နိရဥ္စရာ၊ ဖေဖော်ဝါရီ၇ /၂၀၂၃

ထိုင်းနိုင်ငံ၊ ၇နောင်းမြို့ လ၀ကအချုပ်ထဲမှ လွတ်ရက်စေ့၍ ပြန်ပို့ခံ၇သူ မြန်မာနိုင်ငံသား၆၇၀ ဦးအထဲမှ ၇ခိုင်လူမျိုး၁၁၁ ဦးကို စစ်ကောင်စီက ရေတပ်သင်္ဘောဖြင့် ရခိုင်ပြည်သို့ပြန်လည် ပို့ဆောင်ပေးခဲ့သည်ဟု သတင်းရရှိသည်။  

ပြန်လည်ပို့ဆောင်ပေးခြင်းခံ၇သည့် ၇ခိုင်လူမျိုး၁၁၁ ဦးတွင် စစ်တွေ၊ ပေါက်တော၊ ၇သေ့တောင်၊ ဘူးသီးတောင်၊ ကျောက်တော်၊မြောက်ဦး၊ မင်းပြား၊ မြေပုံမြို့နယ်များမှ လူဦးရေ ၈၀ ဦးနှင့်ကျောက်ဖြူ၊ ရမ်းဗြဲ၊မအီ၊ အမ်း၊ မာန်အောင်၊ တောင်ကုတ်နှင့် သံတွဲမြို့နယ်များမှ လူဦးရေ ၃၁ဦးတို့ပါဝင်ကြသည်။

သူတို့အထဲတွင်အမျိုးသမီးအချို့လည်း ပါဝင်သည်ဟု သိ၇သည်။

သူတို့အနက် ကျောက်ဖြူ၊ရမ်းဗြဲ၊ မအီ၊ အမ်း၊ မာန်အောင်၊ တောင်ကုတ်နှင့် သံတွဲမြို့နယ်များမှလူဦးရေ ၃၁ ဦးသည် ဖေဖော်ဝါရီလ၆ ရက် နံနက်တွင် စစ်ရေယာဉ်အနော်၇ထားဖြင့် ကျောက်ဖြူမြို့သို့ ရောက်ရှိလာခဲ့သည်ဟု သိ၇သည်။

ကျန်၈၀ ဦးကိုလည်း ယင်းစစ်ရေယာဉ်ဖြင့်ပင် စစ်တွေမြို့ ရွှေမင်းဂံဆိပ်ကမ်းသို့ပို့ဆောင်ပေးခဲ့သည်ဟု ပြည်နယ်အစိုး၇ အဖွဲ့နှင့် နီးစပ်သည့်အသိုင်းအဝိုင်းမှသိ၇သည်။

စစ်တွေရွှေမင်းဂံဆိပ်ကမ်းသို့ပြန်လည်ရောက်ရှိလာကြသည့် နေရပ်ပြန်လာသူများကို၇ခိုင်ပြည်နယ်စစ်ကောင်စီ ဝန်ကြီးချုပ် ဦးထိန်လင်းအပါအဝင်အနောက်ပိုင်းတိုင်းစစ်ဌာနချုပ် တိုင်းမှူးနှင့်ပြည်နယ်အစိုးရအဖွဲ့ဝင်များ၊ ဌာနဆိုင်ရာတာဝန်ရှိသူများ သွားရောက်ကြိုဆို တွေ့ဆုံခဲ့ကြသည်ဟု သိ၇သည်။

ရခိုင်ပြည်နယ်အစိုး၇အဖွဲ့နှင့်နီးစပ်သူတစ်ဦးက “စစ်တွေရွှေမင်းဂံကနေတဆင့် နေရပ်ပြန်လည် ရောက်ရှိလာသူတွေကိုတော့ဝန်ကြီးချုပ်နဲ့အဖွဲ့က အားပေးစကားတွေပြောတယ်။ ထောက်ပံ့ငွေ တချို့လည်း ပေးအပ်ခဲ့တယ်”ဟု ပြောသည်။

လက်ရှိတွင်နေရပ်ပြန်လည်ရောက်ရှိလာသူများသည် သူတို့၏နေရပ်အသီးသီးသို့ ပြန်လည် ထွက်ခွာသွားကြပြီ ဖြစ်သည်။

ထိုင်းနိုင်ငံ ၇နောင်းမြို့လ၀က အကျဉ်းထောင်ထဲတွင် လွတ်ရက်စေ့ မြန်မာနိုင်ငံသား ပြန်မလွတ်ဘဲ လပေါင်းများစွာ ဆက်လက် ဖမ်းဆီးချုပ်နှောင်ထားသဖြင့် အချုပ်ထောင်ထဲတွင်ဆန္ဒပြပွဲပြုလုပ်ပြီး ၎င်းတို့ကို ပြန်ပို့ရန် တောင်းဆိုကြရာမှ ဖေဖော်ဝါရီ ၂ ရက်က မြန်မာနိုင်ငံသား ၆၇၀ (အမျိုးသား ၅၃၄ ဦး အမျိုးသမီး၁၃၆ ဦး) ကို ထိုင်းနိုင်ငံရနောင်းဆိပ်ကမ်းမှ မြန်မာနိုင်ငံ ကော့သောင်းမြို့သို့ ပြန်လည် ပို့ဆောင်ခဲ့သည်ဟု သိ၇သည်။