နိရဉ္စရာ၊ဖေဖော်ဝါရီ ၃/၂၀၂၃
ရခိုင်ပြည်နယ်၊ပုဏ္ဏားကျွန်းမြို့တွင် ဦးရာဇ်မြေကဗျာရွတ်ဖတ်ပွဲတစ်ခုကို ယမန်နေ့ညနေပိုင်းကကျင်းပခဲ့သည်ဟု သိ၇သည်။
အဆိုပါကဗျာရွတ်ဖတ်ပွဲကိုပုဏ္ဏားကျွန်းမြို့ရှိ ဂူ၀ဘုရားရင်ပြင်တော်၌ညနေ ၂နာရီခွဲမှ ညနေ ၄
နာရီအချိန်ထိကျင်းပပြုလုပ်ခဲ့သည်။
ကဗျာရွတ်ဖတ်ပွဲကိုကျင်းပ၇ခြင်းမှာ စာပေလှုပ်ရှားမှုပုံရိပ်တစ်ချို့ကိုဦးရာဇ်မြေမဂ္ဂဇင်းအမှတ်(၄)၌ ထည့်သွင်းရန်နှင့် ပုဏ္ဏားကျွန်းမြို့နယ်တွင် စာပေ၊ ကဗျာ ဖွံ့ဖြိုးတိုးတက်လာစေရန် ရည်ရွယ်ကျင်းပခဲ့ခြင်း ဖြစ်သည်ဟု ဦးရာဇ်မြေကဗျာရွတ်ဖတ်ပွဲကိုစီစဥ်ဦးဆောင်ခဲ့သည့် ဆရာကစ္ဆပလူထူးက ပြောသည်။
"ဒီဦးရာဇ်မြေကဗျာရွတ်ဖတ်ပွဲကိုကျင်းပရတာကစာပေလှုပ်ရှားမူတစ်ခုလို့လည်းပြောလို့ရတယ်။ ပြီးတော့ နောက်ထုတ်မယ့်ဦးရာဇ်မြေမဂ္ဂဇင်းအမှတ်(၁၄)မှာလည်း ဒီကဗျာရွတ်ဖတ်ပွဲကပုံရိပ်တချို့ကိုထည့်သုံးချင်တာလည်းပါတယ်။ တစ်ခြားမြို့နယ်တွေလိုပုဏ္ဏားကျွန်းမှာလည်း ကဗျာစာပေတိုးတက်စေဖို့အတွက် ဒီကဗျာရွတ်ဖတ်ပွဲကိုလုပ်ဖြစ်ခဲ့တာပါ" ဟု ပြောသည်။
ကဗျာရွတ်ဖတ်ပွဲကျင်းပခြင်းနှင့်ပတ်သတ်၍စစ်တွေကဗျာဝိုင်းကိုယ်စားပြု တက်ရောက် ကဗျာရွတ်ဖတ်ခဲ့သည့်ဆရာဘုန်းမြတ်ကျော်ကလည်း သူ၏အမြင်ကို ယခုလို ပြောသည်။
"ဒီလိုကဗျာရွတ်ပွဲတွေကျင်းပတာကကောင်းတဲ့လက္ခဏာတစ်ရပ်လို့မြင်တယ်။၇ခိုင်မြို့နယ်အားလုံးမှာကျင်းပနိုင်ရင်တော့ပိုကောင်းတာပေါ့။ဘာလို့ဆို ရခိုင်လူငယ်တွေက ကိုယ့်၇ခိုင်စာပေကို ထိန်းသိမ်းဖို့လိုအပ်တယ်။ဒီလိုကဗျာရွတ်ပွဲတွေမှာတော့ လူငယ်တွေပါဝင်မှုအခန်းကဏ္ဍကတော့ အားနည်တယ်။ပူးပေါင်းပါဝင်ဖို့လည်းလိုအပ်တယ်။ မြို့နယ်တိုင်းလိုလို ရခိုင်စာပေလှုပ်ရှားမှု တစ်ခုအနေနဲ့ ကဗျာရွတ်ပွဲတွေကျင်းပစေချင် တယ်။ကျင်းပဖို့လည်းလိုအပ်တယ်" ဟု ပြော သည်။
ယင်းဦးရာဇ်မြေကဗျာရွတ်ဖတ်ပွဲကို စစ်တွေ၊ပုဏ္ဏားကျွန်းနှင့်ကျောက်တော်မြို့နယ်များမှ စာပေဝါသနာပါသူစုစုပေါင်းလူဦးရေ(၂၀) ကျော်ခန့်တက်ရောက်ခဲ့ကြကာ တက်ရောက် လာသူများက ကဗျာများ အသီးသီးရွတ်ဖတ်ခဲ့ကြသည်ဟုသိ၇သည်။(NN-12)
(ဓာတ်ပုံ- ဆရာကစ္ဆပလူထူး)
လှူရန်