(ပြည်ထောင်စုတစ်၀န်းယှဉ်ပြိုင်မည့်ပါတီ(၅)ခု၊ ပြည်နယ်/တိုင်းဒေသကြီးအတွင်း ယှဉ်ပြိုင်မည့် ပါတီ (၁၂) ခုရှိ)

နိရဉ္စရာ၊ မတ် ၈/၂၀၂၃

စစ်ကောင်စီ၏ နိုင်ငံရေးပါတီများ မှတ်ပုံတင်ခြင်းဥပဒေအသစ် ပြဌာန်းလိုက်ပြီးနောက် မတ်လ ၈ ရက် နေ့အထိ ပြည်ထောင်စု ရွေးကောက်ပွဲကော်မရှင် (UEC) ၌ မှတ်ပုံတင်လျှောက်ထားပြီးသည့်ပါတီပေါင်း ၁၇ ခု ရှိကြောင်း သိ၇သည်။

ပြီးခဲ့သည့် ဇန်နဝါရီ ၂၆ ရက်က ၎င်းဥပဒေကို ထုတ်ပြန်ကြေညာခဲ့ရာ ရွေးကောက်ပွဲဝင်ရောက်ယှဉ်ပြိုင် မည့် နိုင်ငံရေးပါတီများအနေနှင့် ရက်ပေါင်း ၆၀ အတွင်း ပါတီမှတ်ပုံတင် လျှောက်ထား၇မည် ဖြစ်ကြောင်း၊ ထိုသက်မှတ်ရက်အတွင်း မှတ်ပုံတင်ခြင်းမရှိပါက နိုင်ငံရေးပါတီအဖြစ်မှ အလိုအလျှောက် ပျက်ပြယ် သွားမည်ဟု ကြေညာချက်တွင်ပါရှိသည်။

စစ်ကောင်စီဥက္ကဌ ဗိုလ်ချုပ်မှုးကြီးမင်းအောင်လှိုင်က ၎င်းစိတ်ကြိုက်လုပ်မည့် ရွေးကောက်ပွဲသည် တရားမျှတသည့် ရွေးကောက်ပွဲ ဘယ်နည်းနဲ့မှမဖြစ်နိုင်ကြောင်း နိုင်ငံရေးလေ့လာ သုံးသပ်သူ ဦးသန်းစိုးနိုင်က ဆိုသည်။

‘’အခုသူလုပ်ပေးမယ်ဆိုတဲ့ရွေးကောက်ပွဲဆိုတော့ သူမပြုတ်မချင်းရှိနေဦးမယ့်သဘောပါပဲ၊ ဒါပေမယ့် တရားမျှတပြီး လွတ်လပ်တဲ့ ရွေးကောက်ပွဲကတော့ လုံး၀မဖြစ်နိုင်ဘူး” ဟု ပြောသည်။

မတ်လ ၈ ရက်အထိ UEC ထံတွင် လာရောက်လျှောက်ထားသည့် နိုင်ငံရေးပါတီများမှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP)၊ ဖက်ဒရယ်ဒီမိုကရက်တစ်ပါတီ၊ မြန်မာပြည်သူ့ဒီမိုကရက်တစ်ပါ တီ (MPD)၊ ပြည်ထောင်စုဒီမိုကရေစီပါတီ (UDP)၊ ပအိုဝ်းအမျိုးသားအဖွဲ့ချုပ် (PNO)၊ ဒီမိုကရက်တစ် အင်အားစုလေဘာပါတီ၊ ဒီမိုကရေစီပါတီသစ် (ကချင်)၊ ပြည်သူ့အကျိုးပြုကျောင်းသားများပါတီ၊ အမျိုး သားဒီမိုကရေစီပါတီသစ် (NNDP)၊ ရှမ်းတိုင်ရင်းသားများဒီမိုကရက်တစ်ပါတီ၊ ဖလုံ - စဝေါ်ဒီမိုကရက် တစ်ပါတီ၊ တိုင်းရင်းသားစည်းလုံးညီညွတ်ရေးပါတီ၊ ၇ခိုင့်ဦးဆောင်ပါတီ (AFP)၊ ကချင်ပြည်သူ့ပါတီ (KSPP)၊ ဝံသာနုပါတီနှင့် ဒီမိုကရက်တစ်ပါတီ များဖြစ်ကြသည်။

၎င်း ပါတီ (၁၇) ပါတီများထဲတွင် ပြည်ထောင်စုတစ်၀န်း၌စည်းရုံးမည့် ပါတီ (၅) ခုပါဝင်ပြီး ကျန်ပါတီ (၁၂) ခုသည် သက်ဆိုင်ရာပြည်နယ်/တိုင်းဒေသကြီးအတွင်း၌သာ စည်းရုံးမည့် ပါတီများဖြစ်ကြောင်း သိ ၇သည်။

ပြည်ထောင်စုတစ်ဝှမ်းစည်းရုံးမည့်ပါတီများသည် မှတ်ပုံတင်ခွင့်ပြုသည့်နေ့မှစတင်၍ ရက်ပေါင်း (၉၀) အတွင်း ပါတီဝင်ဦးရေ (၁) သိန်း စည်းရုံးနိုင်၇မည်၊ ပါတီရန်ပုံငွေ ကျပ်သိန်း (၁၀၀၀) အား မြန်မာ့စီးပွား ရေးဘဏ်တွင် ငွေစာရင်းဖွင့်ထား၇မည်ဖြစ်ပြီး ရက်ပေါင်း (၁၈၀) အတွင်း၌ ပြည်ထောင်စု တစ်ဝှမ်းလုံးရှိ မြို့နယ် တစ်ဝက်ခန့်တွင် ပါတီရုံးခန်းများဖွင့်လှစ်နိုင်၇မည်ဟု ကြေညာချက်တွင် ဖော်ပြထားသည်။

ပြည်နယ်/တိုင်း တစ်ခုတွင်စည်းရုံးမည့် ပါတီများသည် မှတ်ပုံတင်ခွင့်ပြုသည့်နေ့မှစ၍ ပြည်နယ်/တိုင်း အတွင်း ပါတီဝင်ဦးရေ (၁) သောင်း စည်းရုံးနိုင်၇မည်၊ ပါတီရန်ပုံငွေ ကျပ်သိန်း (၁၀၀) အား မြန်မာ့စီးပွား ရေးဘဏ်တွင် ငွေစာရင်းဖွင့်ထား၇မည်ဖြစ်ပြီး ရက်ပေါင်း (၁၈၀) အတွင်း မြို့နယ် (၅) ခုတွင် ရုံးခန်းဖွင့် လှစ်နိုင်၇မည်ဟု သိ၇သည်။

အဆိုပါကြေညာချက်ဥပဒေပါ ကန့်သတ်မှုများကြောင့်  ယခင်က နိုင်ငံရေးပါတီပေါင်း ၉၀ ကျော်ရှိခဲ့သော်လည်း ပါတီအများအပြားမှာ လက်ရှိ မှတ်ပုံတင်အသစ် ပြန်လည်လျှောက်ထားမှု မရှိတော့ကြောင်း သိ၇သည်။ (NN – 25)

ဓာတ်ပုံ - ပြည်ထောင်စုရွေးကောက်ပွဲ ကော်မရှင်