ရှမ်းပြည်နယ် တာချီလိတ်မြို့တွင် ကျင်းပခဲ့သော Miss TMT 2023 ပြိုင်ပွဲတွင် Winner အဖြစ် ရခိုင်အလှမယ် မစိုးထက်နွယ်ရရှိ

နိရဉ္စရာ၊ ဖေဖော်ဝါရီ ၉/၂၀၂၃

The Model Tachileik organization မှ ရှမ်းပြည်နယ်၊ တာချီလိတ်မြို့တွင် ကျင်းပခဲ့သော Miss TMT 2023 ပြိုင်ပွဲတွင် Winner ဆုကို ရခိုင်အလှမယ် မစိုးထက်နွယ်က ရရှိခဲ့ကြောင်း သိရသည်။

အဆိုပါ Miss TMT 2023 ပြိုင်ပွဲ၏ Grand final show ကို ယမန်နေ့ ဖေဖော်ဝါရီလ ၈ ရက်က၊ ရှမ်းပြည်နယ်၊ တာချီလိတ်မြို့တွင် ကျင်းပခဲ့ရာ ရခိုင်ပြည်နယ်၊ စစ်တွေမြို့အခြေစိုက် Akyab Stars Arts and Talent centreမှ သွားရောက်ယှဉ်ပြိုင်ခဲ့သည့် ရခိုင်အလှမယ် မစိုးထက်နွယ်က Miss TMT 2023 winner ဆုကို ရရှိခဲ့ခြင်းဖြစ်သည်။

မစိုးထက်နွယ်သည် ၎င်းပွဲမှ Winnerဆုအပြင် Miss Friendship Award၊ Miss Congeniality Awardနှင့် Miss Intelligence Award တို့ကိုလည်း ရရှိခဲ့သည်။

အလှမယ် မစိုးထက်နွယ်သည် အသက် ၂၄ နှစ်ရှိပြီဖြစ်ကာ စစ်တွေမြို့ရှိ ကိုယ်ပိုင်မူလတန်းကျောင်းတွင် ကျောင်းဆရာမတစ်ဦးအဖြစ် လုပ်ကိုင်နေသူလည်းဖြစ်သည်။

Miss TMT 2023 winner ဆုရရှိခဲ့သည့်အတွက် မည်သည့် အလှမယ်ပြိုင်ပွဲများတွင် ဆက်လက်ယှဉ်ပြိုက်ရမည်ကို လောလောဆယ်တွင် Organizationနှင့် ဆွေးနွေးနေဆဲဖြစ်သည်ဟု Akyab Stars Founder ကိုစံသာကပြောသည်။

ယခုကဲ့သို့ Miss TMT 2023 Winner ဆုကိုရရှိခဲ့ပြီး Akyab Stars အတွက် ပထမဆုံးသော Crown ကိုယူလာပေးသည့်အတွက် ကျေးဇူးလည်းတင်ပြီး ဂုဏ်လည်းယူကြောင်း Akyab Stars founder ကိုစံသာက ပြောသည်။

"အဓိကတော့ ဂုဏ်ပြုစကားပါ။ Congratulations ပါ။ အမှန်တကယ်လည်း ဂုဏ်ယူပါတယ်။ ပြိုင်ပွဲကတော့ Camp ၁၀ ရက်ဝင်ပြီး ပြိုင်ရတာဖြစ်ပါတယ်။ ကျနော်တို့ဘက်က ဘယ်လောက်ပဲ လေ့ကျင့်ပေးပေး အလှမယ်ကိုယ်တိုင်ကိုက အမှန်တကယ်ကြိုးစားပြီး ယှဉ်ပြိုင်ရတာဖြစ်ပါတယ်။ ရလဒ်ကတော့ ပြိုင်ပွဲဝင်အပေါ်မှာ အများကြီးအကျိုးသက်ရောက်မှုရှိပါတယ်။ ဒါကြောင့် ကျနော်တို့ ပထမဆုံးAkyab Stars Arts and Talent Centre အတွက် Crown ကို ယူလာပေးတဲ့အတွက် ကျေးဇူးလည်းတင်ပါတယ်။ ဂုဏ်လည်းယူပါတယ်လို့ပြောချင်ပါတယ်" ဟုပြောသည်။

အဆိုပါ ရှမ်းပြည်တယ်၊ တာချီလိတ်မြို့တွင် ကျင်းပခဲ့သည့် Miss TMT 2023 ပြိုင်ပွဲတွက် အနယ်အနယ်အရပ်ရပ်မှ အလှမယ် ၂၀ ဦး ဝင်ရောက်ယှဉ်ပြိုင်ခဲ့ကြောင်း သိရသည်။

Miss TMT 2023 winnerဆုကို ရရှိခဲ့သည့် မစိုးထက်နွယ်သည် ပြီးခဲ့သည့် ၂၀၂၂ ခုနှစ်က ကျင်းပခဲ့သည့် Miss Universe Myanmar 2022ပြိုင်ပွဲတွင် Top 10 အထိပါဝင်ခဲ့သူလည်းဖြစ်ပြီး Miss Burma Sittwe 2021 လည်းဖြစ်ကြောင်း သိရသည်။

(NN-8)