နိရဥ္စရာ၊ဖေဖော်ဝါရီ ၁၈/၂၀၂၃

၂၀၂၃-ခုနှစ်၊ မတ်လ(၈) ရက်နေ့ မှ (၁၈) ရက်နေ့ အထိ ကျင်းပမည့် တက္ကသိုလ်ဝင် စာမေးပွဲကို ဖြေဆိုခွင့်လျှောက်ထားကြသော ကျောင်းသား/သူများ၏ ကတ်ပြားများထုတ်ယူမည့်ရက်ကိုမြန်မာနိုင်ငံစာစစ်ဦးစီးဌာနက ထုတ်ပြန်သည်။ 

တိုင်းဒေသကြီး/ပြည်နယ်များရှိ စာစစ်ဌာနအသီးသီးတွင်ဖြေဆိုကြမည့် ကျောင်းသား/ သူများအနေနှင့် မိမိတို့၏ ဓာတ်ပုံကပ်ထားသည့်ခုံအမှတ်စဉ်ပါသော စာမေးပွဲဖြေဆိုခွင့် ကတ်ပြား (Identity Card) များကို ဖေဖော်ဝါရီလ( ၂၀ )ရက် တနင်္လာနေ့မှစ၍ ထုတ်ယူကြနိုင်ပြီဟု အဆိုပါထုတ်ပြန်ချက်တွင် ဖော်ပြထားသည်။ 

အဆိုပါ စာမေးပွဲ ဖြေဆိုခွင့်ကတ်ပြား (Identity Card) များကို အခြေခံပညာအထက်တန်းကျောင်း၊(ကျောင်းခွဲ) နှင့် (တွဲဖက်) အခြေခံပညာ အထက်တန်း ကျောင်းကိုယ်ပိုင်အထက်တန်းကျောင်းမှမိမိတို့၏ ကျောင်းအုပ်ကြီးများထံမှ ထုတ်ယူကြရမည်ဟု သိ၇သည်။ 

ပြင်ပမှ ဖြေဆိုသူများအနေနှင့်စာမေးပွဲဖြေဆိုခွင့်ကတ်ပြား (Identity Card) များကို ဖြေဆိုရမည့် စာစစ်ဌာနကြီးကြပ်ရေးမှူးများထံမှ ထုတ်ယူကြ၇မည်ဖြစ်သည်။ 

စာမေးပွဲဖြေဆိုခွင့်ကတ်ပြား(Identity Card) များထုတ်ယူရာတွင် အခက်အခဲရှိပါက သက်ဆိုင်ရာ ကျောင်းအုပ်ကြီးများစာစစ်ဌာနကြီးကြပ်ရေးမှူးများ၊ မြို့နယ်ပညာရေးမှူးများနှင့်မြန်မာနိုင်ငံစာစစ်ဦးစီးဌာနထံ တိုက်ရိုက်စုံစမ်းမေးမြန်းနိုင်ကြောင်းသိ၇သည်။ 

ယခုနှစ်တက္ကသိုလ်ဝင်စာမေးပွဲကို မတ်လ၈ ရက်နေ့မှ ၁၈ ရက်နေ့အထိ စစ်ဆေးသွားမည်ဖြစ်ပြီး ၇ခိုင်မှ ကျောင်းသား၊ ကျောင်းသူစုစုပေါင်း၁၉,၁၆၅ဦး ဝင်ဖြေမည်ဟု ပြည်နယ်ပညာရေးမှူးရုံးစာရင်းအ၇ သိ၇သည်။