နိရဉ္စရာ၊ဇန်နဝါရီ ၄/၂၀၂၂

စစ်ကောင်စီက(၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်အဖြစ် လွတ်ငြိမ်းခွင့်ပေးသည့်၇ခိုင်မှ အကျဉ်းသားအယောက် ၃၁၇ ဦးတွင် နိုင်ငံရေးအကျဉ်းသားတစ်ဦးမှ မပါဝင်ကြောင်း သိ၇သည်။

 စစ်ကောင်စီ၏စိန်ရတုလွတ်လပ်ရေးနေ့အထိမ်းအမှတ်အဖြစ် လွတ်ငြိမ်းချမ်းခွင့်ပြုရာတွင် ၇ခိုင်ပြည်နယ်စစ်တွေအကျဉ်းထောင်မှ ၅၇ ဦး၊ သံတွဲအကျဉ်းထောင်မှ ၂၀၆ ဦး၊ ကျောက်ဖြူအကျဉ်းထောင်မှ၂၀ ဦးနှင့် ဘူးသီးတောင် အကျဉ်းထောင်မှ ၃၀ ဦးတို့ ပါဝင်ကြောင်း သိ၇သည်။

 သို့ရာတွင် ရခိုင်ပြည်တဝန်းမှထောင်အသီးသီးတွင်ရှိသည့် နိုင်ငံရေးအကျဉ်းသား တစ်ဦးတစ်ယောက်မျှ မပါဝင်ကြောင်း ၇ခိုင့် နိုင်ငံရေးအသိုင်းအဝန်းမှသိ၇သည်။

 “ကျွန်တော်တို့ လိုက်စုံစမ်းရသလောက် ရခိုင်က အကျဉ်းထောင်တွေကနေလွတ်လာသူတွေ အထဲမှာ အခုအချိန်ထိတော့ နိုင်ငံရေးသမားတစ်ဦးမှ မပါသေးဘူးလို့ သိရပါတယ်။လွတ်လာသူအများစုကတော့ ရာဇဝတ်မှုတွေနဲ့ ကျသူတွေများတယ်လို့ သိ၇ပါတယ်”ဟုပြောကြားသည်။

 မတရားဖမ်းဆီးခံထားရသည့်နိုင်ငံရေးအကျဉ်းသား တစ်ဦးတစ်ယောက်မှ လွတ်ငြိမ်းခွင့်ပေးရာတွင် မပါဝင်လာသဖြင့်စိတ်မကောင်းဖြစ်မိသည်ဟု အေအေနှင့်ဆက်စပ်သံသယဖြင့် ဖမ်းဆီးခံထား၇သူတစ်ဦး၏မိသားစုဝင်တစ်ဦးက ပြောသည်။
"မတရားဖမ်းဆီးခံထား၇တဲ့သူတွေကိုလွတ်စေချင်တယ်။ သူတို့လွတ်ငြိမ်းခွင့်မှာလည်း ခိုးဆိုးလုယက်မှုနဲ့ အဖမ်းခံထား၇တဲ့သူတွေ အများပါတယ်။ အဲဒါကြောင့်တော့စိတ်မကောင်းဘူး။ ဝမ်းနည်းမိတယ်။ အကိုတို့က ခရီးအဝေးကြီးကနေဒီကိုလာခဲ့၇တာပါ။ လွတ်မလားလို့ " ဟုပြောသည်။

 စစ်တွေအကျဉ်းထောင်တွင်PDFနှင့်ဆက်စပ်သည်ဟုဆိုကာနှစ်ရှည် ဖမ်းဆီးထောင်ချခံထား၇သူ တစ်ဦး၏ ပြန်လွတ်အလာကိုစောင့်နေသည့် မိသားစုဝင်တစ်ဦးကလည်း "စကစကပေးတဲ့ လွတ်ငြိမ်းခွင့်ကဒီအတိုင်းလူအမြင်ကောင်းအောင်လွတ်ပေးနေတာပဲရှိတယ်။နိုင်ငံရေးအမှုနဲ့မတရားဖမ်းဆီးခံထား၇တဲ့သူတွေလည်း မပါဘူး" ဟုမှတ်ချက်ပြုသည်။

 ယခုကဲ့သို့ ၇ခိုင်နိုင်ငံရေးအကျဉ်းသားများပါဝင်လာခြင်းမရှိသည့်အတွက် စိတ်မကောင်း ဖြစ်၇ကြောင်း ရခိုင်လူ့အခွင့်အရေးကာကွယ်မြှင့်တင်သူများအဖွဲ့ဒါရိုက်တာ ဦးမြတ်ထွန်းကပြောသည်။

 "အဓိကတော့နိုင်ငံရေးပုဒ်မတွေနဲ့အဖမ်းခံထား၇သူတွေ ဒီကနေ့မှာလွတ်လာလိမ့်မယ်လို့မျှော်လင့်ထားကြတယ်လေ။ မျှော်လင့်ထားသလောက် မဖြစ်လာဘူး။မဖြစ်လာတော့ သူတို့သဘောထားက ၇ခိုင်မှာမကောင်းမှုဘက်ကို ဦးတည်နေတယ်လို့ပဲပြောချင်တယ်" ဟုပြောသည်။

 အဆိုပါလွတ်ငြိမ်းချမ်းသာခွင့်ပေးထားသည့် ၇ခိုင်မှအကျဉ်းထောင်အသီးသီးက အကျဉ်းသား ၃၁၇ ဦးကို ယနေ့ညနေ နှစ်နာရီကျော်ခန့်က၎င်းတို့၏အကျဉ်းထောင်များမှ လွတ်ပေးလျက် ရှိကြောင်း သိ၇သည်။

 အဆိုပါအကျဉ်းသားများမှာ ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁)အ၇ နောက်ထပ်တစ်ကြိမ် ပြစ်မှုထပ်မံကျူးလွန်ပါက၎င်းပြစ်ဒဏ်အပြင် ယခုကျခံရန် ကျန်ရှိသည့် ပြစ်ဒဏ်များကိုပါဆက်လက်ကျခံပါမည်ဟူသော စည်းကမ်းသတ်မှတ်ချက်များဖြင့် ပြစ်ဒဏ်မှလွတ်ငြိမ်းချမ်းသာခွင့် ပေးကြောင်းသိ၇သည်။ (NN-8)