ကျောက်ဖြူမြို့ကို အခြေပြုပြီး စစ်တွေအပါအဝင် မြို့ကြီးတချို့သို့ ရခိုင်ဂုဏ်ရည် ခရီးသည်ပို့ဆောင်ရေးယာဉ်များ စတင်ပြေးဆွဲ

နိရဉ္စရာ၊ မတ် ၉/၂၀၂၃

ခရီးသွားပြည်သူများ သွားလာရေးလွယ်ကူရန် ရည်ရွယ်၍ ကျောက်ဖြူမြို့ကို အခြေပြုပြီး စစ်တွေအပါအဝင် မြို့ကြီးတချို့သို့  ‘ရခိုင်ဂုဏ်ရည်’ ခရီးသည်ပို့ဆောင်ရေး မော်တော်ယာဉ်များ စတင်ပြေးဆွဲနေပြီဖြစ်ကြောင်း သတင်းရရှိသည်။

၎င်း ယာဉ်လိုင်းသည် ကျောက်ဖြူ--ရမ်းဗြဲ --မင်းပြား --မြောက်ဦး-- ကျောက်တော် --ပုဏ္ဏားကျွန်း --စစ်တွေ မြို့များသို့  မတ်လ ၁ ရက်က စတင်ပြီး ရက်ချင်းပြန် ပြေးဆွဲနေပြီဖြစ်ကြောင်း ကားလိုင်း တာဝန်ရှိသူ တစ်ဦးက နိရဉ္စရာသို့ ပြောဆိုသည်။ 

“ ရေကြောင်းနဲ့ဆို ကျောက်ဖြူကနေ စစ်တွေကို သွားရင် ညအိပ်ရတယ်။ အခု ညအိပ်စရာမလိုဘဲ ရက်ချင်းပြန်လို့ရပါတယ်” ၎င်း တာဝန်ရှိသူက ပြောသည်။

ကျောက်ဖြူ ဒေသခံတစ်ဦးက “ အရင်က စစ်တွေကို သွားမယ်ဆိုရင် အမြန်ရေယာဉ်ကို အားကိုးကြရပါတယ်။ အခုက စစ်တွေမြို့ကို ကားလိုင်းပြေးဆွဲမယ်တော့ ပိုအဆင်ပြေပါတယ်။ စစ်တွေအပါအဝင် တစ်ခြားမြို့တွေကို သွားမယ့်သူတွေ အတွက်လည်း အဆင်ပြေသွားတော့ ခုလို လိုင်းဆွဲပေးတဲ့ အတွက် ဝမ်းသာပါတယ်” ဟု ပြောကြားသည်။

‘ရခိုင်ဂုဏ်ရည်’ ဂိတ်များသို့ ဆက်သွယ်လိုပါက ကျောက်ဖြူကားဂိတ် ၀၉၄၅၀၇၈၂၉၃၈၊   ရမ်းဗြဲဂိတ် ၀၉၄၂၉ ၈၄ ၁၃၈၂၊ ၀၉၂၅၄၁၆၈၁၅၉၊ မင်းပြားဂိတ် ၀၉၂၅၂၄၅၉၅၅၉၊ မြောက်ဦးကားဂိတ် ၀၉၄၅၀၆၃၄၀၄၀ ၊ ကျောက်တော်ဂိတ် ၀၉၄၂၁၇၂၀၉၄၄ ၊ ပုဏ္ဏားကျွန်းဂိတ် ၀၉၄၀၂၆၅၀၉၇၀၊ စစ်တွေဂိတ် ၀၉၄၄၀၅၇၄၀၆၀         တို့ဆက်သွယ်နိုင်သည်ဟု ကားဂိတ်တာဝန်ရှိသူ တစ်ဦးက ပြောသည်။