ပြောကြားသည်။
ထိုသို့ အရိုက်ခံ၇သဖြင့်မဦးသန်းနုမှာဦးခေါင်း၊ ပခုံးနှင့် ကျောကုန်းတို့တွင်ဒဏ်ရာရရှိခဲ့ပြီး မင်းပြားမြို့နယ် ဆေးရုံတွင်၄ရက်ကြာ ဆေးကုသမှုခံယူ၇ကာ ဦးခေါင်းကဒဏ်ရာကို လေးချက် ချုပ်ခဲ့၇သည်ဟု သူမ၏မတ်ဖြစ်သူ ကိုမင်းမင်းစိုးကနိရဥ္စရာကိုပြောသည်။
" ဒီလိုအရိုက်ခံ၇တဲ့အတွက် ဦးခေါင်းကနေ သွေးတွေ အရမ်းထွက်ပြီး ဦးခေါင်းက ဒဏ်ရာကို လေးချက်ချုပ်ရတယ်။ဓါတ်မှန်ရိုက်ကြည့်တော့ ခန္ဓာကိုယ်ထဲအသားတွေ ကြေမွသွားတယ်။ အဆုပ်တွေနာသွားတယ်။အာရုံကြောလည်းထိခိုက်သွားတယ်လို့ အဖြေထွက်ပါတယ်။ ဆေးမှတ်တမ်းစာရွက်တွေလည်းရှိပါတယ်။ကျနော်တို့ထင်တာက အဓမ္မကြံစည်မူလည်း ပါမယ်ထင်တယ် " ဟုပြောသည်။
မဦးသန်းနုမှာရေခပ်သွားသည့် အချိန်ကြာနေပြီဖြစ်၍ ညီမဖြစ်သူက ရေခပ်သည့် လမ်းတစ်လျှောက် သွားပြီး လိုက်လံရှာဖွေခဲ့သော်လည်း မတွေ့ခဲ့သဖြင့် စိုးရိမ်တကြီးဖြစ်နေစဉ် ဒေါ်မဦးသန်းနုမှာ သွေးသံရဲရဲဖြင့် အိမ်ကိုရောက်ရှိလာပြီးနောက် ထပ်မံ သတိလစ်သွားသဖြင့် မင်းပြားဆေးရုံသို့ ပို့ဆောင်ခဲ့၇သည်ဟုဆိုသည်။
ယခုကိစ္စနဲ့ပတ်သတ်ပြီးULA နှင့်ရပ်ကွက်အုပ်ချုပ်ရေးမှူးတို့ကို နစ်နာသူမိသားဝင်များမှ တိုင်ကြားထားပြီး မဦးသန်းနုနှင့်အတူမိသားစုဝင်များမှာ အမှုမှန်ကိုအမြန်ဆုံးဖော်ထုတ်ပေးနိုင်ရန် တောင်ဆိုထားသည်ဟု သိ၇သည်။
မဦးသန်းနုမှာ၈ နှစ်အရွယ်သားတစ်ဦးရှိပြီး စိုက်ခင်းလုပ်ကိုင်စားသောက်နေထိုင်သူတစ်ဦးဖြစ်ကာ လက်ရှိတွင်ပြင်းထန်စွာဒဏ်ရာရရှိထားသောကြောင့် အနားယူနေရသည်ဟု သိ၇သည်။(NN-13)
လှူရန်