နိရဥ္စရာ၊ ဖေဖော်ဝါရီ၂၂/၂၀၂၃

၇ခိုင်ပြည်နယ်၊ ၇သေ့တောင်မြို့နယ်အနောက်ခြမ်း စေတီပြင် - ကျောက်ပန္ဒူ - အင်းဒင်ကျေးရွာတို့ကိုဆက်သွယ် ဖောက်လုပ်ထားသည့် ကားလမ်းဘေး မယူတောင်ခြေရှိ မဟာဇေယျသိဒ္ဓိအောင်တော်မူ စေတီတော်တည်ရှိရာ မျှော်တော်ဦးတောင်ထိပ်ပေါ်တွင်နယ်ခြားစောင့်တပ်များ တပ်စွဲနေရာယူခြင်းမပြုလုပ်ရန်စေတီဂေါပကအဖွဲ့က စာရေးတောင်းဆိုလိုက်ကြောင်း သိ၇သည်။

ဒေသတည်ငြိမ်နေသည့်လက်ရှိအချိန်တွင် သာသနာတော်ထွန်းကားရေးဆိုင်ရာလုပ်ငန်းများကိုစဉ်ဆက် မပြတ်လုပ်ဆောင်နိုင်ရန် အဆိုပါတောင်ကုန်းပေါ်တွင်မည်သည့်လက်နက်ကိုင်အဖွဲ့အစည်းမျှ တပ်စွဲ၊ နေရာယူခြင်း မပြုကြရေးကိုမေတ္တာရပ်ခံချက်အဖြစ် တင်ပြတောင်းဆိုအပ်ပါသည်ဟုဆိုကာစေတီဂေါပအဖွဲ့က ပြီးခဲ့သည့် ဖေဖော်ဝါရီလ ၁၉ ရက်တွင် စာတစ်စောင်ရေးသား  တင်ပြ တောင်းဆိုထားခြင်းဖြစ်သည်။

အဆိုပါစာကို ယင်းမျှော်တော်ဦးတောင်ပေါ်တွင်တပ်စွဲထားသည့် နယ်ခြားစောင့်တပ်ထံသို့လည်း သွားရောက် ပေးအပ်ထားကာယင်းမှတာဝန်ရှိသူတို့က အထက်သို့တင်ပြသွားမည်ဟု ပြောကြားလိုက်သည်ဟုဂေါပကအဖွဲ့ဝင်တစ်ဦးက ပြောသည်။

ယင်းတောင်ထိပ်ပေါ်တွင်တပ်စွဲနေရာယူထားသည့် နယ်ခြားစောင့်တပ်ဖယ်ရှားပေးပါက စေတီတော်ထိန်းသိမ်း စောင့်ရှောက်ရေးကိစ္စများနှင့်ဗုဒ္ဓပူဇေနိယပွဲကျင်းပနိုင်ရေး လုပ်ဆောင်သွားရန် အစီအစဉ်များရှိသည်ဟု ဆက်ပြောသည်။

"ဘုရားပွဲလုပ်မယ်။ ဘုရားပုရဝုဏ်အတွင်းမှာပြုပြင်စရာရှိတာတွေကို ပြုပြင်သွားမယ်။ အဲဒီမှာ နန်းရာရှင်မနတ်ကွန်း၊နတ်စင်ရှိတယ်။ အဲဒါတွေအားလုံးလည်း ပြိုပျက်နေပြီ။ ဘုရားပွဲ မချနိုင်တာကတော့ ၂၀၁၉ ခုနှစ်ကတည်းကနေ တိုက်ပွဲဖြစ်သွားလို့မချနိုင်တော့ဘူး။အခုက ဒေသပြန်တည်ငြိမ်လို့ အပစ်ရပ်တုန်းကလည်း သူတို့ကအဲဒီနေရာမှာ တပ်စွဲထားတော့ ဒေသခံပြည်သူတွေက ဘုရားကိုလည်းမပြုပြင်နိုင်သလိုဗုဒ္ဓပူဇေနိယပွဲတွေလည်း ချလို့မ၇ဘူး ဖြစ်နေတယ်" ဟုပြောသည်။

အဆိုပါဘုရားစေတီတောင်ပေါ်တွင် နယ်ခြားစောင့်တပ်များသည်ပြီးခဲ့သည့် ၂၀၂၁ ခုနှစ်မှစ၍ တပ်စွဲ နေရယူထားခြင်း ဖြစ်ပြီး၎င်းတို့တပ်စွဲနေရာယူထားသဖြင့် စေတီပြုပြင်ထိန်းသိမ်းရေး၊ဖူးမြော်ရေးနှင့် ဗုဒ္ဓပူဇနိယပွဲတော်ကျင်းပရေးတို့အတွက်အခက်အခဲများရှိနေကြောင်း သိ၇သည်။

အဆိုပါမဟာဇေယျသိန္ဓိအောင်တော်မူစေတီတော်ကြီးကို ပြီးခဲ့သည့်၂၀၁၇ ခုနှစ်တွင် အလိုတော်ပြည့် ဆရာတော်ဘုရားကြီး ဘဒ္ဒန္တအရိယာဝံသနှင့်ပျံလွန်တော်မူသွားပြီဖြစ်သည့် စေတီပြင်ဆရာတော်ဘုရားကြီး ဘဒ္ဒန္တ အာစရရံသီတို့၏ လမ်းညွှန်မှုဖြင့်ယခင်လွှတ်တော်ကိုယ်စားလှယ် ဦးသန်းနိုင်၊ ရန်ကုန်တိုင်းဒေသကြီး အစိုးရအဖွဲ့၊တိုင်းရင်းသားရေးရာဝန်ကြီး ဦးဇော်အေးမောင်နှင့် အနောက်တံခါး ကူညီစောင့်ရှောက်အဖွဲ့တို့၏ မတည်ငွေများနှင့် အတူ ဒေသခံများ၏လှူဒါန်းငွေများဖြင့် စတင်တည်ထားကိုးကွယ်ခဲ့ကြခြင်းဖြစ်သည်။

အဆိုပါစေတီတော်၏ ဗုဒ္ဓပူဇေနိယပွဲတော်ကိုပြီးခဲ့သည့် ၂၀၁၉ ခုနှစ်အထိ စည်စည်ကားကားကျင်းပနိုင်ခဲ့ပြီးနှစ်စဉ်နှစ်တိုင်း စဉ်ဆက်မဆက်မပြတ်ကျင်းပနိုင်ရေးအတွက် ရန်ပုံငွေများကိုလည်းစနစ်တကျ သိမ်းဆည်းထားဆဲ ဖြစ်သည်ဟု ဂေါပကအဖွဲ့ဝင်များက ပြောသည်။

အဆိုပါစေတီတော်မြတ်တည်ရှိရာနေရာသည် မောင်တော၊ဘူးသီးတောင်၊ ၇သေ့တောင်ကားလမ်းအဆုံကျသဖြင့် ယခင်နှစ်များကကျင်းပခဲ့၇သည့်ဗုဒ္ဓပူဇေနိယပွဲတွင် စည်ကားစွာကျင်းပမှုများရှိခဲ့သည်ဟု သိ၇သည်။ (NN-8)