နိရဉ္စရာ၊ ဇန်နဝါရီ ၂၅/၂၀၂၃

ပုဒ်မ ၅၀၅-က ဖြင့်တရားစွဲဆိုခံထား၇သည့် လူမှုရေး တက်ကြွလှုပ်ရှားသူ လူထု ဦးဇော်ဝင်းအပါအဝင်အရပ်သား ၃ဦးအား ယမန်နေ့ နေ့လယ်က ကျောက်တော်မြို့နယ် တရားရုံးတွင် ရုံးထုတ်ခဲ့ပြီးအမှုတွင် ပါဝင်သည့် တရားခံပြသက်သေတစ်ဦးကို စတင်စစ်ဆေးခဲ့သည်ဟု သိ၇သည်။  

သူတိုနှင့် နီးစပ်သူ တစ်ဦးက “ နေ့လယ် ၁ နာရီ ၁၅ မိနစ်အချိန်ခန့်ကကျောက်တော်မြို့နယ် တရားရုံးမှာ ရုံးထုတ်ပြီး ကိုဇော်မိုးထက်ရဲ့ ဖခင်ဖြစ်သူကိုစစ်ဆေးခဲ့ပါတယ်။ အချိန်မ၇လို့လားတော့ မသိဘူး။ဦးဇော်ဝင်းနဲ့ ဦးကျော်သန်းမောင်တို့ရဲ့  တရားခံပြသက်သေတွေကို မစစ်ဆေးခဲ့ဘူး။ လာမယ့် ရုံးချိန်းမှာစစ်ဆေးမယ်လို့သိ၇ပါတယ်” ဟု ပြောသည်။

ရုံးချိန်းကိုလာမည့် ဇန်နဝါရီ ၂၇ ရက်ကို ထပ်မံချိန်းဆိုလိုက်သည်ဟု သိ၇သည်။

ကိုဇော်မိုးထက်၏ မိသားစုဝင်တစ်ဦးက“သူက ကိုယ့်ဟာကိုယ်ဆေးလိပ်ကုမ္ပဏီမှာ အလုပ်လုပ်နေတာ။ ရခိုင်တစ်ပြည်နယ်လုံးကိုဖြန့်နေ၇တာ။ တစ်လမှာမှ သူအိမ်ကို ၃ ရက်လောက်ပဲ ရောက်တယ်။ ၃ ရက်လောက်နားပြီးပြန်ခရီးထွက်၇ပြီ။ သူ့မှာ တစ်ယောက်နဲ့မှ ချိတ်ဆက်ချိန်လည်း မ၇ဘူး။ သူ့အလုပ်ကို သူလုပ်စားနေတာပါ။ ဒီလိုပဲ တရားရုံးမှာ မိသားစုတွေက ထွက်ဆိုပါတယ်” ဟု ဆိုသည်။

ပုဒ်မ ၅၀၅-က ဖြင့်ဖမ်းဆီးတရာစွဲဆိုခံထား၇သူ ၃ ဦးမှာ ကျောက်တော်မြို့၊ ပြည်တော်သာရပ်ကွက်မှလူမှုရေးတက်ကြွလှုပ်ရှားသူ ဦးဇော်ဝင်း(၄၃)နှစ်၊ ကျောက်တော်မြို့နယ်ပန်းဖဲချောင်းကျေးရွာမှ ဆေးလိပ်ကုမ္ပဏီဝန်ထမ်းကိုဇော်မိုးထက်(၂၈) နှစ်နှင့် ကျောက်တော်မြို့နယ် ခေါင်းတုတ်ကျေးရွာမှအိန္ဒိယသုံးဘီး (ဒေသအခေါ် တုတ်တုတ်) မောင်းသူ ဦးကျော်သန်းမောင်(၅၁) နှစ်တို့ဖြစ်ကြသည်။

 ကျောက်တော်မြို့တွင် ရဲတပ်ဖွဲ့ဝင် ၃ ဦးကို  ပြီးခဲ့သည့် ၂၀၂၂ခုနှစ် ဇွန်လ ၂၀ ရက် တွင် ရက္ခိုင့်တပ်တော်(AA)ကဖမ်းဆီးသွားပြီး နောက်တစ်နေ့ ဇွန် ၂၁ရက်တွင် သူတို့ ၃ ဦးကို စစ်ကောင်စီက ဖမ်းဆီးခဲ့သည်။

ယင်းအနက်ကိုဇော်ဝင်းကို အဆိုပါနေ့နံနက်တွင် ကျောက်တော်မြို့ရှိ သူ၏နေအိမ်အတွင်းမှဖမ်းဆီးခေါ်ဆောင် သွားခြင်းဖြစ်ပြီး ဦးကျော်သန်းမောင်နှင့်ကိုဇော်မိုးထက်တို့ကို ကျောက်တော်မြို့အဝင် စိုက်ပျိုးရေးသိပ္ပံလမ်းဆုံ၌ ဖမ်းဆီးသွားခြင်းဖြစ်သည်။

သူတို့ ၃ ဦးကိုစွဲဆိုထားသည့် ပုဒ်မ ၅၀၅-က မှာ ပြည်သူလူထုအကြား ကြောက်ရွံ့ထိတ်လန့်စေခြင်း၊ကောလာဟလ (မမှန်သတင်း)များဖြန့်ချိခြင်း၊ နိုင်ငံ့ဝန်ထမ်းများအပေါ် ရာဇဝတ်ပြစ်မှုကျူးလွန်စေရန်တိုက်ရိုက်(သို့) သွယ်ဝိုက် လှုံ့ဆော်လျှင်ပြစ်မှုမြောက်သည်ဟုသိ၇သည်။ ပြစ်ဒဏ်မှာသုံးနှစ်အထိ ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်သည်ဟုသိ၇သည်။

ရခိုင်တွင်ရက္ခိုင့်တပ်တော်(AA) နှင့်မြန်မာစစ်ကောင်စီတပ်တို့ တကျော့ပြန်တိုက်ပွဲပြင်းထန်ခဲ့သည့် ကာလအတွင်းတွင်စစ်ကောင်စီက ဌာနဆိုင်ရာ ဝန်ထမ်းများ၊ ကျေးရွာအုပ်ချုပ်ရေးမှူးများအပါအဝင် အရပ်သား ပြည်သူများရာနှင့်ချီ၍ကို မတရားဖမ်းဆီးထားပြီး ဖမ်းဆီးခံရသူများကို မတရားအသင်း ဆက်သွယ်မှု ဥပဒေပုဒ်မ ၁၇(၁)/(၂)၊ နိုင်ငံတော်ဆူပူလှုံ့ဆော်မှုဆိုင်ရာဥပဒေပုဒ်မ ၅၀၅(က)၊ ကြီးလေးသော စစ်ပုန်ကန်မှု ရာဇသတ်ကြီး ဥပဒေပုဒ်မ (၁၃၁) တို့ဖြင့်တရားစွဲဆိုမှုများရှိနေသည်။ (NN-3)