နိရဉ္စရာ၊ဇန်နဝါရီ ၁၈/၂၀၂၃

ရက္ခိုင့်တပ်တော်(AA)၏ ဒု - စစ်ဦးစီးချုပ် ဗိုလ်မှူးချုပ်ဒေါက်တာညိုထွန်းအောင်မှသူ၏ ဆယ့်လေးနှစ်ကျော်ကြာ တော်လှန်ရေး ဖြတ်သန်းမှုသမိုင်း၊ အတွေ့အကြုံများနှင့်ဆေးလောကသားများ၏အကြောင်းကို မြန်မာ့တော်လှန်ရေးနှင့် ဆေးလောကသာများ၏ အခန်းကဏ္ဍခေါင်းစဉ်ဖြင့် အွင်လိုင်းကနေ သူကိုယ်တိုင်မျှဝေပြောကြားသွားမည့် အစီအစဉ်တစ်ရပ်ကိုများမကြာမီ ပြုလုပ်သွားမည်ဟု သတင်းရရှိသည်။

အဆိုပါ အစီအစဉ်ကို ဆွေးနွေးပွဲပုံစံမျိုးဖြင့် မျှဝေပြောကြားသွားမည်ဖြစ်ကာ၎င်းအစီအစဉ်ကို လာမည့်ဇန်နဝါရီလ၂၀ ရက်၊နေ့လယ် ၂နာရီကျော်အချိန်တွင် ပြုလုပ်သွားမည်ဟု YangonMedical Network (YMN) ၏ ဖော်ပြချက်အ၇ သိ၇သည်။

၎င်းအစီအစဉ်ကို Medical Family Mandalay (MFM) နှင့် YangonMedical Network (YMN)တို့ ပူးပေါင်းဦးဆောင်စီစဥ်ခြင်းဖြစ်သည်ဟုလည်းသိ၇သည်။

Yangon Medical Network (YMN)က ရေးသားဖော်ပြရာတွင်  "လက်ရှိနွေဦးတော်လှန်ရေးမှာဆေးလောကသားတွေဟာ ရှေ့တန်းကနေ ကျန်းမာရေးစောင့်ရှောက်မှုပေးခြင်း၊ ထောက်ပို့ရေးနှင့်CDM လှုပ်ရှားမှုစတဲ့ကဏ္ဍအသီးသီးမှာ ပါဝင်လျက်ရှိနေပါတယ်။ အရှိန်တိုးမြှင့်လာပြီဖြစ်တဲ့တော်လှန်ရေးကာလမှာ ဆေးလောကသားတွေရဲ့ ပါဝင်မှုက ပိုပြီးတော့ အရေးကြီးလာနေပြီဖြစ်တဲ့အတွက် မြန်မာ့တော်လှန်ရေးနှင့် ဆေးလောကသားများ၏ အခန်းကဏ္ဍ ဆွေးနွေးပွဲတစ်ရပ်ကိုစီစဥ်လိုက်ခြင်းဖြစ်ပါတယ်"ဟု ဖော်ပြထားသည်။

အဆိုပါဆွေးနွေးပွဲတွင်ဆေးလောကသားများသာမက စိတ်ပါဝင်စားသူ မည်သူမဆို တတ်ရောက်နိုင်ကြောင်းကိုလည်းဖိတ်ခေါ်ထားသည်။

ရက္ခိုင့်တပ်တော်ဒု - ဦးစီးချုပ်ဗိုလ်မှူးချုပ်ဒေါက်တာညိုထွန်းအောင်သည် သူပုန်ဖြူအမည်ဖြင့် ကဗျာများ ရေးသားနေသလို တစ်ခြား ကလောင်ခွဲအမည်ခွဲများဖြင့်လည်းကဗျာများ၊ ဆောင်းပါးအပါအဝင် စာတိုပေစများ ရေးသားလေ့ရှိသည်ဟု သိရှိ၇သည်။

ဒေါက်တာညိုထွန်းအောင်သည် ဆေးတက္ကသိုလ်(၂)ရန်ကုန်တွင် ဆေးပညာသင်ယူဆည်းပူးခဲ့ပြီး၊၂၀၀၉ ခုနှစ်တွင် ဗိုလ်ချုပ်ထွန်းမြတ်နိုင်နှင့်အတူ ရက္ခိုင့်တပ်တော်(AA)ကို ဦးဆောင် ဖွဲ့စည်းထူထောင်ခဲ့သူလည်း ဖြစ်သည်။

ရခိုင်အမျိုးသားများရသင့်၇ထိုက်သည့် အခွင့်အရေး၊ အမျိုးသားတန်းတူရေး၊ကိုယ်ပိုင်ပြဋ္ဌာန်းဆုံးဖြတ်ပိုင်ခွင့်၊ ဂုဏ်သိက္ခာရှိသော ရက္ခိုင့်လူ့ဘောင်တစ်ခုကို ထူထောင်ဖို့အတွက် ဦးဆောင်တိုက်ပွဲဝင်နေသူတစ်ဦးလည်း ဖြစ်သည်။

ဒေါက်တာညိုထွန်းအောင်(သူပုန်ဖြူ)သည် လက်ရှိအချိန်တွင်ရက္ခိုင်အမျိုးသားအဖွဲ့ချုပ်(ULA)၏ အထွေထွေအတွင်းရေးမှူး၊ ရက္ခိုင့်တပ်တော် (AA) ၏ ဒုစစ်ဦးစီးချုပ်တာဝန်ကို ယူထားသူတစ်ဦးလည်းဖြစ်သည်။

 ဒေါက်တာညိုထွန်းအောင်(သူပုန်ဖြူ)သည် လက်ရှိ ရက္ခိုင့်တပ်တော်တွင် ဦးဆောင်လုပ်ကိုင်နေသူ တစ်ဦးဖြစ်သော်လည်းမြန်မာပြည်သူလူထုတစ်ရပ်လုံးလိုလားနေသည့်ဆန္ဒအပေါ် အပြည့်အ၀ နားလည်ပေးနိုင်သူဖြစ်သည်သာမက သူ့ အဖွဲ့အစည်း၏ရပ်တည်ချက်၊ မူဝါဒ၊ မဟာမိတ် အဖွဲ့အစည်းများ၏ဘုံရပ်တည်ချက်များနှင့်အညီ နွေဦးတော်လှန် ရေးလုပ်ငန်းများမှာလည်းဆေးဖက်ဆိုင်ရာမိသားစုစိတ်ဓာတ်နှင့်လုပ်သင့်လုပ်ထိုက်တာသည်များကို တာဝန်ယူဆောင်ရွက် ပေးလျက်ရှိကြောင်း သိရှိ၇သည်။(NN-12)