နိရဥ္စရာ၊ ဖေဖော်ဝါရီ၂၆ / ၂၀၂၃

ရခိုင်ပြည်နယ်၊မြေပုံမြို့နယ်၊ ကမ်းထောင်းကြီးမြို့၊ တောင်ပိုင်းရပ်ကွက်တွင်ဖြစ်ပွားခဲ့သည့်ဓားပြတိုက် သတ်ဖြတ်မှုနှင့်ဆက်စပ်ပြီး လူငယ် ၂ ဦးကို သက်သေခံရွှေထည်ပစ္စည်းများနှင့်အတူရက္ခိုင်အမျိုးသားအဖွဲ့ချုပ် (ULA)ကဖမ်းဆီးထားကြောင်းသတင်းရရှိသည်။

လက်ရှိဖမ်းဆီး၇မိထားသူမှာ ကမ်းထောင်းကြီးမြို့နှင့်၃ မိုင်ခန့်အကွာ တပ်ရာကျေးရွာမှ ၉ တန်းကျောင်းသား ၁ ဦးနှင့် နောက်ထပ်လူငယ်၁ ဦးတို့ဖြစ်သည်။

သူတို့ကိုသက်သေခံရွှေထည်ပစည်းများနှင့်အတူ ယမန်နေ့ ဖေဖော်ဝါရီလ ၂၅ ရက်၊ညနေပိုင်းတွင် ဖမ်းမိထားခြင်း ဖြစ်ပြီး သူတို့၏အမည်များကိုမသိရှိ၇သေးကြောင်းကမ်းထောင်းကြီးမြို့၊ တောင်ပိုင်းရပ်ကွက်သားတစ်ဦးက ပြောသည်။

"ကျွန်တော်တို့ကြားရသလောက်ဆိုရင် တရားခံတော့ဖမ်းထားပြီးပြီ။ ကောင်လေး ၃ ယောက်မှာ နှစ်ယောက်ကို ၇ထားပြီလို့ သိရတယ်။ရွှေကိုလည်း ရထားပြီလို့ ပြောတယ်။ တပ်ရာဘုန်းကြီးကျောင်းထဲက အဲဒီကောင်လေးစီးလာတဲ့ဆိုင်ကယ်နဲ့အတူ ရွှေကိုရထားတာပါ။ ရွှေကို သင်္ဃန်းစနဲ့ထုပ်ထားတယ်လို့လည်းသိ၇တယ်" ဟု ပြောသည်။

တပ်ရာဘုန်းကြီးကျောင်းတွင်းမှပြန်တွေ့ခဲ့သည့် ရွှေများမှာ အလေးချိန် ၁၂ ကျပ်သားဟု ပြောဆိုမှုများရှိသကဲ့သို့ ၁ရကျပ်သားဟုလည်း ပြောဆိုနေကြပြီး ရွှေအလေးချိန် အတိအကျကို အတည်မပြုနိုင်ကြောင်း သူကပြောသည်။

"အခုဖမ်းထားတဲ့ ကောင်လေးမှာလည်းလည်ပင်းတွေ၊ ရင်ဘတ်တွေမှာ လက်သည်းနဲ့ အတင်းကုပ်ထားတဲ့ ဒဏ်ရာတွေတွေ့ရတယ်ပြောတယ်။ ခုကောင်လေးကိုရော၊ မိဘတွေကိုရော စစ်ဆေးနေကြတယ်လို့ သိ၇ပါတယ်" ဟု ပြောသည်။

ဓားပြတိုက်သတ်ဖြတ်ခံရသူမှာကမ်းထောင်းကြီးမြို့၊ တောင်ပိုင်းရပ်ကွက်မှ မြတ်နိုးသူမိတ်ကပ်နှင့်အလှပြင်ဆိုင်ပိုင်ရှင် ဦးမောင်မောင်တင် (၅၇) နှစ်ဖြစ်သည်။

သူ့ကို ယမန်နေ့ဖေဖော်ဝါရီလ ၂၅ ရက်၊ နံနက်ပိုင်းက ၄င်း၏နေအိမ်အတွင်း ဓားထိုးဒဏ်ရာ၊စူးချွန်ဒဏ်ရာ ၂၁ ချက်နှင့် သေဆုံးနေသည်ကို တွေ့ခဲ့ရခြင်းဖြစ်ကြောင်းတစ်ရပ်ကွက်တည်းနေထိုင်သူများကပြောသည်။

အဆိုပါအမှုနှင့်ပတ်သက်၍အသေးစိတ်သိရှိနိုင်ရန် တောင်ပိုင်းရပ်ကွက်အုပ်ချုပ်ရေးမှူးဦးစံသန်းဝင်းကို ဆက်သွယ်မေးမြန်းခဲ့ရာ "ကျွန်တော်လည်းသေချာမသိ၇သေးလို့ပါ" ဟု ပြောဆိုခဲ့သည်။

ယင်းအမှုကို ကိုင်တွယ်နေသည့်ULA ဘက်မှကမ်းထောင်းကြီးတာဝန်ခံကို ဆက်သွယ်မေးမြန်းခဲ့ရာ ၄င်းကလည်း အသေးစိတ် မသိရှိကြောင်းသာပြောဆိုခဲ့သည်။

ဓားပြတိုက်သတ်ဖြတ်ခံရပြီးသေဆုံးခဲ့သူဦးမောင်မောင်တင်၏ ရုပ်အလောင်းကို ယနေ့ ဖေဖော်ဝါရီလ ၂၆ ရက် နေ့လယ် ၂ နာရီကကမ်းထောင်းကြီးမြို့သုသာန်တွင်သဂြိုလ်ခဲ့ကြောင်း သိ၇သည်။ (NN-23)

ဓာတ်ပုံ- မောင်ချယ်ရီ(ကမ်းထောင်းကြီး)