- Web Master
- ၂၁ စက်တင်ဘာ ၂၀၂၄
နိရဉ္စရာ၊ ဖေဖော်ဝါရီ ၇/၂၀၂၃
ရခိုင်ပြည်နယ်၊ စစ်တွေမြို့
လေယာဉ်ကွင်းဝင်၀ လမ်းဆုံအနီးမိတ္တူဆိုင်ရှေ့တွင် ကင်းတာဝန်ကျနေသည့်
စစ်သားတစ်ဦး၏ လက်ထဲမှာသေနတ်လက်လွ
၎င်းဖြစ်စဉ်သည် ယနေ့ ည ၇နာရီခွဲခန့်က ဖြစ်ပွားခဲ့ပြီး ကျည်ထိသည့် ကလေးငယ်အား ဆေးကုသရန် စစ်တပ်မှ ခေါ်ဆောင်သွားသည်ဟု မျက်မြင် ဒေသခံများက ပြောသည်။
မျက်မြင်တစ်ဦးက " မိတ္တူလာကူးတဲ့ကလေးပါ။ ဘယ်သူမှန်းလည်းမသိလိုက်ရပါဘူး။ ကလေးကို စစ်သားတွေက နောက်ကျောမှာတင်ပြီးတော့ အဲဒီနားက စစ်တပ်ကင်းရုံကိုခေါ်သွားပါတယ်" ဟုပြောသည်။
နောက်ထပ်ဒေသခံတစ်ဦးကလည်း "မတော်တဆကျသွားတာမို့ စစ်တပ်ကဆေးကုဖို့ဆိုပြီး တင်ယူသွားပါတယ်။ သေနတ်ပြုတ်ကျသွားပြီး ပေါင်မှာကျည်ထိသွားတာပါ" ဟုပြောသည်။
ပေါင်တွင်ကျည်ထိမှန်သွားသော ကလေးမှာ မည်သူမည်ဝါဖြစ်ကြောင်းကို သိလိုသဖြင့် အနီးအနားရှိ ဒေသခံများအနေဖြင့် စုံစမ်းနေကြောင်း ပြောကြားသည်။
မျက်မြင်ဒေသခံများက ကလေးငယ်တစ်ဦးထိခိုက်သွားသည်ဟု ပြောဆိုသဖြင့် ၎င်းကလေးငယ်မှာ မည်သူ မည်ဝါဖြစ်ကြောင်းကို သိရှိလို၍ စစ်တွေ အမှတ် (၁) ရဲစခန်းသို့ ဆက်သွယ်ရာ ဖုန်းလက်ခံ ဖြေဆုံခြင်း မရှိပါ။
နိရဉ္စရာအနေဖြင့်လည်း သီးသန့် စုံစမ်းမေးမြန်းနေဆဲဖြစ်ပါသည်။
(NN-8)