နိရဥ္စရာ၊ဇန်နဝါရီ ၂/၂၀၂၃

၇ခိုင်ပြည်နယ် ၇သေ့တောင်မြို့နယ်နှင့်ပုဏ္ဏားကျွန်းမြို့နယ်တို့တွင် မကြာသေးခင်က တာဝန်မှ နုတ်ထွက်ထားသည့်ကျေးရွာအုပ်ချုပ်ရေးမှူး အယောက် ၉၀ ကျော်ကို ပြန်လည် တာဝန်ထမ်းဆောင်ကြရန်ရက္ခိုင်အမျိုးသားအဖွဲ့ချုပ်(ULA)က ခေါ်ယူတိုက်တွန်းလိုက်သည်ဟု သိ၇သည်။

ရသေ့တောင်မြို့နယ်မှနုတ်ထွက်ထားသည့် ကျေးရွာအုပ်ချုပ်ရေးမှူး ၁၉ ဦးနှင့် ပုဏ္ဏားကျွန်းမြို့နယ်မှနုတ်ထွက်ထားသည့်ကျေးရွာအုပ်ချုပ်ရေးမှူး ၇၀ ကျော်၊ စုစုပေါင်း၉၀ ကျော်ကို ယနေ့ ဇန်နဝါရီလ ၂ ရက်၊ မွန်းတည့် ၁၂ နာရီခန့်တွင်ပုဏ္ဏားကျွန်းမြို့နယ်အတွင်းရှိ ULA နယ်မြေရုံးသို့ ခေါ်ယူကာ တိုက်တွန်းခဲ့ခြင်းဖြစ်သည်ဟုကျေးရွာအုပ်ချုပ်ရေးမှူးများနှင့် နီးစပ်သူတစ်ဦးက ပြောသည်။

“ကိုယ်တို့တွေ အုပ်ချုပ်ရေးမှူးမရှိတဲ့အတွက်ကိုယ်တို့၇ခိုင်တွေ အခက်အခဲဖြစ်နေတယ်။ တစ်ခုခုသွားတယ်ဆိုရင်ထောက်ခံစာမရှိဘာမရှိ၊ အားနည်းချက်တွေရှိနေတယ်။ အဲလိုပုံစံမျိုးတွေလေ။အဲလိုဆိုတော့ အဲဒါကို ပြန်ပြီးတော့ လက်ခံလုပ်ကြဖို့ အဲလိုတိုက်တွန်းတာ”ဟု ပြောသည်။

ယင်းသို့တိုက်တွန်းခဲ့သည့်အတွက် အချို့အုပ်ချုပ်ရေးမှူးများကလုပ်ရန်ဆန္ဒရှိသော်လည်း အချို့မှာ ULA/AA နှင့် စစ်ကောင်စီတပ်တို့အကြား ကြားညှပ်နေ၍ လုပ်ရကိုင်၇ အကျပ်အတည်း တွေ့ရသည်ဟုဆိုကာဆက်လက်တာဝန်ထမ်းဆောင်ရန် ဆန္ဒမရှိဖြစ်နေကြသည်ဟု ပြောသည်။

“ရွာသားတွေအတွက်၊ပြည်သူတွေအတွက်ဆို ငါတို့ပြန်လုပ်၇မယ်ဆိုပြီး လုပ်ချင်တဲ့သူတွေ တချို့ရှိသလို တချို့ကတော့ မလုပ်ချင်တော့ဘူးဆိုပြီးအုပ်စု ၂ ခုဖြစ်နေတယ်ပေါ့။ ဘယ်လိုဆက်ဖြစ်မလဲတော့ မပြောတတ်သေးဘူး”ဟု ပြောသည်။

စစ်ကောင်စီတပ်နှင့်AA တို့အကြားတာဝန်ထမ်းဆောင်ရသည်မှာ လွတ်လပ်မှုမရှိတော့၍ဟုဆိုကာ ရသေ့တောင်မြို့နယ်မှကျေးရွာအုပ်ချုပ်ရေးမှူး ၁၉ ဦးသည် ပြီးခဲ့သည့် ဒီဇင်ဘာလ ၁၆ ရက်ကလည်းကောင်း၊ပုဏ္ဏားကျွန်းမြို့နယ်မှ ကျေးရွာအုပ်ချုပ်ရေးမှူး ၇၀ ကျော်သည်ပြီးခဲ့သည့် နိုဝင်ဘာလ ၁၅ ရက်ကလည်းကောင်းသက်ဆိုင်ရာမြို့နယ်အုပ်ချုပ်ရေးမှူးရုံးတို့ထံ အသီးသီးနုတ်ထွက်စာတင်ခဲ့ကြခြင်းဖြစ်သည်။

လက်ရှိတွင် အဆိုပါကျေးရွာအုပ်ချုပ်ရေးမှူးတာဝန်မှ နုတ်ထွက်ထားကြသည့်အတွက် နယ်ဝေးသို့ခရီးသွားလာရန်ထောက်ခံစာတောင်းခံခြင်းနှင့် မှတ်ပုံတင် ပျက်စီး/ပျောက်ဆုံး၍ပြန်လည်လျှောက်ထားရန် ထောက်ခံစာ တောင်းခံခြင်းတို့တွင် အဆင်မပြေမှုများဖြစ်ပေါ်နေသည်ဟုဒေသခံများက ပြောသည်။

 ပုဏ္ဏားကျွန်းမြို့နယ်မှ ဒေသခံတစ်ဦးက“အခက်အခဲတော့ ဘယ်လိုကြုံနေ၇လဲဆိုတော့မှတ်ပုံတင်သမားတွေ မှတ်ပုံတင်လုပ်ချင်တယ်။ တချို့တလေကမှတ်ပုံတင်တွေပျက်စီးနေကြတယ်။ ထောက်ခံစာ အုပ်ချုပ်ရေးမှူးဆီ သွားတောင်းတော့ သူကလည်း မပေးနိုင်တော့ဘူး။ တံဆိပ်တုံးလည်း မရှိတော့ဘူးလေ။အဲလိုအခက်အခဲတွေ ဖြစ်နေ၇တယ်”ဟုပြောသည်။

 ယခင်၂၀၁၈ ခုနှစ်မှ ၂၀၂၀ ပြည့်နှစ်အတွင်း ၇ခိုင်တွင် စစ်တပ်နှင့် AA တို့တိုက်ပွဲများ ပြင်းထန်ခဲ့ချိန်ကလည်း မြောက်ဦး၊ကျောက်တော်နှင့် ရသေ့တောင် စသည့်မြို့နယ်များမှ ကျေးရွာအုပ်ချုပ်ရေးမှူးအများအပြားသည်နှစ်ဘက်တပ်အကြားတွင် တာဝန်ထမ်းဆောင်၇သည်မှာ အကျပ်အတည်းများဖြစ်ပေါ်၍ဟုဆိုကာ တာဝန်မှနုတ်ထွက်စာတင်၍ နုတ်ထွက်ခဲ့ကြဖူးသည်။