နိရဥ္စရာ၊ မတ် ၁၀ /၂၀၂၃

အမ်းမြို့နယ်နှင့်စစ်တွေမြို့နယ်တို့တွင် မီးကြွင်းမီးကျန်များမှတဆင့် မီးလောင်မှုများဖြစ်ပွားခဲ့၍ နေအိမ် ၁ လုံးနှင့် ကုန်စုံဆိုင် ၁ ဆိုင် ပျက်စီးဆုံးရှုံးသွားသည်ဟုသိ၇သည်။

အမ်းမြို့နယ်၊ တပ်တောင်မြို့အဝင် လုတ်လမ်းကွေ့ရှိဦးမြင့်သိန်း၏ ကုန်စုံဆိုင်တွင် ယနေ့ မတ်လ ၁၀ ရက်၊ နံနက် ၁၁ နာရီခွဲကမီးလောင်မှုဖြစ်ပွားခဲ့ခြင်းဖြစ်သည်။

နေအိမ်မီးဖိုရှိမီးကြွင်းမီးကျန်မှတဆင့် ကူးစက်လောင်ကျွမ်းခဲ့ခြင်းဖြစ်ကြောင်း အမ်းမြို့နယ်မီးသတ်ဦးစီး ဦးရဲဇွဲဖြိုးက ပြောသည်။

"ဆီဆိုင်လို့တော့ မဟုတ်ပါဘူး။သူ့မှာကုန်စုံဆိုင်နဲ့ တွဲဖွင့်ထားတာပါ။ ဆီလည်း အနည်းအပါးရောင်းပါတယ်။မီးလောင်တာကတော့ မီးကြွင်းမီးကျန်က တဆင့်လောင်တာပါ" ဟု ပြောသည်။
 
ယင်းကုန်စုံဆိုင်မှာယခုနှစ် နှစ်ဆန်းပိုင်းက မီးလောင်ပျက်စီးသွား၍ အသစ်တည်ဆောက်ထားရာမှယခုထပ်မံမီးလောင်ခဲ့ခြင်းဖြစ်ကြောင်း တပ်တောင်မြို့ခံတစ်ဦးက ပြောသည်။

"အဲဒီဆီဆိုင်က မီးလောင်လို့ပြန်ဆောက်ထားတာ သိပ်မကြာသေးဘူး။ မှတ်မှတ်ရ၇ဆို ပြီးခဲ့တဲ့လကဖြစ်မယ်။အခုမီးထပ်ပြီးလောင်သွားတာပါ" ဟု ပြောသည်။

အဆိုပါမီးလောင်မှုကြောင့်ထိခိုက်ဒဏ်ရာရသူမရှိကြောင်းနှင့် ပျက်စီးဆုံးရှုံးမှုတန်ဖိုးကိုတွက်ချက်နေဆဲဖြစ်ကြောင်း အမ်းမြို့မီးသတ်ဦးစီး ဦးရဲဇွဲဖြိုးက ပြောသည်။

ယမန်နေ့ မတ်လ၉ ရက်၊ ည ၁၀ နာရီခွဲခန့်ကလည်း စစ်တွေမြို့နယ်၊ သက္ကေပြင်ကျေးရွာ အကွက်(၁၁၀)ရှိနေအိမ် ၁ လုံးတွင် မီးလောင်မှုဖြစ်ပွားခဲ့ကြောင်း သိ၇သည်။

အဆိုပါနေအိမ်မီးဖိုခန်းရှိမီးကြွင်းမီးကျန်မှတစ်ဆင့် အနီးရှိဝါးထရံသို့ မီးကူးလောင်ကျွမ်းခြင်းဖြစ်သည်ဟု၇ခိုင်ပြည်နယ် မီးသတ်ဦးစီးဌာနက ထုတ်ပြန်ထားသည်။

အဆိုပါဖြစ်စဉ်ကြောင့် (၂၀×၁၂×၁၂)ပေ (ဓနိမိုး၊ဝါးထရံကာ၊ ပျဉ်ခင်း) လူနေအိမ်(၁)လုံး မီးလောင်ဆုံးရှုံးခဲ့ပြီး လူ/တိရစ္ဆာန်ထိခိုက် သေဆုံးမှုမရှိခဲ့ဟု သိ၇သည်။

ယမန်နေ့ကလည်း ပုဏ္ဏားကျွန်းမြို့နယ်၊ပိုးရွှီပြင်ကျေးရွာတွင် အရက်မူးနေသူ တစ်ဦးက နေအိမ် မီးရှို့ရာမှ မီးလောင်မှုဖြစ်ပွားပြီး လူနေအိမ်၃ လုံး မီးလောင်ဆုံးရှုံးခဲ့ကြောင်းသိရှိ၇သည်။

၇ခိုင်တွင် ပွင့်လင်းရာသီဖြစ်သည့်ဇန်နဝါရီလမှစတင်ကာ ယခုလအထိ မီးလောင်မှုများ မကြာခဏဖြစ်ပွားလျက်ရှိပြီးလူသေဆုံး၊ ဒဏ်ရာ၇မှုများနှင့် နေအိမ်အဆောက်အအုံများမီးလောင်ပျက်စီးဆုံးရှုံးမှုများဖြစ်ပေါ်လျက်ရှိသည်။ (NN-23)

ဓာတ်ပုံ- အမ်း တပ်တောင်မြို့ မီးလောင်မှုအား တွေ့၇စဉ်။

Photo - တပ်တောင်ဘောလုံးအသင်း