နိရဉ္စရာ၊ ဇန်နဝါရီ ၂၃/၂၀၂၃

မင်းပြားပြားမြို့နယ် ပန်းမြောင်းကျေးရွာအနီးတောင်ဖြူတောင်တွင် မိုင်းကို နင်းမိသည့်အတွက် နွားတစ်ကောင် သေဆုံးသွားကြောင်းဒေသခံများက ပြောသည်။

အဆိုပါမိုင်းပေါက်ကွဲမှုမှာ ဇန်နဝါရီလ ၂၂ ရက်နေ့ ညနေပိုင်းတွင်ပေါက်ကွဲခဲ့ခြင်းဖြစ်ပြီး နွားတစ်ကောင် သေဆုံးသွားခြင်း ဖြစ်ကြောင်းဒေသခံတစ်ဦးက ပြောသည်။

“ စစ်တပ်က ထောင်ထားတဲ့ မိုင်းပေါက်တာဟုတ်ပါတယ်။ လူထိခိုက်မှုတော့မကြားမိဘူး။ နွားတစ်ကောင် သေတယ်လို့ဘဲ ကြားတယ်။”

အဆိုပါတောင်ဖြူတောင်အနီးတွင် ဇန်နဝါရီလ ၁၃ ရက်နေ့ကလည်း မိုင်းပေါက်ကွဲမှု ၂ ကြိမ်ဖြစ်ပွားခဲ့သော် လည်း လူထိခိုက်မှုမရှိပေ။

အလားတူ ဇန်နဝါရီလ၁၈ ရက်နေ့ကလည်း မြောက်ဦးအခြေစိုက် ခမ၇ (၃၇၈) တပ်ရင်းအနီး မောင်းဆွဲ၊ နာဒင်သုဿန်ကို ထင်းခုတ်သွားသည့် ခမီးအမျိုးသား လူငယ်တစ်ယောက်ဖြစ်သူကိုကျော်ဆန်းမှာ စစ်ကောင်စီတပ်မှ ထောင်ထားသည့် မိုင်းပေါက်ကွဲမှုကြောင့်ညာဖက်ခြေထောက် ပြတ်သွားသည့်အတွက် မြောက်ဦး ဆေးရုံ တွင် ဆေးကုသမှုခံယူနေရကြောင်း သိရှိသည်။

ယင်းအပြင်လွန်ခဲ့သည့် ဒီဇင်ဘာလ၂ ရက်နေ့က ဘူးသီးတောင်မြို့နယ် ဂူတာပြင်ကျေးရွာအနီးတွင် မိုင်းပေါက်ကွဲမှု တစ်ကြိမ်နဲ့ဒီဇင်ဘာလ ၅ ရက်နေ့က ဝက်ကျိန်းကျေးရွာဘက်တွင် တစ်ကြိမ် မိုင်းပေါက်ကွဲမှုဖြစ် ပွားခဲ့သည်။

ရက္ခိုင့်တပ်တော်နှင့် စစ်ကောင်စီတပ်တို့အပစ်အခတ် ရပ်စဲပြီးနောက် ၇ခိုင်ပြည်တွင် အနည်းဆုံး မိုင်းပေါက်ကွဲမှု ၅ကြိမ်အထိ ဖြစ်ပွားခဲ့ပြီးဖြစ်သဖြင့် စစ်ကျန်မိုင်းများကိုပြန်လည်ဖယ်ရှားရန်  ပြည်သူများက လိုလားနေကြောင်းသိရှိ၇သည်။

၇ခိုင်ပြည်တွင် ရက္ခိုင့်တပ်တော်နှင့်စစ်ကောင်စီတပ်တို့ တကျော့ပြန်ဖြစ်ပွားခဲ့သည့် တိုက်ပွဲများအတွင်းစစ်အကြွင်းအကျန်နှင့် မိုင်းပေါက်ကွဲမှုများကြောင်း အရပ်သားပြည်သူ ၄၀နီးပါး သေဆုံးခဲ့ပြီး ထိခိုက် ဒဏ်ရာ၇သူလည်း ရာနှင့်ချီပြီးရှိနေသည်ဟု  သိရှိ၇သည်။