နိရဥ္စရာ၊ဖေဖော်ဝါရီ ၁၁/၂၀၂၃ 

၂၀၂၃ခုနှစ် ဆယ်တန်းသင်ရိုးစနစ်ဟောင်းအတွက် မတ်လ (၈) ရက်စတင်ကျင်းပမည့်  နောက်ဆုံး အကြိမ်ကျင်းပမည့် တက္ကသိုလ်ဝင် စာမေးပွဲတွင် ၇ခိုင်ပြည်နယ်တွင်ကျောင်းတွင်းဖြေဆိုမည့်သူ၄၀၈ ဦးနှင့် ပြင်ပဖြေဆိုမည့်သူ၁၈၇၅၇ ဦး၊ စုစုပေါင်း၁၉၁၆၅ ဦးရှိကြောင်း ရခိုင်ပြည်နယ်ပညာရေးမှူးရုံးမှ သိ၇သည်။

၂၀၂၃ခုနှစ် ဆယ်တန်းသင်ရိုးစနစ်ဟောင်း တက္ကသိုလ်ဝင်စာမေးပွဲကို မတ်လ ၈ ရက်မှ ၁၈ ရက်အထိ ကျင်းပသွားမည်ဖြစ်ကြောင်း သိ၇သည်။

၂၀၂၃ ခုနှစ်မတ်လတွင်ကျင်းပမည့် တက္ကသိုလ်ဝင်စာမေးပွဲ အထောက်အကူပြုသင်ခန်းစာများကိုစစ်ကောင်စီပိုင် ကြေးမုံသတင်းစာတွင် ဖေဖော်ဝါရီ (၉) ရက်နေ့မှစကာ ဖော်ပြနေသည်ဟုပညာရေးဝန်ကြီးဌာနက ကြေငြာထားသည်။ 

အဆိုပါစာမေးပွဲအထောက်အကူပြု ဘာသာရပ်များကိုကြေးမုံသတင်းစာတွင် ယနေ့ ဖေဖော်ဝါရီ (၉) ရက်နေ့မှာ မြန်မာစာ၊ (၁၀)ရက်နေ့တွင် အင်္ဂလိပ်စာ၊ (၁၁) ရက်နေ့တွင် သင်္ချာ၊ (၁၂)ရက်နေ့တွင် ဓာတုဗေဒ၊ (၁၃)ရက်နေ့တွင်ရူပဗေဒ၊ (၁၄)ရက်နေ့တွင် ဇီ၀ဗေဒ၊ (၁၅)ရက်နေ့တွင်ဘောဂဗေဒ၊ (၁၆)ရက်နေ့တွင် ပထဝီဝင်၊ (၁ရ)ရက်နေ့တွင် သမိုင်း၊ (၁၈)ရက်နေ့တွင် စိတ်ကြိုက်ကြိုက်မြန်မာစာစသည်ဖြင့်ဖော်ပြပေးသွားမည်ဟု သိ၇သည်။

၇ခိုင်တွင်ပြီးခဲ့သည့် ၂၀၂၂ ခုနှစ် တက္ကသိုလ်ဝင်စာမေးပွဲဖြေဆိုရာတွင် စာစစ်ဌာန၂၁၈ ခုကို ဖွင့်လှစ်ခဲ့သော်လည်း ယခုနှစ်တွင် ဖြေဆိုမည့်သူဦးရေနည်းသဖြင့်ယခင်နှစ်ထက် စာစစ်ဌာန အရေအတွက် လျော့နည်းနိုင်ကြောင်းပြည်နယ်ပညာရေးမှူး ဦးဘထွီးစိန်က နိရဥ္စရာကို ပြောဆိုထားသည်။