နိရဉ္စရာ၊ဇန်နဝါရီ ၁၇/ ၂၀၂၃

ရခိုင်ပြည်နယ်၊စစ်တွေမြို့နယ်၊ အောင်တိုင်ကျေးရွာအုပ်စု၊ ပလ္လင်ပြင်မူဆလင်ရွာသစ်တွင်ယနေ့နံနက်ပိုင်းက အမျိုးသမီး ၂ ဦးအပါအဝင်(၄)လောင်းပြိုင်လူသတ်မှုတစ်ခုဖြစ်ပွားခဲ့သည်ဟုသိ၇သည်။

၎င်းလူသတ်မှုမှာ ယနေ့ ဇန်နဝါရီလ ၁ရရက်၊ နံနက် ၈နာရီကျော်အချိန်ခန့်တွင်ဖြစ်ပွားခဲ့ခြင်း ဖြစ်ပြီး မိသားစုဝင်အချင်းချင်း အမွေကိစ္စကြောင့် ဖြစ်ပွားခဲ့ခြင်းဖြစ်သည်ဟု ဒေသခံများကပြောကြားသည်။

 အသတ်ခံ၇သူ၄ယောက်မှာ ပလ္လင်ပြင်မူဆလင်ကျေရွာမှ ဦးဘော်ဒီရာမန် အသက်(၃၅)နှစ်၊ဒေါ်ဖာတေဘာခါတူ (၅၅)နှစ်၊ ဦးဘော်ဆီရာမောက် (၃၆)နှစ်အရွယ်၊ ဒေါ်အာလီမာခါတူ (၃၇)နှစ် တို့ဖြစ်ကြသည်ဟု သိ၇သည်။

"ဒီလေးလောင်းပြိုင်လူသတ်မှုမှာအသတ်ခံ၇သူ  ၄ ယောက်စလုံးက မိသားစုအရင်းတွေပါ။မိသားစုအမွေ ပြဿာနာဖြစ်နေတာကြာပြီလို့တော့သိ၇တယ်။အဲ့ဒီအမွေကိစ္စနဲ့ပဲ ညီအရင်းဖြစ်သူတစ်ယောက် အပါအဝင် လူ ၆ယောက်က လူဒီသတ်မှုကို ကျူးလွန် ခဲ့ကြတာပါ" ဟု အသတ်ခံ၇သူများ၏ အလောင်းကို စစ်တွေမြို့၊ ပြည်သူဆေးရုံကြီးသို့သွားရောက်သယ်ယူ ပို့ဆောင်ပေးခဲ့သည့် ရွှေရောင်မေတ္တာဖောင်ဒေးရှင်းမှကိုသာဂီဖြိုးက ပြောသည်။

 အဆိုပါအသတ်ခံ၇သည့်လူ၄ယောက်သည် ဓားဖြင့်အချက်ပေါင်းများစွာခုတ်ခံ၇ပြီး ခန္ဓာကိုယ်အနှံ့အပြားတွင်ဓားဒဏ်ရာအများအပြားရရှိခဲ့သည်ဟု သိ၇သည်။  

 "အသတ်ခံ၇တဲ့ လူ၄ယောက်စလုံးမှာ တစ်ကိုယ်လုံးဒဏ်ရာအပြည့်ပဲ။ ဒဏ်ရာပြင်းလို့ သေသွားတာပါ။ ကျူးလွန်သူ၆ယောက်ကတော့ ထွက်ပြေးသွားလို့ဖမ်းမမိသေးဘူးလို့သိရတယ်။ ရဲတွေလာရောက် စစ်ဆေးနေတာကိုတော့ကျွန်တော်တို့အလောင်းသွားသယ်တုန်းကမြင်ခဲ့ပါတယ်" ဟု ကိုသာဂီဖြိုးကပြောသည်။

အသတ်ခံ၇သူ ၄ယောက်၏အလောင်းကို စစ်တွေမြို့၊ ပြည်သူ့ဆေးရုံကြီးရှိ ရင်ခွဲရုံသို့ပို့ ဆောင်ထားလိုက်ကာ၄လောင်းပြိုင်လူသတ်မှုကို ကျူးလွန်ခဲ့သည့် လူ ၆ယောက်မှာလည်း ထွက်ပြေးလွတ်မြောက်လျှက်ရှိသည်ဟုသိ၇သည်။

(NN-12)

ဓာတ်ပုံ- ရွှေရောင်မေတ္တာဖောင်ဒေးရှင်း