ULA/AA ၏ သတ္တမအကြိမ်သတင်းစာရှင်းလင်းပွဲ ဖေဖော်ဝါရီ ၂၇ ရက် ကျင်းပမည်
-
ရေးသူ:
Web Master
-
| ရက်စွဲ:
၁၅ ဖေဖော်ဝါရီ ၂၀၂၃
-
| ကြည့်ရှုသူ:
2.7k
နိရဥ္စရာ၊ ဖေဖော်ဝါရီ
၁၅/၂ဝ၂၃
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော်(ULA/AA)၏ သတ္တမအကြိမ်မြောက်
သတင်းစာရှင်းလင်းပွဲကို လာမည့် ဖေဖော်ဝါရီလ ၂၇ ရက်တွင် ပြုလုပ်မည်ဟု ULA/AA
က ယနေ့ ထုတ်ပြန်သည်။
အဆိုပါသတင်းစာရှင်းလင်းပွဲကို
ယင်းနေ့နံနက် ၁ဝ နာရီတွင် ULA/AA ၏
ယခင်ကပြုလုပ်ခဲ့သည့်သတင်းစာရှင်းလင်းပွဲများနည်းတူ ရက္ခိုင်ဘာသာစကားဖြင့်သာ
ပြောဆိုရှင်းလင်းသွားမည်ဟု ယနေ့ ဖေဖော်ဝါရီလ ၁၅ ရက်တွင် ထုတ်ပြန်သည်။
သတင်းစာရှင်းလင်းပွဲသို့တက်ရောက်လိုသည့်သတင်းထောက်များအနေဖြင့် (https://forms.gle/9FkNHENUvZ9R1sMp9)
လင့်ခ်တွင် ဦးစွာ
ဝင်ရောက် စာရင်းသွင်းရမည်ဖြစ်ပြီး စာရင်းသွင်းထားသော သတင်းထောက်များကိုသာ
သတင်းယူခွင့်ပြုမည်ဟု ထုတ်ပြန်ထားသည်။
သတင်းသမားတစ်ဦးစီကို ကြိုတင်မေးခွန်း
(၂)ခုခန့်သာ မေးမြန်းခွင့်ပြုမည်ဖြစ်ပြီး မေးမြန်းလိုသော မေးခွန်းများကို
ဖေဖော်ဝါရီလ ၂ဝ ရက်၊ တနင်္လာနေ့၊ နံနက် ၉ နာရီနောက်ဆုံးထား၍ [email protected]
သို့ ပေးပို့ရမည်ဟု
ထုတ်ပြန်ထားသည်။
ULA/AA ၏သတင်းစာရှင်းလင်းပွဲကို
ပြီးခဲ့သည့်မတ်လ ၅ ရက်မှစတင်ကာ ပထအကြိမ်ပြုလုပ်ခဲ့ခြင်းဖြစ်ပြီး ယခုအကြိမ်သည်
သတ္တမအကြိမ်မြောက်ဖြစ်သည်။
ပြုလုပ်ခဲ့သည့်သတင်းစာရှင်းလင်းပွဲများတွင်
ULA/AA ကကိုင်တွယ်ဖြေရှင်းနေရသည့်
စစ်ရေး၊ နိုင်ငံရေး၊ တရားစီရင်ရေး၊ အုပ်ချုပ်ရေးစသည့်ကဏ္ဍများနှင့်ပတ်သက်ပြီး
သတင်းထောက်များ သိလိုသည်များကို
ULA/AA ၏ပြောခွင့်ရသူ
ဦးခိုင်သုခက တာဝန်ယူဖြေကြားခဲ့သည်။
ပြီးခဲ့သည့် စက်တင်ဘာလ
၁၉ ရက်က ပြုလုပ်ခဲ့သည့် ပဉ္စမအကြိမ်မြောက်သတင်းစာ ရှင်းလင်းပွဲတွင်
ULA/AA ၏
ဒုတိယစစ်ဦးစီးချုပ် ဗိုလ်မှူးချုပ်ဒေါက်တာညိုထွန်းအောင်လည်း ကိုယ်တိုင်
ဝင်ရောက်ဖြေဆိုခဲ့သည်။