နိရဉ္စရာ၊ မတ် ၁၅ /၂၀၂၃

ရခိုင်ပြည်နယ်၊မာန်အောင်မြို့နယ်တွင် အကြောင်းအမျိုးမျိုးကြောင့်ရပ်နားထားခဲ့ရသည့်ရခိုင့်ယဉ်ကျေးမှုဆိုင်ရာ အသိပညာပေးအခမဲ့သင်တန်းများကိုလာမည့်ဧပြီလအတွင်း ပြန်လည်သင်ကြားပေးတော့မည်ဟု သိ၇သည်။

၎င်းသင်တန်းကို မေဃအလင်းရောင်ပ၇ဟိတလူငယ်များအဖွဲ့ကဦးဆောင်ကာ မာန်အောင်ကျွန်းတစ်ခုလုံးတွင်ရှိသောကျေးရွာများအားလုံးတွင် လာမည့် ဧပြီလ ၂၅ ရက်မှစကာ ၁၅ ရက်ခန့် ရက်တိုသင်တန်းအဖြစ်သင်ကြားပြသပေးသွားမည်ဟု သိ၇သည်။

ရှေးယခင်က ရခိုင်ပြည်တွင်ထွန်းကားခဲ့သော ရခိုင်ငစွယ်အက၊ ၇ခိုင်ဒုံးအကတို့မှာ ယခုအချိန်တွင်ပျောက်ကွယ်လုနီးပါးဖြစ်နေ၍ အဆိုပါ၇ခိုင့်ယဉ်ကျေးမှုများအား လူမျိုးခြားများ၏ယဉ်ကျေးမှုများလွှမ်းမိုးမခံရအောင် ပြန်လည်ဖော်ထုတ်ပြသပေးသွားမည်ဟု အသင်း၏ပြန်ကြားရေးတာဝန်ခံ ကိုမင်းထက်ဇော်က ပြောသည်။

“အခုနောက်ပိုင်းမှာ ၇ခိုင်ယဉ်ကျေးမှုတွေကပျောက်ကွယ်သွားပြီးတော့တစ်ခြား ယဉ်ကျေးမှုတွေ လွှမ်းမိုးလာတာကိုကျနော်တို့ ရခိုင်ပြည်မှာတွေ့ရတယ်။ အဲဒါတွေက အရမ်းကို အန္တရာယ်ကြီးတဲ့ဖုံးလွှမ်းမှုတစ်ခုဖြစ်သွားမယ်လို့ ယူဆတယ်။ အဲဒါကြောင့်ကျနော်တို့ ယဉ်ကျေးမှု၊ ကျနော်တို့ ရခိုင်တွေရဲ့ သမိုင်းတွေ မပပျောက်သွားဖို့အတွက်၊ကျနော်တို့ ရခိုင်တွေရဲ့ယဉ်ကျေးမှုကို တခြားလူတွေရဲ့ ယဉ်ကျေးမှုဖုံးလွှမ်းမခံ၇အောင်အတွက် ကျနော်တို့ လူငယ်တွေကို သင်ကြား ပြသပေး၇တာဖြစ်တယ်” ဟုပြောသည်။

အဆိုပါသင်တန်းကို၂၀၂၁ ခုနှစ်မှ စတင်သင်ကြားခဲ့ခြင်းဖြစ်ပြီး ၂၀၂၂ ခုနှစ်တွင်အကြောင်းအမျိုးမျိုးကြောင့် ရပ်နားခဲ့၇သည်ဟု ဆိုသည်။

သင်တန်းပြသရန်အတွက် လိုအပ်သောငွေကြေးကို နိုင်ငံခြားရောက် ၇ခိုင်လူမျိုးများ စုပေါင်းပြီးဖွဲ့စည်းထားသောရက္ခဝဏ္ဏငွေပဒေသာအသင်းကထောက်ပံ့ပေးပြီး အဆိုပါသင်တန်းအားနှစ်စဉ်နှစ်တိုင်းသင်ကြားပေးသွားမည်ဟု ကိုမင်းထက်ဇော်က ပြောသည်။

ယင်းသို့သင်ကြားပြသပေးနိုင်ရန် ရပ်ရွာတစ်ရွာမှသင်ကြားပြသမည့်တာဝန်ခံ ဆရာ၊ ဆရာမ ၃ ဦးကို ယခုရက်ပိုင်းအတွင်းဆရာဖြစ် အတတ်သင် သင်တန်းပြသပေးသွားမည်ဟုလည်းဆိုသည်။

သင်တန်းပြသရန်အတွက် အတန်းသုံးတန်းသတ်မှတ်ထားကာ Grade-2 မှGrade- 4 အထိကိုပထမတန်း၊ Grade- 5 မှGrade- 6 အထိကိုဒုတိယတန်းအဖြစ်သတ်မှတ်ပြီး Grade- 7 နှင့် Grade-8 ကို တတိယအဖြစ်သတ်မှတ်ထားကြောင်းသိ၇သည်။ (NN - 21)

ဓာတ်ပုံ- မေဃအလင်းရောင်ပ၇ဟိတလူငယ်များအဖွဲ့