နိရဉ္စရာ၊ဇန်နဝါရီ ၂/၂၀၂၃

စစ်တွေမြို့တွင်စစ်ကောင်စီရေတပ်စခန်းမှကားတစ်စီး ဝင်တိုက်၍ အရပ်သားတစ်ဦး ပွဲချင်းပြီးသေဆုံးသွားကြောင်းသတင်းရရှိသည်။

ယနေ့ဇန်နဝါရီ ၂ ရက် နေ့လယ် ၁ နာရီအချိန် စစ်တွေမြို့၊ လမ်းမတော်ရပ်ကွက်၊ WaveKTV ရှေ့လမ်းမကြီးတွင် အရပ်သားစီးလာသည့် ဆိုင်ကယ်ကို စစ်ကောင်စီရေတပ်မှ ကားဝင်တိုက်ရာက  ပွဲချင်းပြီးသေဆုံးသွားကြောင်း မျက်မြင်ဒေသခံတစ်ဦးကပြောသည်။ 

"ဒီနေ့နေ့လယ် ၁ နာရီလောက်က အရပ်သားနှစ်ဘီးဆိုင်ကယ်တစ်စီးကို ရေတပ်စခန်းကကားတိုက်တာ။ ဝင်တိုက်သွားတော့ ဒဏ်ရာပြင်းထန်တဲ့အတွက် ဆေးရုံကိုယူသွားတယ်။ နောက်ကြားတာက ဆုံးသွားပြီလို့ ကြားတယ်။ လမ်းမှာ အသားတွေပါပြန့်ကြဲပြီးကျန်ခဲ့တယ်"ဟု ပြောသည်။ 

သေဆုံးသူမှာအသက် (၆၀) ဝန်းကျင်အရွယ် မရမာကြီးလူမျိုး အမျိုးသားဖြစ်ပြီး အမည်နှင့် နေရပ်ကိုအတိအကျမသိ၇သေးကြောင်း သွားရောက်ကူညီပေးခဲ့သည့် သူကပြောသည်။ 

 မေတ္တာရောင်ခြည်ဖောင်ဒေးရှင်းဥက္ကဌကိုလင်းလင်းက"ဆေးရုံရောက်တော့အသက်မရှိတော့ပါဘူး။ အခုထိ ဘယ်သူ၊ ဘယ်ဝါမှန်းမသိ၇သေးဘူး။ မိသားစုကိုတော့ ဆက်သွယ်ဖို့ကြိုးစားနေပါတယ်"ဟုပြောသည်။ 

 လက်ရှိမှာအလောင်းကို ဆေးရုံသို့ပို့ဆောင်ထားပြီး မိသားစုကိုအသိပေးရန်ဆက်သွယ်နေကြောင်းသိ၇သည်။ (NN-7)

 (ဓာတ်ပုံ - မေတ္တာရောင်ခြည်ဖောင်ဒေးရှင်း )