န၀မအကြိမ်မြောက် တန်းခိုးဆရာထွန်းစာပေဆုပေးပွဲ ဆု၇သူ(၆) ဦးစာရင်း ကြေညာ
နိရဉ္စရာ၊ မတ် ၁၂ /၂၀၂၃
ရခိုင်ပြည်တွင်စာပေနှင့်ပတ်သက်၍အကြီးဆုံးဆုပေးပွဲကြီးတစ်ခုဖြစ်သော တန်းခိုးဆရာထွန်း(န၀မ) အကြိမ်မြောက် စာပေဆုချီးမြှင့်ပွဲအတွက် ဆုရသူများစာရင်းကို ပွဲကျင်းပရေးကော်မတီက ထုတ်ပြန် ကြေညာလိုက်သည်။
အဆိုပါဆုပေးပွဲတွင် တစ်သက်တာစာပေဆု၊ဂီတစာဆိုဆု၊ ဝတ္ထုဆု၊ ဆောင်းပါးဆု၊ ကဗျာဆု၊ အချေကဗျာဆု (ကလေးကဗျာဆု) စသည့် စုစုပေါင်း ၆ ဆုပါဝင်မည်ဖြစ်ပြီး ဆုရရှိသူများစာရင်းကို မတ်လ ၈ ရက်တွင်ထုတ်ပြန်ကြေညာခဲ့ခြင်းဖြစ်သည်။
ဆုရရှိသွားသူများမှာ တစ်သက်တာစာပေဆုအားဦးမောင်ဗသိန်း၊ ဂီတာစာဆိုဆု ကိုလွမ်းဝေ (သံတွဲ)၊ ဝတ္ထုဆု မြင့်သုမိုး၊ကဗျာဆု မိုးပြို (မင်းပြား)၊ အချေကဗျာ (ကလေးကဗျာ)ဆု ဖြူဖွေး(နောင်မင်းမြီ)၊ ဆောင်းပါဆု ဇော်လွင်ဦး (ဟင်္သတ)တို့ဖြစ်သည်။
ဝတ္ထုဆုရှင် ဆရာမမြင့်သုမိုးက“အရမ်းပျော်ပါတယ်။ပင်းပန်း၇ကျိုးနပ်တယ်လို့လည်း တွေ့ပါတယ်။ ဝင်ပြိုင်၇တဲ့အချိန်မှာတော့အခက်အခဲတွေ တွေ့ပါတယ်။ ကျမက မအားလပ်တဲ့ကြားက ၂၅ မျက်နှာဝတ္ထုတစ်ပုဒ်ကို ဝင်ပြိုင်၇တာဆိုတော့ တော်တော်လေးအခက်အခဲတွေ့ပါတယ်။ပထဆုံးအကြိမ် ဝင်ပြိုင်တာဆိုတော့ ဆု၇ချင်တဲ့စိတ်က အားကြီးနေပါတယ်။အကောင်းဆုံးလည်း ကြိုးစားဖြစ်ပါတယ်။ အခု ဆု၇လာတဲ့အတွက်လည်းဝမ်းသာပါတယ်” ဟုပြောသည်။
ဆုချီးမြှင့်ရန်အတွက် ဆောင်းပါး၊ဝတ္ထု၊ ကဗျာနှင့် ကလေးကဗျာစသည်တို့ကို ပြိုင်ပွဲအနေဖြင့် ကျင်းပပြီးရွေးချယ်ခဲ့ပြီး တစ်သက်တာစာပေဆုနှင့် ဂီတစာဆိုဆုကို ရွေးချယ်ရာတွင်ရခိုင်စာပေနှင့် ရခိုင်လူမျိုး၊ ၇ခိုင်ဂုဏ်သိက္ခာကို မြှင့်တင်ပေးနိုင်ခဲ့သည့်သက်ရှိထင်ရှားပုဂ္ဂိုလ်များကို ရွေးချယ်ပေးခဲ့သည်ဟု ပွဲကျင်းပရေးကော်မတီ ဒုဥက္ကဋ္ဌ၊ ဆုရွေးချယ်ရေးအဖွဲ့ဝင်ဆရာ စစ်တွေညိုသန့်က နိရဥ္စရာကို ပြောသည်။
“ တစ်သက်တာစာပေဆုကိုရွေးချယ်တဲ့နေရာမှာ ရခိုင်လူမျိုးဖြစ်ပြီး ၇ခိုင်စာပေ၊ ရခိုင်သမိုင်း၊ရခိုင်ယဉ်ကျေးမှု၊ ရခိုင်အနုပညာ၊ ၇ခိုင့်သဘာ၀ ဝန်းကျင်စသည်များကိုအခြေခံရေးဖွဲ့ပြီးတော့ ၇ခိုင်လူမှုဘ၀၊ ရခိုင်သားဂုဏ်သိက္ခာ၊ရခိုင်အမျိုးသားပုံရိပ်ကို မြှင့်တင်ပေးနိုင်သည့် သက်ရှိထင်ရှား အသက်၈၀ အထက်ရှိသော သူကိုရွေးချယ်ပါတယ်။ ဂီတစာဆိုဆုကို ရွေးချယ်တဲ့အခါမှာဆရာထွန်းလို ရခိုင်အကြောင်းအရာတွေကို အခြေခံပြီးတော့ သီချင်းရေးပေးနိုင်တဲ့သူတွေကိုဆုချီးမြှင့်ပေးတယ်” ဟုပြောသည်။
ဆုချီးမြှင့်ရာတွင် တစ်သက်တာစာပေဆုကိုကျပ် ၈ သိန်း၊ ဂီတာစာဆိုဆု ၆ သိန်း၊ ဝတ္ထု၊ ဆောင်းပါး၊ ကဗျာ၊ကလေးကဗျာပြိုင်ပွဲတွင် ဆုရရှိသွားသူများအား ကျပ် ၅ သိန်းစီ အသီးသီးချီးမြှင့်သွားမည်ဖြစ်ကြောင်းပွဲကျင်းပရေးကော်မတီက ဆိုထားသည်။
အဆိုပါစာပေဆုပေးပွဲကို တန်းခိုးဆရာထွန်း၏ဇာတိရွာဖြစ်သော ၇ခိုင်ပြည်နယ်၊ ပုဏ္ဏားကျွန်းမြို့နယ်၊ တန်းခိုးကျေးရွာ၌လာမည့် မတ်လ ၂၂ ရက်၊ ညနေ ရ နာရီတွင် ရွာလယ်ရှိကွင်းပြင်၌ ပြုလုပ်သွားမည်ဖြစ်သည်။
တန်းခိုးဆရာထွန်းသည်ကိုလိုနီခေတ်တွင် ထင်ရှားကျော်ကြားခဲ့သော ၇ခိုင်ဂန္တဝင် ကဗျာနှင့် သာခြင်း ဆရာတစ်ဦးဖြစ်ခဲ့ပြီးအသက် ၇၀ ခန့်တွင် ကွယ်လွန်သွားခဲ့သည်။ (NN - 21)
လှူရန်