နိရဥ္စရာ၊ မတ် ၂/၂၀၂၃

၇ခိုင်ပြည်နယ်၊စစ်တွေမြို့တွင် စစ်ကောင်စီတပ်မှ တပ်သားများသည် ယမန်နေ့ညအချိန်တွင်ပြည်သူများကို စစ်ဆေးမှုများပြုလုပ်ခဲ့ကြသည်ဟုကိုယ်တိုင်ကြုံတွေ့ခဲ့၇သူများက ပြောသည်။

ယမန်နေ့ မတ်လ၁ ရက်၊ ည ၈ နာရီကျော်ခန့်တွင် စစ်တွေမြို့၊ စက်ရုံစုရပ်ကွက်(ခေါ်) နာဇီရွာ ရပ်ကွက်လမ်းဆုံ၌စစ်ကောင်စီတပ်သား အင်အား ၁၀ ကျော်က လက်နက်များကိုင်ဆောင်ကာ လမ်းသွားလမ်းလာဒေသခံပြည်သူများအား စစ်ဆေးမှုများပြုလုပ်ခဲ့သည်ဟု ကိုယ်တိုင်ကြုံတွေ့ခဲသူ တစ်ဦးက နိရဥ္စရာသတင်းဌာနကိုပြောသည်။

"ကျွန်တော်တို့က မနေ့ည၈ နာရီကျော်လောက်ကမီးစက်ကြီးလမ်းဆုံဘက်ကနေ ကားနဲ့လာတာ။ နာဇီရွာကုန်းအဆင်း၊ နာဇီရွာလမ်းဆုံနားရောက်တော့စစ်သားတွေနဲ့ ALP အဖွဲ့က ယူနီဖောင်းတွေ ဝတ်ပြီး လမ်းသွားလမ်းလာလူတွေကို ရပ်ခိုင်းပြီးတော့ စစ်ဆေးနေကြတယ်" ဟု ပြောသည်။

သူတို့ထဲတွင်လက်နက်အပြည့်အစုံဖြင့် ၃ ဦးကိုတွေ့ခဲ့၇သည်ဟုလည်း ဆိုသည်။

ထိုသို့စစ်ဆေးနေခြင်းမှာမည်သည့်အတွက်ကြောင့်စစ်ဆေးနေသည်ကို မသိ၇ဘဲ ညအချိန်လမ်းသွား လမ်းလာ ဒေသခံများ၏ကားနှင့် ဆိုင်ကယ်များကိုဖွင့်ကာ စစ်ဆေးမှုများပြုလုပ်ခဲ့ကြခြင်းဖြစ်သည်ဟု၎င်းက ဆက်ပြောသည်။

"ဘာကြောင့်စစ်တာလဲတော့မသိဘူး။ အဲ့နားကဖြတ်သွားတဲ့လူတိုင်းကို စစ်တယ်။ ကားတွေကို ဝင်စစ်တယ်။ ဆိုင်ကယ်တွေဆိုနောက်ဖုံးတွေ ဖွင့်ပြ၇တယ်။ ညအချိန် ဘာကိစ္စမှလည်း မဖြစ်ဘဲ စစ်ဆေးနေတာကမကောင်းဘူး။ အရေးကြီးကိစ္စတစ်ခုခုရှိလို့သွားတာ စစ်ဆေးခံနေရလို့ကိုအချိန်ကုန်တယ်။ ဘာကြောင့်စစ်တယ်ဆိုတာလည်း မသိ၇ဘဲ" ဟု ပြောသည်။

စစ်တွေတွင် ညရေးညတာကျန်းမာရေးကိစ္စဖြင့်ဖြစ်စေ၊ အရေးတကြီးကိစ္စဖြင့် အပြင်ထွက်၇သည့်သူများအတွက်ယင်းသို့စစ်ဆေးနေ၍ အချိန်ကြန့်ကြာမှုများရှိနေပြီး ခိုးဆိုး၊ ဓားပြတိုက်၊လုယက်မှု၊ ဓားထိုးမှုများမကြာခဏဖြစ်တတ်သည့်နေရာများတွင်ထိုသို့စစ်ဆေးမှုများသွားလုပ်ပါက ကောင်းမည်ဟု ကိုယ်တိုင်ကြုံတွေ့ခဲ့၇သူများကပြောဆို ဝေဖန်နေကြသည်။

မျက်မြင်ကိုယ်တိုင်ကြုံတွေ့ခဲသူ တစ်ဦးက ရခိုင်ပြည်လွတ်မြောက်ရေးပါတီ( ALP) က အဖွဲ့ဝင်အချို့  စစ်ဆေးရာတွင် ပါဝင်သည်ဟု ပြောဆိုချက်နှင့်ပတ်သက်ပြီး ALPမှ တာဝန်ရှိသူများကိုဆက်သွယ်ခဲ့သော်လည်း ဖုန်းလက်ခံဖြေကြားခြင်းမရှိခဲ့ပါ။ (NN-12)