နိရဉ္စရာ၊မတ် ၁၄/ ၂၀၂၃

၇ခိုင်မှအငယ်စား၊ အသေးစား၊ အလတ်စား စီးပွားရေးလုပ်ငန်းရှင်များလုပ်ငန်းတိုးချဲ့ရာ၌ ဖြစ်စေ၊ ရင်းနှီး မြှုပ်နံရာ၌ဖြစ်စေချေးငွေများလိုအပ်၍ ချေးယူလိုပါက ဧရာ၀တီဘဏ်မှMicro loan Project ဖြင့် ပုဂ္ဂလိကချေးငွေများ ချေးယူရရှိနိုင်ပြီဟု သိ၇သည်။

လုပ်ငန်းရှင်များအနေဖြင့်ချေးငွေများချေးယူလိုပါက သတ်မှတ်ထားသည့်စာရွက်စာတမ်းများ၊လုပ်ငန်း လိုင်စင်များ၊ SME အသင်းဝင်ကဒ်များရှိလျှင်ချေးငွေများကို အချိန်တိုအတွင်း ချေးယူရရှိနိုင်မည်ဟု၇ခိုင်ပြည်နယ် အငယ်စား၊အသေးစား၊ အလတ်စား စီးပွားရေးလုပ်ငန်းရှင်များအသင်း(MSME Association Rakhine) မှဒုဥက္ကဋ္ဌ(၂) ဦးစိုးဝင်းနိုင်က ပြောသည်။

"ချေးငွေက အစိုး၇ချေးငွေမဟုတ်ဘူး။ ပုဂ္ဂလိကချေးငွေပါ။ ဒီဧရာ၀တီဘဏ်က Micro loan Project နဲ့ပတ်သတ်ပြီး MSME တွေ Development ဖြစ်ဖို့ ရည်ရွယ်ချက်နဲ့ MSMEလုပ်ငန်းရှင်တွေက ချေးငွေ လိုအပ်ရင်ချေးငွေထုတ်ချေးလို့၇နေပါပြီ" ဟု ပြောသည်။

ချေးငွေရရှိနိုင်သည့်ပမာဏမှာ ကျပ်သိန်း(၁၀၀)မှကျပ်သိန်း(၃၀၀)အထိ ချေးငွေရရှိနိုင်ပြီး ချေးငွေ ရယူရာတွင် အပေါင်ခံပစ္စည်းနှင့်အပေါင်မဲ့စ္စည်းဟူ၍ နှစ်မျိုးခွဲထားသည်ဟု သိ၇သည်။

အာမခံအပေါင်ပစ္စည်းအမျိုးအစားများမှာ တိုက်ခန်း၊ အမည်ပေါက် ဆိုင်ခန်း၊ အမည်ပေါက် Private ကားတို့ဖြစ်သည်ဟု သိ၇သည်။

ချေးငွေယူရာတွင် အပေါင်ခံပစ္စည်းပါပါက အများဆုံး ကျပ်သိန်း ၃၀၀ ထိ ချေးငွေထုတ်ယူနိုင်ပြီးအပေါင်မဲ့ပစ္စည်းဖြစ်လျှင်အများဆုံး ကျပ်သိန်း ၁၀၀ အထိ ချေးငွေထုတ်ယူနိုင်သည်ဟုသိ၇သည်။

MSME Association Rakhine မှ ဒုဥက္ကဋ္ဌ(၂)ဦးစိုးဝင်းနိုင်က "အပေါင်ပစ္စည်းမယူဘဲဒီအတိုင်း ယူဖို့လုပ်ငန်းရှိတယ်။ ဥပမာ လုပ်ငန်းရှိတယ်၊ လိုင်စင်ရှိတယ်၊လုပ်ငန်းလည်ပတ်နေတာ မှန်ကန်ရင်သိန်း(၁၀၀)အထိ ထုတ်ချေးလို့ရတယ်။အပေါင်ခံပစ္စည်းရှိရင် သိန်း(၃၀၀)အထိထုတ်ချေးလို့၇တယ်" ဟု ပြောသည်။

ယင်းချေးငွေများပြန်လည်ပေးဆပ်ရာတွင် အတိုးကောက်ခံစနစ်ဖြင့် ကောက်ယူသွားမည်ဖြစ်သည်ဟု သိ၇သည်။

အရင်းကိုလည်းလစဥ် ဘဏ်သို့ ပေးဆပ်၇မည်ဖြစ်ပြီးချေးငွေသက်တမ်းမှာ ၁ နှစ်ဖြစ်ကာ ကျပ်သိန်း(၁၀၀) အတွက် အတိုးနှုန်းမှာ တစ်နှစ်လျှင် (၁၀.၅%)၊တစ်လလျှင် (၀.၈၇%)နှင့် ကျပ်သိန်း(၃၀၀)အတွက်အတိုးနှုန်းမှာ တစ်နှစ်လျှင် (၉.၅%)၊ တစ်လလျှင် (၀.၇၉%)ဖြစ်သည်ဟုလည်းသိ၇သည်။

MSME လုပ်ငန်းရှင်များအသင်းမှ အမည်မဖော်လိုသည့်အသင်းဝင်စီးပွားရေး လုပ်ငန်းရှင်တစ်ဦးက "ချေးငွေ၇တာက ကောင်းပါတယ်။ပုဂ္ဂလိကချေးငွေဖြစ်တဲ့အတွက် လုပ်ငန်းရှင်တွေအတွက်အမှန်တကယ် ကိုယ့်လုပ်ငန်းအတွက် ရင်းနှီးမြှုပ်နှံဖို့ လိုအပ်တဲ့သူတွေအတွက်တစ်ဖက်တစ်လမ်းကကောင်းတယ်။ ဒါပေမဲ့ ပုဂ္ဂလိကချေးငွေမို့ အတိုးကအစိုး၇ဆီကထုတ်ပေးတဲ့ချေးငွေထက်များတယ်။ ဒီဟာတွေက ဒေသလုပ်ငန်း ဖွံ့ဖြိုးတိုးတက်ဖို့အတွက်ဆိုတော့ လုပ်ငန်းရှင်တွေအပေါ်မှာပဲ မူတည်တယ်။ဒီချေးငွေက ချေးသင့်လား။ မချေးသင့်ဘူးလားဆိုတာလုပ်ငန်းရှင်တို့ ဆုံးဖြတ်ချက်အပေါ်မှာပဲ မူတည်တယ်။ ချေးငွေ၇လို့ ချေးငွေယူပြီး ကိုယ့်လုပ်ငန်းအတွက် လုပ်ငန်းထဲမှာ ချေးငွေကိုမသုံးရင်ထမ်းထားရတာပဲ အဖတ်တင်တယ်။ ဒါပေမဲ့ ရင်းနှီးမြှုပ်နှံဖို့အတွက်အရင်းအနှီးလိုက်ရှာနေသူတွေအတွက်ကတော့ အခွင့်အလမ်းကောင်းတစ်ခုပါပဲ"ဟုပြောသည်။

ရခိုင်ပြည်စီးပွားရေးဖွံ့ဖြိုးတိုးတက်ရေးအတွက်ရည်ရွယ်လျက် စီးပွားရေးလုပ်ငန်းရှင်များကိုချေးငွေထောက်ပံ့နိုင်ရန် စစ်ကောင်စီမှ ချပေးထားသောငွေကျပ် ၁၀ ဘီလီယံကို ၇ခိုင်မှ MSME လုပ်ငန်းများအတွက်ချေးငွေထုတ်ပေးခြင်းမရှိသေးဟု ၇ခိုင်မှ အသေးစား၊ အငယ်စား၊ အလတ်စားစီးပွားရေးလုပ်ငန်းရှင်များမှ တစ်ဆင့်သိ၇သည်။(NN-12)

ဓာတ်ပုံ(- MSME Association Rakhine မှအသင်းသူ၊ အသင်းသားများ တွေ့ဆုံပွဲတစ်ခုတွင်တွေ့၇စဥ်)