နိရဉ္စရာ၊ဇန်နဝါရီ ၁၄/၂၀၂၃

UNHCR သည် ပြီးခဲ့သည့် ဇန်နဝါရီ၁၀ ရက်က ဘူးသီးတောင်မြို့နယ်မှ လူဦးရေ ၂၈၀၀ ကျော်ကို နေအိမ်အမိုးအကာများ၊ဆောင်းရာသီသုံးပစ္စည်းများ၊ စောင်များ၊ တစ်ကိုယ်ရည်သုံးပစ္စည်းများ၊နှာခေါင်းစည်းများ၊ မီးဖိုချောင်သုံးပစ္စည်းများနှင့် အခြားပစ္စည်းများကိုအကူအညီပေးနိုင်ခဲ့သည်ဟုသတင်းထုတ်ပြန်သည်။

ယမန်နေ့ဇန်နဝါရီ ၁၃ ရက်နေ့စွဲဖြင့်  ထုတ်ပြန်သည့် UNHCR ၏ ထုတ်ပြန်ချက်အထဲတွင် အဆိုပါဖြန့်ဝေမှု လုပ်ငန်းများကိုဆက်လက်ဆောင်ရွက်သွားမည်ဖြစ်ပြီးလာမည့်ရှေ့အပတ်တွင် ရသေ့တောင်မြို့နယ်ရှိ နေရာဒေသများသို့ကျယ်ပြန့်စွာဖြန့်ဝေသွားမည်ဖြစ်သည်ဟုလည်း ဖော်ပြထားသည်။

၇ခိုင်ပြည်နယ်မြောက်ပိုင်းတွင် ယခုရက်သတ္တပတ်အတွင်းUNHCR နှင့်မိတ်ဖက်အဖွဲ့အစည်းများသည် လူသားချင်းစာနာမှုဆိုင်ရာအကူအညီများလက်ခံရရှိရေးလုပ်ငန်းများကို ပြန်လည် လုပ်ကိုင်ဆောင်ရွက်လျက်ရှိသည်ဟု သိ၇သည်။

ပြီးခဲ့သည့် ၂၀၂၂ခုနှစ် စက်တင်ဘာလမှစတင်ကာ ဖြန့်ဝေမှုလုပ်ငန်းများ ခေတ္တဆိုင်းငံ့ထားပြီးနောက်ယခုနှစ် ၂၀၂၃ ခုနှစ် ဇန်နဝါရီ ၁၀ ရက်တွင် ပဋိပက္ခဒဏ်ခံစားလျက်ရှိသောလူမှုအသိုင်းအဝိုင်းထံ အရေးပေါ် ကယ်ဆယ်ရေးပစ္စည်းဖြန့်ဝေမှုလုပ်ငန်းများကိုပြန်လည်ဆောင်ရွက်ခဲ့ခြင်းဖြစ်သည်ဟု ရေးသားဖော်ပြထားသည်။

ရခိုင်ပြည်နယ်တွင်ရက္ခိုင့်တပ်တော်(AA) နှင့်မြန်မာစစ်ကောင်စီတပ်တို့ တကျော့ပြန် တိုက်ပွဲပြင်းထန်ခဲ့သည့် စက်တင်ဘာလ၁၅ ရက်က စတင်ကာ မြန်မာစစ်ကောင်စီက လုံခြုံရေးအကြောင်းပြကာ ၇ခိုင်ပြည်နယ်မြောက်ပိုင်းမှမြို့နယ် ၈မြို့နယ်အတွင်း လူသားချင်းစာနာမှုဆိုင်ရာအဖွဲ့အစည်းများကိုအကူအညီပေးရေးလုပ်ငန်းများကို ရပ်ဆိုင်းရန်ညွှန်ကြားခဲ့သည်။ (  NN-3)

ဓာတ်ပုံ - UNHCR