ပေါက်တောမြို့နယ် သဲခုံကျေးရွာတွင် သောက်သုံးရေ မသန့်ရှင်းမှုကြောင့် ကလေးငယ်များအပါအဝင် ရွာသားတချို့ အရေပြားရောဂါများဖြစ်ပွားနေ
နိရဥ္စရာ၊ ဖေဖော်ဝါရီ၇/၂၀၂၃
ရခိုင်ပြည်၊ပေါက်တောမြို့နယ်၊ မြေငူကျွန်းမြောက်ဘက်အစွန်ဆုံး
ကျေးရွာအုပ်ချုပ်ရေးမှူးက “ ဝဲနာလိုမျိုးကနေ အရေပြားရောဂါဖြစ်သလိုမျိုး ဖြစ်လာကြတယ်။အကင်းရည်တွေလည်းထွက်ပြီးတော့ ဘယ်လိုမျိုးလည်းမသိပါဘူး။ ရေမကောင်းလို့ဖြစ်တာလေ။ ရေတွေက ငံတယ်မလား။ ဒီနှစ်ကတော်တော်ဆိုးလားတော့ ရေကြောင့်ပိုဖြစ်တာ။ ကျောင်းတက်နေတဲ့ ကလေးတွေလည်း အခုကဝဲနာတွေနဲ့ ဖြစ်ကုန်ပြီ။ ဒီကလေးတွေက အရင်တုန်းကမဖြစ်ဘူးလေ။ ကလေး၊လူကြီး အကုန်ဖြစ်ကြတယ်။ ဒီလိုဖြစ်နေကြတာ ၂လ၊ ၃လ၊ ကြာနေပြီ ” ဟုပြောသည်။
သဲခုံကျေးရွာတွင် ရေကန်အများအပြားသည် ယခင်နှစ် မုန်တိုင်းခတ်ချိန်တွင် ပင်လယ်ရေများ ဖုံးလွှမ်းသွားခဲ့ပြီး၎င်းကန်များမှ ရေကို ရွာသားများမှ အသုံးပြုကြရာမှ ယခုလို အရေပြားရောဂါ ဖြစ်ပွားလာသည်ဟုဆိုသည်။
“ အစတုန်းကတောဝဲလိုမျိုး အဖုအပိန့်လေးတွေထွက်လာတယ်။တစ်နေရာတည်းမှာဘဲ စုပြီးပေါက်တယ်။ အအားယားယံတယ်။ ပိုပွားလာတယ်။စစ်တွေမြို့မှာ ဆေးခန်းပြတယ်။ သောက်ဆေး၊ လိမ်းဆေးပေးလိုက်လည်း မကောင်းဘူး
သဲခုံကျေးရွာတွင် သောက်သုံးရေတွင်းအသစ်တူးဖော်သည့် ရေတွင်းများတွင် ရေထွက်ရှိသော်လည်း ၎င်းရေများသည်ရေငံများထွက်သည့်အတွက်ကြောင့် ရွာသားများမှာ ဒုက္ခရောက်နေကြသည်ဟုသိ၇သည်။
ထိုကဲ့သို့ အရေပြားရောဂါများဖြစ်ပွားနေသည့်သူများမှာ မြို့ပေါ်က လိမ်းဆေးများ ဝယ်ယူပြီး လိမ်းနေကြသော်လည်း သက်သာပျောက်ကင်းမှုမရှိ ဟုသိ၇သည်။
ရေလုပ်ငန်းကို လုပ်ကိုင်သည့် သဲခုံကျေးရွာသည် အိမ်ခြေ ၄၀၀ ခန့်ရှိပြီး လူဦးရေ၁၉၀၀ ခန့်နေထိုင်သည့် ကျေးရွာကြီးတစ်ရွာဖြစ်ကာ သောက်သုံးရေ အခက်အခဲကြောင့် ယခုလို အရေပြားရောဂါ ဖြစ်ပွားမှုကို ခံစားနေကြ၇သည်ဟုဆိုသည်။ (NN-13)
လှူရန်