နိရဥ္စရာ၊ မတ် ၁၅/ ၂၀၂၃

၇ခိုင်ပြည်နယ်၊ ကျောက်ဖြူမြို့နယ်၊သစ်ပုတ်တောင်ကျေးရွာမှ ရေလုပ်ငန်း လုပ်ကိုင်သူရွာသားများသည် သူတို့ လုပ်ကိုင်စားသောက်နေသည့် မြစ်အတွင်း ငါးဖမ်းခွင့်ကို စစ်ကောင်စီတပ်က (၁)လခန့်ပိတ်ပင်တားမြစ်ထား၍ စားဝတ်နေရေးအကျပ်အတည်း ဖြစ်နေကြသည်ဟုကာယကံရှင်များက နိရဉ္စရာ သတင်းဌာနသို့ပြောသည်။

ကျေးရွာသားတစ်ဦးက “ သူတို့  စစ်တပ်က တားမြစ်ထားတာကတစ်လနီးပါးရှိနေပြီ။ မဒေးကျွန်းကနေပြီတော့ အုန်းကျွန်းမှာရှိတဲ့ရေတပ်ကို မီးကြိုးတွေသယ်နေလို့ ငါးမဖမ်းဖို့ ကန့်သတ်ထားတာပါ။ ကျနော်တို့မှာကလုပ်စားစရာဆိုလို့ ငါးဖမ်းတဲ့ အလုပ်တစ်ခုပဲ ရှိတာပါ။ အဲလိုမျိုး ငါးမရတဲ့အတွက် ကျနော်တို့မှာ စားဝတ်နေရေးကအစ အဆင်မပြေဘူး။ အကျပ်အတည်းဖြစ်နေကြပါတယ်” ဟု ပြောသည်။

စစ်ကောင်စီသည် သစ်ပုတ်တောင်အနီးရှိ ချီကျန်းမြစ်ကိုဖြတ်ကာ အုန်းကျွန်းသို့လျှပ်စစ်မီးကြိုးများအပါအဝင် တစ်ခြားလျှပ်စစ်ပစ္စည်းများကို ပို့ဆောင်နေ၍ပြီးခဲ့သည့်ဖေဖော်ဝါရီလ ၂၀ ရက်ကပြီး အဆိုပါ မြစ်အတွင်း  ငါးမဖမ်းကြရန် တားမြစ်ထားကြောင်းသိ၇သည်။

“ သူတို့က တစ်လလောက် ငါးမဖမ်းဖို့တားမြစ်ထားတော့ ကျနော်တို့မှာ တော်တော်လေး အခက်အခဲ ဖြစ်ပါတယ်။ လာမယ့်နောက်ထပ် ၁၀ရက်လောက်မှာဆိုရင် ကျနော်တို့ ပြန်ပြီးတော့ ပိုက်ချ (ငါးဖမ်း) ခွင့်၇ဖို့ မျှော်လင့်နေပါတယ်။  အဲဒီအချိန်မှာလည်း ချခွင့် ရ၊ မ၇ကိုလည်းကျနော်တို့ မသိရသေးဘူး။တကယ်လို့ ကျနော်တို့ ပိုက်မချရဘူးဆိုရင်တော့ အခက်အခဲတွေအကြီးအကျယ်ဖြစ်ပေါ်နိုင်တဲ့ အတွက် ကျနော်တို့ကို ငဲ့ညှာတဲ့အနေနဲ့အစိုး၇က အထောက်အပံ့တွေ ပေးဖို့လိုအပ်ပါမယ်” ဟု ပြောသည်။

သစ်ပုတ်တောင်ကျေးရွာများသည်ချီကျန်းမြစ်အတွင်း ကျားပိုက်ချကာ ငါးဖမ်းခြင်းဖြင့် အသက်မွေးမြူးကြပြီးငါးဖမ်းသည့်လုပ်ငန်းမှ တစ်ဦးလျှင် တစ်လ မြန်မာကျပ်ငွေ ၄ သိန်းနှင့် ၅သိန်းကြား ဝင်ငွေ ရရှိသည်ဟုဆိုသည်။

အဆိုပါကျေးရွာသည်ကျောက်ဖြူမြို့နယ်ရှိ ဓည၀တီရေတပ်စခန်းအနီး၌ တည်ရှိပြီးအိမ်ခြေ ၁၅၀ ခန့်ရှိပြီး လူဦးရေ ၆၀၀ ခန့်နေထိုင်လျက်ရှိကြောင်း သိရှိ၇သည်။ (NN- 21)

ဓာတ်ပုံ- ကျောက်ဖြူမြို့နယ်မှ ရေလုပ်သားအချို့အားတွေ့၇စဉ်။