“တိုက်ရိုက်လေကြောင်း ပြေးဆွဲနိုင်ရေးကိုပါ ထပ်မံဆွေးနွေး”

နိရဉ္စရာ၊ဖေဖော်ဝါရီ ၇/ ၂၀၂၃

၇ခိုင်ပြည်နယ်၊ သံတွဲမြို့နယ်ရှိငပလီကမ်းခြေဒေသအတွင်း အပန်းဖြေအိမ်ရာ စီမံကိန်းအကောင်အထည်ဖော်ရေး အတွက်ရှရှားနှင့် မြန်မာစစ်ကောင်စီတို နှစ်ဖက်သဘောတူ စာချုပ် (MoU)လက်မှတ်ရေးထိုးခဲ့ ကြောင်း သိရှိ၇သည်။

အဆိုပါ လက်မှတ်ရေးထိုးမှုကိုဖေဖော်ဝါရီ ၄ ရက်နေ့ နေ့လယ်ပိုင်းကရန်ကုန်မြို့ရှိ Pan Pacific Hotel Yangon တွင် ကျင်းပပြုလုပ်ခဲ့ခြင်းဖြစ်သည်။

အပန်းဖြေ အိမ်ရာစီမံကိန်းအပြင် ဒေသဖွံ့ဖြိုးတိုးတက်ရေးနှင့် ခရီးသွားကဏ္ဍများ အတွက်ပါနှစ်ဖက်သဘောတူ စာချုပ် (MoU)လက်မှတ်ရေးထိုးခဲ့ကြသည်ဟုလည်း သိ၇သည်။  

ထိုအပြင် ကော်ဖီစိုက်ပျိုးရေးဆိုင်ရာ ကိစ္စရပ်များကိုလည်း MoU ရေးထိုးခဲ့ပြီး ခရီးသွားကဏ္ဍအတွက်ငပလီသို့ တိုက်ရိုက် လေကြောင်း ပျံသန်းနိုင်ရေးဆိုင်ရာကိစ္စရပ်များ၊ထုတ်ကုန်အပြန်အလှန်တင်ပို့ နိုင်ရေးကိစ္စရပ်များကိုလည်း ဆွေးနွေးခဲ့ကြကြောင်းသိရှိ၇သည်။

ရုရှား- မြန်မာ နှစ်နိုင်ငံအကြား တိုက်ရိုက်လေကြောင်း လိုင်း ပျံသန်းပြေးဆွဲနိုင်ရေးကိုစစ်ကောင်စီ အာဏာသိမ်းပြီး ၂၀၂၁ ခုနှစ် အောက်တိုဘာလက ဆွေးနွေးခဲ့ဖူးကြောင်းသိရှိ၇သည်။

လက်မှတ်ရေးထိုးပွဲနှင့်ဆွေးနွေးပွဲများသို့ ရုရှား - မြန်မာ ချစ်ကြည်ရေးအသင်း ဥက္ကဋ္ဌမစ္စတာအန်နာသိုလီဘူးလော့ချ်နိကော့ ဦးဆောင်သည့်ရုရှားနိုင်ငံ စီးပွားရေးပညာရှင်များ၊ ချစ်ကြည်ရေးအဖွဲ့များ၊ Treasure OfNgapali Development Co.,Ltd အမှုဆောင်အရာရှိချုပ်နှင့် အုပ်ချုပ်မှုဒါရိုက်တာအဖွဲ့ဝင်များ၊ Shwin Pyaw Pyaw Trading Co.,Ltd က အုပ်ချုပ်မှုဒါရိုက်တာ နှင့် တာဝန်ရှိသူများ တက်ရောက်ခဲ့ကြောင်း သိရှိ၇သည်။

မစ္စတာအန်နာသိုလီဘူးလော့ချ်နိကော့ဦးဆောင်အဖွဲ့သည် ငပလီကမ်းခြေသို့လည်း သွားရောက် ကွင်းဆင်းလေ့လာမှုများပြုလုပ်ခဲ့ပြီးဒေသအာဏာပိုင်အဖွဲ့အစည်းများဖြင့်လည်း တွေ့ဆုံခဲ့သေး ကြောင်း သိရှိ၇သည်။ 

စစ်တပ်အာဏာသိမ်းယူပြီး ၂၀၂၁ခုနှစ် ဖေဖော်ဝါရီ ၁ ရက်နေ့ နောက်ပိုင်း မှ စတင်၍ လက်ရှိတွင် ရှရှား နိုင်ငံနှင့်မြန်မာနိုင်ငံ၏ စွမ်းအင်ကဏ္ဍ၊ စိုက်ပျိုးမွေးမြူရေး၊ ဘဏ်လုပ်ငန်း၊သတ္တုလုပ်ငန်း စသည့် ကဏ္ဍများကို ဆွေးနွေး လက်မှတ်ရေးထိုးမှုများပြုလုပ်လျက်ရှိကြောင်းသိရှိ၇သည်။

ယမန့်ကလည်းနျူကလီးယားစွမ်းအင်ကို ငြိမ်းချမ်းသောရည်ရွယ်ချက်များအတွက် အသုံးပြုရာ၌ပူးပေါင်း ဆောင်ရွက်ရေး MoU ကိုစစ်ကောင်စီ ခေါင်းဆောင်ရှေ့တွင်ရုရှားနိုင်ငံပိုင် အဏုမြူစွမ်း အင်ကော်ပိုရေးရှင်းက တာဝန်ရှိသူများနှင့်သိပ္ပံနှင့် နည်းပညာ ဝန်ကြီးတို့က လက်မှတ်ရေးထိုး ထားခဲ့ကြောင်းသိရှိ၇သည်။

(NN – 25)

ဓာတ်ပုံ- ငပလီ အပန်းဖြေ အိမ်ရာ စီမံကိန်းအကောင်အထည်ဖော်ရေး MoU လက်မှတ်ရေးထိုးမှု