နိရဥ္စရာ၊ဇန်နဝါရီ ၁၇/၂၀၂၃

၇ခိုင်ပြည်နယ်၊ မင်းပြားမြို့နယ်ဆင်ကြီးပြင် (မှုဆလင်) ကျေးရွာတွင်ယမန်နေ့ညက မီးလောင်မှုဖြစ်၍  နေအိမ် ၃ လုံးမီးလောင်ပျက်စီးသွားကြောင်း သိ၇သည်။

ယမန်နေ့ ဇန်နဝါရီလ၁၆ ရက်၊ ည ၈ နာရီခန့်တွင် ဆင်ကြီးပြင်ကျေးရွာမှ ဒူဒုရာ (၂၈ နှစ်)၏ နေအိမ်မီးဖိုရှိမီးကြွင်းမီးကျန်မှတဆင့် အနီးရှိ ဝါးထရံကို မီးကူးစက်လောင်ကျွမ်းခဲ့ခြင်းဖြစ်ပြီးအနီးရှိ နောက်ထပ် နေအိမ် ၂ လုံးကိုပါ ကူးစက်လောင်ကျွမ်းခဲ့သည့်အတွက် နေအိမ် ၃ လုံးမီးလောင်ပျက်စီးသွားခြင်းဖြစ်သည်ဟု မူဆလင်ကျေးရွာသားတစ်ဦးက ပြောသည်။

“မီးသတ်ကားတွေကတော့ အလှမ်းဝေးတဲ့အတွက်အချိန်မီရောက်မလာနိုင်ခဲ့ဘူး။ ကျနော်တို့ ဒေသခံတွေက ဝိုင်းဝန်းမီးငြိမ်းနေတုန်းနောက်မှ မီးသတ်ကားတွေရောက်လာတယ်။ နေအိမ်ကတော့ ၃ လုံးပျက်စီးသွားပါတယ်”ဟုပြောသည်။

မီးလောင်မှုဖြစ်ခဲ့သည့်ဆင်ကြီးပြင်ကျေးရွာသည် မင်းပြားမြို့မှ ၃ မိုင် ၆ ဖာလုံခန့်ဝေးသည်ဟု သိ၇သည်။

မီးလောင်မှုကိုဒေသခံများနှင့် မီးသတ်တပ်ဖွဲ့ဝင်များ၏ ဝိုင်းဝန်းမီးငြိမ်းမှုကြောင့်ည ၉ နာရီခန့်တွင် မီးငြိမ်းသွားသည်ဟု ၇ခိုင်ပြည်နယ်မီးသတ်တပ်ဖွဲ့က ယနေ့နံနက်တွင်ထုတ်ပြန်ထားသည်။

မီးလောင်မှုကြောင့်ကျပ်သိန်း ၆၀ ဖိုး ဆုံးရှုံးသွားသည်ဟုလည်း မီးသတ်ဌာန၏ ထုတ်ပြန်ချက်အ၇သိ၇သည်။

မီးလောင်မှုကြောင့် လူနှင့် တိရစ္ဆာန်ထိခိုက်မှုများမရှိခဲ့သော်လည်း လူ စုစုပေါင်း(၁၈)ဦး မီးဘေးဒုက္ခသည် ဖြစ်သွားခဲ့၇ပြီး သူတို့သည် နီးစပ်ရာဆွေမျိုးများနေအိမ်တွင် ယာယီ နေထိုင်လျက်ရှိသည်ဟု ဒေသခံများကပြောသည်။