နိရဥ္စရာ၊ဇန်နဝါရီ ၂/ ၂၀၂၃

ရခိုင်ပြည်နယ်၊ကျောက်တော်မြို့နယ်တွင် ရက္ခိုင့်တပ်တော်(AA)နှင့်ဆက်စပ်သံသယဖြင့် ဖမ်းဆီးခံထားရပြီး မတရားအသင်းဆက်သွယ်မှု ပုဒ်မ ၁၇(၁)ဖြင့်တရားစွဲခံထားရသူ မင်းပြားမြို့မှအပျော်တမ်းဓာတ်ပုံဆရာ ဦးစောမိုးကျော်  အပါအဝင် ရဦးကို ယနေ့တွင် ရုံးထုတ်ခဲ့သည်ဟု သိ၇သည်။

ယနေ့ရုံးထုတ်ခံ၇သူ ၇ဦးမှာ ကျောက်တော်မြို့နယ်၊ ၀ပြန်ကျေးရွာမှ မောင်သန်းဌေး၊ မောင်ထွန်းလှိုင်၊ပုဏ္ဏားကျွန်းမြို့နယ် ရဲရိုးပြင်ကျေးရွာမှ ဦးသန်းစိုး၊ ပုဏ္ဏားကျွန်းမြို့နယ်အောင်ဖြူပြင်ကျေးရွာမှ ကိုမျိုးဦး၊ မြေပုံမြို့နယ် အငူရွာသစ်မှမောင်မျိုးကို၊ မြောက်ဦးမြို့ မဟိန်ဂျီရပ်ကွက်မှ မောင်ကျော်မောင်လင်းနှင့်မင်းပြားမြို့မှ အပျော်တမ်းဓာတ်ပုံဆရာ ဦးစောမိုးကျော်တို့ဖြစ်ကြသည်။

သူတို့၇ ဦးသည် AA နှင့်ဆက်စပ်သည်ဟုဆိုကာမတရားအသင်းဆက်သွယ်မှုပုဒ်မ ၁၇(၁)ဖြင့် တရားစွဲခံထားရသူဖြစ်ပြီးယနေ့ ဇန်နဝါရီလ ၂ ရက်၊ နံနက်တွင် ကျောက်တော်မြို့နယ်တရားရုံး၌ရုံးထုတ်ခဲ့ခြင်းဖြစ်သည်ဟု ကျောက်တော်မြို့ခံတစ်ဦးက ပြောသည်။

“ဒီနေ့ရုံးထုတ်တော့ ဘာတွေစစ်ဆေးလဲဆိုတာတော့ ကျနော်လည်း မသိဘူး။ မိသားစုနဲ့လည်း အဆက်အသွယ်မရှိတော့လေ။ရ ယောက်လုံးကို ရုံးထုတ်တာတော့ မှန်ပါတယ်”ဟု ပြောသည်။

သူတို့ကိုလာမည့် ဇန်နဝါရီလ ၉ ရက်သို့ ထပ်မံရုံးချိန်းဆိုလိုက်ကြောင်းလည်း ပြောသည်။

ရခိုင်တွင်ပြီးခဲ့သည့်နှစ်က ရက္ခိုင့်တပ်တော်(AA)နှင့် စစ်ကောင်စီတပ်တို့ တကျော့ပြန် တိုက်ပွဲဖြစ်ပွားနေစဉ်ကာလအတွင်းသူတို့ ရ ဦး ဖမ်းဆီးခံခဲ့ရခြင်းဖြစ်သည်ဟု သိ၇သည်။

တကျော့ပြန်ကာလအတွင်းကျောက်တော်မြို့နယ်တစ်ခုတည်းတွင် AA နှင့်ဆက်စပ်သည်ဟုဆိုကာ မတရားအသင်းဆက်သွယ်မှုပုဒ်မ ၁၇(၁)ဖြင့်တရားစွဲခံ၇သူ ၉ ဦးနှင့် နိုင်ငံတော်ဆူပူလှုံ့ဆော်မှု ဆိုင်ရာဥပဒေပုဒ်၅၀၅(က)ဖြင့်တရားစွဲခံထား၇သူ ၃ ဦးရှိသည်ဟု သိ၇သည်။

သူတို့ ၁၂ဦးအနက် ယနေ့တွင် ရ ဦးကို ရုံးထုတ်ခဲ့ခြင်းဖြစ်ပြီး ကျန်ရှိသည့် ၁၇(၁)ဖြင့်တရားစွဲခံ၇သူ၂ ဦးနှင့် ၅၀၅(က)ဖြင့်တရားစွဲခံ၇သူ ၃ ဦးတို့ကို မနက်ဖြန်တွင်ရုံးထုတ်မည်ဟုလည်း သတင်းများ ထွက်ပေါ်လျက်ရှိသည်။

၇ခိုင်တွင် ပြီးခဲ့သည့်နှစ်ကတကျော့ပြန်ကာလအတွင်း AA နှင့်ဆက်စပ်သည်ဟုဆိုကာ ဖမ်းဆီးခံခဲ့ရသည့်အရပ်သားဦးရေ ၁၀၀ ကျော်အထိရှိခဲ့ပြီး အချို့မှာ လွတ်မြောက်သွားပြီ ဖြစ်သော်လည်း အများစုမှာဆက်လက်အမှုဖွင့် တရားစွဲဆိုခံနေ၇ဆဲဖြစ်သည်။

AA နှင့်စစ်ကောင်စီတပ်တို့သည် ပြီးခဲ့သည့်နှစ်၊ နိုဝင်ဘာလ ၂၆ ရက်မှစတင်ကာနားလည်မှုဖြင့်အပစ်ရပ်ထားကြပြီဖြစ်သည့်အတွက် သူတို့အားလုံးကိုလည်းအမြန်ဆုံးပြန်လွှတ်ပေးရန် မိသားစုဝင်များနှင့် လူ့အခွင့်အရေးလှုပ်ရှားနေသူများကတောင်းဆိုနေကြသည်။

Photo - KHM