နိရဉ္စရာ၊ဇန်နဝါရီ ၂/၂၀၂၃

ရခိုင်ပြည်နယ်၊စစ်တွေမြို့တွင် ၇ခိုင်မျိုးစောင့်အဖွဲ့ (ARG) မှ ဒုတိယအကြိမ်မြောက် ၇ခိုင်ဂုဏ်ဆောင် မိသားစုဆုနှင့်ပ၇ဟိတထူးချွန်ဆုကို ယမန်နေ့က ချီးမြှင့်ခဲ့သည်ဟု သိ၇သည်။

အဆိုပါဆုချီးမြှင့်ပွဲကိုယမန်နေ့ ဇန်နဝါရီလ ၁ရက်၊နေ့လယ် ၂နာရီအချိန်တွင် ၇ခိုင်မျိုးစောင့်အဖွဲ့ ဗဟိုဌာနချုပ်တွင် ကျင်းပခဲ့သည်ဟုသိ၇သည်။

ပရဟိတလုပ်ငန်းများတွင်ကျန်းမာရေး၊ ပညာရေးအပြင် လူမှုရေး လုပ်ငန်းများ၌ စွမ်းစွမ်းတမံ လုပ်ဆောင်နေသည့်ဆရာမကြီး ဒေါက်တာကျော့သာစိန်ကိုပ၇ဟိတ လူမှုထူးချွန်ဆုချီးမြှင့်ခဲ့သည်ဟုသိ၇သည်။

" ဆရာမကြီးက ဘ၀ကိုစွန့်လွတ်အနစ်နာခံပြီးတော့အများကြီးလုပ်ကိုင်ခဲ့တယ်။ စစ်တွေမြို့က စေတနာညကျောင်း ဖွင့်တယ်။စာသင်ပေးတယ်။ ဆေးတက္ကသိုလ်တက်ဖို့ ဆရာမကြီးဆီက ထောက်ပံ့ကြေးယူနေတာ ၂၁ ယောက်ထိရှိတယ်လို့သိရတယ်။ပြောရရင်ဆရာမကြီးက ရှိသမျှရောင်းချပြီးလုပ်တယ်။ကိုယ့်မှာမရှိရင် အလှူရှင်တွေရှာတယ်။ အခုဆုပေးတာကလည်း၇ခိုင်မျိုးစောင့်အဖွဲ့တစ်ခုတည်းကပေးတာမဟုတ်ဘူး။ ရခိုင်တစ်မျိုးသားလုံးကိုယ်စား ၇ခိုင်မျိုးစောင့်အဖွဲ့ကနေ ဆုချီးမြှင့်ပေးတာပါ" ဟု၇ခိုင်မျိုးစောင့်အဖွဲ့ဥက္ကဌ ဦးဦးဘအေးကပြောသည်။

စစ်တွေမြို့၊မင်းဂံရပ်ကွက်မှ ကရာတေးဆရာ ဦးလှဌေး၏ ကျန်ရစ်သည့်မိသားစု ဒေါ်နုနုတင်တို့ကိုရခိုင်ဂုဏ်ဆောင် မိသားစုဆုချီးမြှင့်ခဲ့သည်ဟု ၇ခိုင်မျိုးစောင့်အဖွဲ့ဥက္ကဋ္ဌ ဦးဘအေးကပြောသည်။

 "ဒီဆုပေးပွဲကတော့ ဒီတစ်ကြိမ်ဆိုဒုတိယအကြိမ်ပေါ့။ ဆုပေး၇တာကတော့ ကိုယ့်လူမျိုးအတွက် အသက်ပေးပြီး နစ်နာခဲ့ရတဲ့မိသားစုတွေအားမငယ်၇အောင်။ အခက်အခဲဖြစ်ရင် ကူညီပေးဖို့လည်း ရခိုင်သူ၊ရခိုင်သားတွေမှာတာဝန်ရှိတယ်လို့ခံယူပြီးတော့ ၇ခိုင်ဂုဏ်ဆောင်မိသားစုဆု ချီးမြှင့် ပေးခဲ့တာဖြစ်ပါတယ်။ ဒီဆုမှာရခိုင်မျိုးစောင့်အဖွဲ့မှ နောက်ထပ်တာဝန်ယူမူတွေလည်းရှိပါတယ်"ဟု ပြောသည်။

 ကရာတေးဆရာဦးလှဌေးသည် ၂၀၁၂ ခုနှစ်က ဖြစ်ပွားခဲ့သည့် အဓိဂရုဏ်းအတွင်း သေဆုံးခဲ့ပြီး ကျန်ရစ်သူမိသားစုထဲမှ သမီးဖြစ်သူ ဆေးတက္တသိုလ်တက်ခွင့်ရခဲ့လျှင် စီးပွားရေးအခြေနေကြောင်းအခက်အခဲကျနေပါက ရခိုင်မျိုးစောင့်အဖွဲ့မှ လစဥ် နှစ်သိန်းကျပ်စီ ထောက်ပံ့သွားမည်ဟုသိရပြီး ရခိုင်ဂုဏ်ဆောင်ဆုရှင် မိသားစု၏စီးပွားရေး၊ လူမှုရေး၊ ကျန်းမာရေး၊ ပညာရေး အခက်အခဲ များကိုလည်းအတတ်နိုင်ဆုံး ကူညီပံ့ပိုးသွားမည်ဟု ၎င်းကပြောသည်။

 ဂုဏ်ပြုဆုများချီးမြှင့်ပြီးလျှင်ရခိုင်မျိုးစောင့်အဖွဲ့မှ ပညာရေးဖောင်ဒေးရှင်းဖွဲ့စည်းခဲ့ပြီး ဖောင်ဒေးရှင်း၏ ထူးခြားမှုမှာကျောင်းသားများကို အလှူသဘောမျိုး ပညာသင်ပေးခြင်းမဟုတ်ပဲ ပညာရေးဖောင်ဒေးရှင်းမှ ပညာသင်ကျောင်းသားတစ်ယောက် အလုပ်အကိုင်ရရှိလာသည့်အခါ နောက်

ထပ်မျိုးဆက်သစ် ကျောင်းသားတစ်ယောက်ကိုဆက်လက်သင်ကြားနိုင်ရန်သူယူခဲ့သည့် ပညာ

သင်အထောက်အပံ့ငွေကိုရခိုင်မျိုးစောင့်ဖောင်ဒေးရှင်း၌ ပြန်သွင်းရမည်ဟုလည်း သိ၇သည်။

 ရည်ရွယ်ချက်မှာစဥ်ဆက်မပြတ် ပညာသင်ကြားနိုင်ရန်ဖြစ်သည်ဟု သိ၇သည်။

 ၇ခိုင်မျိုးစောင့်အဖွဲ့ကို၂၀၀၇ ခုနှစ်၊ အောက်တိုဘာလ ရရက်နေ့၌ ဂျပန်နိုင်ငံ၊ တိုကျိုမြို့တွင်ဖွဲ့စည်းခဲ့သည်။  

 သမ္မတဦးသန်းစိန်လက်ထက်၂၀၁၄ ခုနှစ်၊ နိုဝင်ဘာလတွင် ဂျပန်ရှိ ၇ခိုင်မျိုးစောင့်အဖွဲ့ကိုယ်

စားလှယ်များကအစိုး၇နှင့်ညှိနိုင်းပြီးနိုင်ငံရေးမပါသော လူမှုရေးလုပ်ငန်းများ လုပ်ဆောင်ရန် သဘောတူညီမှုဖြင့် ပြည်ထဲပြန်ဝင်လာခဲ့ကာ  မှတ်ပုံတင်ခွင့်ပြုချက်ဖြင့်  ရခိုင်ပြည်နယ်အတွင်း၌ဖွံ့ဖြိုးရေးလုပ်ငန်းများကို လှုပ်ရှားဆောင်ရွက်နေသည်ဟု သိ၇သည်။

 (NN-12)

 ဓာတ်ပုံ- Ba Aye (Fb)