၇ခိုင်မြို့နယ် ၃ ခုတွင် အကောင်အထည်ဖော်မည့် လေအားလျှပ်စစ်စီမံကိန်း ဒေသအတွက် အကျိုးရှိ/မရှိ စောင့်ကြည့်သင့်ဟုဆို

နိရဥ္စရာ ၊ မတ် ၂ /၂၀၂၂

၇ခိုင်ပြည်နယ်မှ မြို့နယ်သုံးခုတွင် စစ်ကောင်စီကအကောင် အထည်ဖော်တည်ဆောက်မည့် လေအားလျှပ်စစ်စီမံကိန်းမှာ ဒေသအတွက် အကျိုးပြုမှုရှိ/မရှိစောင့်ကြည့်သင့်ကြောင်း ၇ခိုင်သယံဇာတနှင့် သဘာ၀ပတ်ဝန်းကျင်ထိန်းသိမ်းရေးလှုပ်ရှားသူများနှင့် မြို့ခံများက ပြောဆိုကြသည်။

ရခိုင်ဒေသတွင် ယခင်ကအကောင်အထည်ဖော်ဆောင်ရွက်ခဲ့သည့် အရင်းမြစ်စွမ်းအင်စီမံကိန်းများမှာ ဒေသအတွက်လည်း အကျိုးပြုမှုမရှိသလောက်နည်းပါးပြီး တချို့စီမံကိန်းများမှာ အောင်မြင်မှုလည်း မရှိသောကြောင့် ယခုလေအား လျှပ်စစ်စီမံကိန်းကိုလည်းစောင့်ကြည့်သင့်ကြောင်း အမ်းမြို့ဒေသခံ သဘာ၀ပတ်ဝန်းကျင်ထိန်းသိမ်းစောင့်ရှောက်ရေးတက်ကြွလှုပ်ရှားသူ ကိုမျိုးလွင်က ပြောသည်။

"အခုစီမံကိန်းကတစ်နိုင်ငံလုံးလျှပ်စစ်မီးတွေ ပုံမှန်မ၇ဖြစ်နေတဲ့ကာလမှာ လေအားလျှပ်စစ် စီမံကိန်းတွေလုပ်နေတယ်ဆိုတဲ့ အာရုံပြောင်းရုံသက်သက်တော့မဖြစ်ဖို့လိုတယ်ပေါ့နော်။ ဒီအရင်းအမြစ်တွေကို အသုံးပြုအကောင်အထည်ဖော်တဲ့အခါတကယ့်ပြည်သူလူထုကို အကျိုးပြုနိုင်အောင် လုပ်ဖို့တော့လိုပါတယ်။ စီမံကိန်းအကောင်အထည်ဖော်တဲ့အခါလည်း ဒေသခံတွေအတွက်ဝန်ထုပ်ဝန်ပိုးမဖြစ်စေဘဲနဲ့ လုပ်ဖို့လိုတယ်။ ဒီလေအားလျှပ်စစ်စီမံကိန်းနဲ့ ပတ်သက်ပြီးတော့ စစ်ကောင်စီအနေနဲ့ရခိုင်ဒေသခံလူထုအပေါ်မှာ စေတနာအရင်းခံပြီး အကောင်အထည်ဖော်မလားဆိုတာကျနော်တို့စောင့်ကြည့်၇မယ်" ဟု ပြောသည်။

စစ်ကောင်စီက ၇ခိုင်ပြည်နယ်ထဲမှသံတွဲ၊ ဂွနှင့် အမ်းမြို့နယ်တို့တွင် လေအားလျှပ်စစ်ထုတ်လုပ်မည့် စီမံကိန်းသဘောတူစာချုပ်ကို လျှပ်စစ်စွမ်းအားဝန်ကြီးဌာန လျှပ်စစ်စွမ်းအားစီမံရေးဦးစီးဌာနနှင့် တရုတ်-ဟောင်ကောင်-မြန်မာကုမ္ပဏီတို့ ယမန်နေ့ မတ်လ ၁ ရက်တွင် စာချုပ်ချုပ်ခဲ့ကြသည်ဟုစစ်ကောင်စီပိုင်သတင်းစာများတွင် ယနေ့ ကြေညာထားသည်။

သဘောတူစာချုပ်အ၇ အမ်းတွင်လေအားလျှပ်စစ်စီမံကိန်း ၁၅၀ မဂ္ဂါဝပ်၊ ဂွမြို့နယ်တွင် လေအား လျှပ်စစ်စီမံကိန်း၁၀၀ မဂ္ဂါဝပ်နှင့် သံတွဲမြို့နယ်တွင် လေအား လျှပ်စစ်စီမံကိန်း၁၁၀ မဂ္ဂါဝပ်တို့ကို အကောင်ထည်ဖော်ဆောင်ရွက်ရန် စာချုပ်ချုပ်ဆိုခဲ့ခြင်းဖြစ်ပြီးဂွမြို့နယ်စီမံကိန်း၏ ပထမအဆင့် ၅၀ မဂ္ဂါဝပ်ကို ယခု ၂၀၂၃ ခုနှစ်၊ဒီဇင်ဘာလတွင် တည်ဆောက်ရန်လည်း သဘောတူထားသည်။

ယမန်နေ့ကရေးထိုးခဲ့သည့် စီမံကိန်းစာချုပ်အ၇မြန်မာပိုင် Primus Advanced Technologies Limited ၊ ဟောင်ကောင်အခြေစိုက် AsiaEcoenergy Development Limited, တရုတ်ပိုင်Yunnan Machinery and Equipment Import and Export Co., Ltd. တို့မှလေအားလျှပ်စစ်စီမံကိန်းများကိုအကောင်အထည်ဖော်တည်ဆောက်သွားမည်ဖြစ်ကြောင်း သိ၇သည်။

ထိုသို့လေအားလျှပ်စစ်စီမံကိန်း အကောင်အထည်ဖော်တည်ဆောက်ရာတွင်လည်းသဘာ၀ပတ်ဝန်းကျင်ထိခိုက်ပျက်စီးမှုနည်းပါးပြီး ဒေသခံများလုပ်ကိုင်စားသောက်နေရသည့်အရင်းအမြစ်များမဆုံးရှုံး၇အောင် အကောင်အထည်ဖော်သင့်ကြောင်း ကိုမျိုးလွင်ကဆက်ပြောသည်။

အစိုး၇ အဆက်ဆက်ကအမ်းမြို့နယ်တွင် အကောင်အထည်ဖော်ခဲ့သည့် စီမံကိန်းများတွင်လည်း မြေယာမတရားသိမ်းဆည်းခံရပြီးဒေသခံများအိုးမဲ့အိမ်မဲ့ဖြစ်ခဲ့သည်များသာရှိပြီး စီမံကိန်းမှထွက်ရှိသည့်စွမ်းအင်များအား ဒေသတွင်းသုံးစွဲနိုင်ရန် ဆောင်ရွက်မှုများ မရှိခဲ့ကြောင်းလည်း သူကပြောသည်။

မြန်မာနိုင်ငံတွင်အာဏာမသိမ်းခင်ကပင် ရှိနေသည့် ၂၀၀၈ ဖွဲ့စည်းပုံအခြေခံဥပဒေအရလည်းပြည်နယ်များ၏သယံဇာတအကျိုးခွဲဝေခံစားရေးနှင့်ပတ်သက်ပြီးတိတိကျကျရေးဆွဲထားခြင်းမရှိသည့်အတွက် မည်သည့်စီမံကိန်းမဆိုဒေသခံများ၏ အကျိုးခံစားခွင့်ကို များများစားစား မျှော်လင့်၍မရနိုင်ကြောင်း ၇ခိုင့်သယံဇာတနှင့် သဘာဝတ်ပတ်ဝန်းကျင် စောင့်ကြည့်ရေးအဖွဲ့ဝင်ဦးထွန်းကြည်က ပြောသည်။

"အာဏာမသိမ်းခင်ကတည်းက ရှိနေတဲ့ဖွဲ့စည်းပုံဥပဒေအရ ပြည်နယ်တွေရဲ့ သယံဇာတနဲ့ ပတ်သက်ပြီး အကျိုးခံစားခွင့်ကိုဘာမှတိတိကျကျ ပြဋ္ဌာန်းထားတာမရှိတဲ့အတွက် ဘယ်လိုစီမံကိန်းဖြစ်ဖြစ်ဒေသခံတွေရဲ့ အကျိုးအတွက် များများစားစားမျှော်လင့်လို့ မ၇ဘူး။အခုစီမံကိန်းကိုလည်း ကျနော်တို့ သေချာစောင့်ကြည့်ဖို့လိုပါတယ်" ဟုကိုထွန်းကြည်က ပြောသည်။

၇ခိုင်ပြည်နယ်၊ မာန်အောင်မြို့တွင်လည်းပြီးခဲ့သည့် ၂၀၁၉ ခုနှစ် NLD အစိုး၇လက်ထက်က အကောင်အထည်ဖော် ဆောင်ရွက်ခဲ့သည့်နေရောင်ခြည်စွမ်းအင်နှင့် ဆိုလာလျှပ်စစ်ဓာတ်အား ဖြန့်ဖြူးရေးစီမံကိန်းမှာလည်းလက်ရှိတွင် ဆိုလာအထိန်းစနစ်ချွတ်ယွင်းပျက်စီးသွားသည်ဟုဆိုကာလျှပ်စစ်မီးဖြန့်ဖြူးမှု ရပ်ဆိုင်းထား၍ အခက်အခဲကြုံနေ၇ကြောင်း မြို့ခံများကပြောသည်။

မာန်အောင်မြို့နယ်မှ ဆိုလာစနစ်လျှပ်စစ်မီးကို ၂၀၁၉ ခုနှစ်၊ ဒီဇင်ဘာ ၂၀ ရက်တွင် စတင်ပြီး မာန်အောင်မြို့ပေါ်ရပ်ကွက်များအပါအဝင် ခအုံးမော်ကျေးရွာနှင့် ကောင်းတန်းကျေးရွာတို့အား ၂၄ နာရီလျှပ်စစ်မီး ဖြန့်ဖြူးပေးခဲ့သော်လည်း ၇ လအကြာတွင်လျှပ်စစ်မီးဖြန့်ဖြူးပေးမှုရပ်တန့်ခဲ့ကြောင်း သိ၇သည်။

၂၀၂၁ ခုနှစ်၊ဇန်နဝါရီ ၅ ရက်တွင် ဆိုလာစနစ်ဖြင့် လျှပ်စစ်မီးကို ပြန်လည် ဖြန့်ဖြူးပေးနိုင်ခဲ့ကြောင်း မာန်အောင်မြို့နယ် လျှပ်စစ်အင်ဂျင်နီယာ ဦးမင်း ဇော်ဇော်လင်းကပြောဆိုခဲ့သော်လည်း လက်ရှိတွင် လျှပ်စစ်ဓာတ်အားဖြန့်ဖြူးမှုထပ်မံရပ်ဆိုင်းထားကြောင်း မြို့ခံတစ်ဦးက ပြောသည်။

လက်ရှိအကောင်အထည်ဖော်မည့် လေအားလျှပ်စစ်စီမံကိန်းနှင့်ပတ်သက်၍လည်း အာဏာသိမ်း စစ်ကောင်စီနှင့်လုပ်ငန်းရှင်ကုမ္ပဏီတို့ အကျိုးစီးပွားအတွက်လောက်သာမဟုတ်ဘဲ စီမံကိန်းမှ ထွက်ရှိမည့်စွမ်းအင်များနှင့် ဒေသနေပြည်သူလူထု၏ လျှပ်စစ်မီးလိုအပ်ချက်ကို ဖြည်းတင်းနိုင်ဖို့မျှော်လင့်ကြောင်း ဒေသခံများက ပြောဆိုကြသည်။

ရခိုင်ပြည်သည်ရေခံမြေခံကောင်းမွန်ပြီး သဘာ၀သယံဇာတအရင်းအမြစ်မြောက်များစွာထွက်ရှိသည့်ပြည်နယ်တစ်ခုဖြစ်သော်လည်း သယံဇာတအရင်းမြစ်စီမံကိန်းများမှထွက်ရှိသည့် စွမ်းအင်နှင့်ပင်ရခိုင်ဒေသ၏ လျှပ်စစ်မီးလိုအပ်ချက်ကိုမဖြည့်တင်းပေးသည့်အတွက် ဒေသခံများမှာအခက်ခဲကြုံနေကြ၇သည်။

အလားတူ ပြည်နယ်အတွင်းစီမံကိန်းများအကောင်ထည်ဖော်ရာတွင်လည်း ဒေသခံများမှာအလုပ်ကိုင်အခွင့်အလမ်းများတစ်စုံတရာမရရှိသည့်အတွက် နှစ်စဉ်ပြည်ပထွက်ခွာ အလုပ် လုပ်ကိုင်နေရသူ အများပြားရှိနေပြီးအထောက်အထားမဲ့အဖြစ်ဖမ်းဆီးခံရမှုများရှိနေကြောင်း ပြောဆိုကြသည်။ (NN-23)

ဓာတ်ပုံ- လေအားလျှပ်စစ်စီမံကိန်းတစ်ခုအား တွေ့၇စဉ်။

Photo - China Media Group

ဆက်စပ် အကြောင်းအရာများ

နောက်ဆုံးရသတင်းများ