နိရဥ္စရာ၊ မတ် ၉ /၂၀၂၃

မြန်မာနိုင်ငံမှ အလှပဆုံးကမ်းခြေတစ်ခုသောဖြစ်သော ၇ခိုင်ပြည်နယ်မှငပလီကမ်းခြေဟိုတယ်များတွင် သင်္ကြန်ကာလအတွက် ဟိုတယ်အခန်းများကို ကြိုတင်ငှားရမ်းမှုများနေပြီး ဘိုကင် ပြည့်နေပြီဟု ဟိုတယ်တာဝန်ရှိသူများထံမှသိ၇သည်။

ငပလီကမ်းခြေ Bay View ဟိုတယ်မှဧည့်ကြိုဌာနမန်နေဂျာက"ဟိုတယ်မှာတော့လာမယ့် သင်္ကြန်လေးရက်တာ အတွက် ဘိုကင်ပြည့်နေပါပြီ။ သင်္ကြန်အတွက်ကြိုပြီးမှာထားတွေပေါ့။ အခန်းတိုင်းပြည့်နေပါပြီ" ဟု နိ၇ဉ္စရာသတင်းဌာနသို့ပြောသည်။

ဟိုတယ်အခန်းကြိုတင်မှာယူသူများတွင် နိုင်ငံခြားသားဧည့်သည်များထက် ပြည်တွင်းခရီးသွား ဧည့်သည်များပြားကြောင်းဟိုတယ်လုပ်ငန်းရှင်များက ငပလီကမ်းခြေမှ Aureum Palace Hotel ဟိုတယ်ဧည့်ကြိုဌာန မန်နေဂျာဦးကျော်စိုးက နိရဥ္စရာကို ပြောသည်။

"ကျွန်တော်တို့ ဟိုတယ်မှာလည်းသင်္ကြန်အတွက်မှာထားတာတွေ ပြည့်နေပြီပေါ့နော်။ အဓိက နိုင်ငံခြားသားတွေမဟုတ်ဘဲပြည်တွင်းဧည့်သည်တွေများပါတယ်။ ရန်ကုန်နဲ့ ရှမ်းပြည်နယ်ဘက်ကများကြတယ်" ဟု ပြောသည်။

အဆိုပါငပလီကမ်းခြေဇုန်ရှိ အခြားဟိုတယ်များအားဆက်သွယ်ကြည့်ရာ ဟိုတယ်အများစုမှာ သကြန်ကာလအတွင်း ကြိုတင်မှာယူမှုများနှင့်ပြည့်နေပြီဟု ပြောဆိုကြသည်။

Ngapali Bay Hotel မှတာဝန်ရှိသူတစ်ဦးက "ကျွန်တော်တို့မှာတော့ ဟိုတယ်ရဲ့ သုံးပုံနှစ်ပုံလောက်ကသင်္ကြန်အတွက်ကြိုတင်မှာထားတာရှိနေပြီ"ဟု ပြောသည်။

ငပလီကမ်းခြေ ဟိုတယ်ဇုန်များတွင်နိုဝင်ဘာ၊ ဒီဇင်ဘာနှင့် ဇန်နဝါရီလများသည် ကမ္ဘာလှည့်ခရီးသွားများအများဆုံး လာရောက်အပန်းဖြေသည့် ကာလဖြစ်ပြီး ဖေဖော်ဝါရီ၊ မတ်နှင့်ဧပြီလများသည် ပြည်တွင်း ဧည့်သည်များ လာရောက် လည်ပတ်လေ့ရှိသည့်ကာလများဖြစ်ကြောင်း သိ၇သည်။

ငပလီကမ်းခြေသည်မြန်မာနိုင်ငံ၏အလှပဆုံးကမ်းခြေထဲတွင် တစ်ခုအပါအဝင်ဖြစ်ပြီး"အာရှ၏အပျိုစင်ကမ်းခြေ" အဖြစ် တင်စားခြင်းခံ၇သည့်ကမ္ဘာကျော်ကမ်းခြေတစ်ခုလည်းဖြစ်သည်။

ငပလီကမ်းခြေကိုနှစ်စဉ်နိုင်ငံခြားသားများအပါအဝင် ခရီးသွားဧည့်သည် အများအပြား လာရောက်လည်ပတ်လျက်ရှိသော်လည်းကိုဗစ်-၁၉ ကပ်ရောဂါဖြစ်ပွားမှုကြောင့် ယခင် ၂၀၁၉-၂၀၂၀ ခုနှစ်များတွင်ခရီးသွားဝင်ရောက်မှုများကျဆင်းခဲ့ကြောင်း သိ၇သည်။

ပြီးခဲ့သည့် ဇန်နဝါရီလနှင့်ဖေဖော်ဝါရီလအတွင်း ငပလီသို့ ပြည်တွင်းခရီးသွားဝင်ရောက်သူ ၁၈၀၀၀ ကျော်နှင့်ပြည်ပ ခရီးသွားဝင်ရောက်သူ ၈၀၀ ဦးခန့်ရှိခဲ့ကြောင်း သံတွဲမြို့နယ်ဟိုတယ်နှင့် ခရီးသွားညွှန်ကြားမှုဦးစီးဌာန၏စာရင်းအရသိ၇သည်။ (NN-23)