စစ်တွေတွင် ပြုလုပ်သည့် (၇၅)နှစ်မြောက် စိန်ရတုလွတ်လပ်ရေးနေ့အခမ်းအနား လုံခြုံရေးတင်းကျပ်ပြီး သတင်းယူခွင့်ကန့်သတ်ခံရ

နိရဉ္စရာ၊ ဇန်နဝါရီ ၄/၂၀၂၃

ရခိုင်ပြည်နယ်၊ စစ်တွေမြို့တွင် စစ်ကောင်စီက ကျင်းပသည့်(၇၅)နှစ်မြောက် စိန်ရတုလွပ်လပ်ရေးနေ့ အခမ်းအနားတွင်လုံခြုံရေးတင်းကျပ်ပြီး  သတင်းသမားများသတင်းယူခွင့်ကို ကန့်သတ်ခဲ့သည်ဟု သိရသည်။

အဆိုပါ(၇၅)နှစ်မြောက် စိန်ရတုလွတ်လပ်ရေးနေ့အခမ်းအနားကို  ယနေ့ဇန်နဝါရီလ ၄ရက်၊ မနက် ၄နာရီအချိန်မှ နံနက် ၈နာရီအထိ စစ်တွေမြို့၊ ဝေသာလီကွင်းတွင်ကျင်းပခဲ့ခြင်းဖြစ်ကာ ရခိုင်အ

ခြေစိုက်သတင်းမီဒီယာများ၏ သတင်းယူခွင့်ကိုလည် ပိတ်ပင်ကန့်သတ်ထားခဲ့သည်ဟု သိရသည်။

"ကျွန်တော်တို့က အခမ်းအနားတစ်ခုခုကျင်းပရင် ရခိုင်အခြေစိုက်သတင်းမီဒီယာတစ်ခုအနေနဲ့ အမြဲလိုလိုသတင်းသွားယူကြတယ်။ တစ်ခါမှလည်း ကန့်သတ်မခံရဘူး။ ဒီလွတ်လပ်ရေးနေ့အခမ်းအ

နားကျင်းပတဲ့ပွဲမှာ သတင်းသွားယူတာ ကန့်သတ်ခံရတယ်။ သတင်းဌာနက ခွင့်ပြုချက် သတင်း

ထောက်ကဒ်တွေပါလားမေးတယ်။ သတင်းဌာနရဲ့ ခွင့်ပြုချက်သတင်းထောက်ကဒ်မပါလို့ သတင်းနဲ့သတင်းဓာတ်ပုံတွေရိုက်ခွင့်မရဘူး။ ဓာတ်ပုံရိုက်ချင်ရင် အဝေးကလှမ်းရိုက်လို့ပြောတယ်" ဟု အမည်မဖော်လိုသည့် သတင်းထောက်တစ်ဦးက ပြောသည်။

အဆိုပါလွတ်လပ်ရေးနေ့အထိမ်းအမှတ်ပွဲတွင် အစိုးရသတင်းထောက်များသာသတင်းယူခွင့်ရရှိပြီး ပုဂ္ဂလိကသတင်းထောက်များကသတင်းယူခွင့်မရရှိသည့်အပြင် သတင်းယူခွင့်ရမည့်ကဒ်များကိုလည်း မည်သည့်နေရာကထုတ်ယူနိုင်သည်ကို ကြိုတင်ပွင့်လင်းမြင်သာစွာ ထုတ်ပြန်ခြင်းမရှိခဲ့ဟုလည်း သိရသည်။

"သတင်းထောက်ကဒ်တွေမပါလို့ သတင်းယူခွင့်ရဖို့ဘယ်နေရာက ကဒ်တွေထုတ်ပေးလည်းမေးတော့ ပြန်ဆက်ရုံးကနေထုတ်ယူလို့ရတယ်ပြောတယ်။ ပြန်ဆက်ရုံးကိုသွားပြီး ကဒ်တွေထုတ်ယူတော့ မင်းတို့နာမည်တွေမပါဘူးပြောတယ်။ ကဒ်တွေလည်းထုတ်မပေးဘူး။ အစိုးရသတင်း

ထောက်တွေသာ လပ်လပ်စွာသတင်းယူခွင့်ရတယ်။ ကျွန်တော်တို့ကတော့ သတင်းမယူရဘဲ ပြန်လာခဲ့ကြရတယ်။ ဒီလိုလွတ်လပ်ရေးပွဲအခမ်းအနားမှာ ခုလိုသတင်းယူခွင့် ကန့်သတ်ခံရတာတော့ မကောင်းဘူး။ လွတ်လပ်ရေးနေ့အခမ်းအနားကျင်းပတဲ့ သတင်းပဲသွားယူတာကို သတင်းယူခွင့်မရပဲ ကန့်သတ်ခံရတာတော့ ဘာကြောင့်လဲတောင်မပြောတတ်ဘူး" ဟု အမည်မဖော်လိုသည့် သတင်း

ထောက်တစ်ဦးကပြောသည်။

ယင်းအပြင် (၇၅)နှစ်မြောက်စိန်ရတုလွတ်လပ်ရေးနေ့တွင် လွတ်လပ်ရေးနေ့ အထိမ်းအမှတ် အဖြစ် ကျင်းပထားသည့် အားကစားပွဲတွင် ဆုရရှိသူများကိုလည်း ဂုဏ်ပြုဆုချီးမြှင့်သည်ဟု သိရပြီး လုံခြုံရေးကိုလည်းတင်းတင်းကျပ်ကျပ်ချထားသည်။(NN-12)