နိရဥ္စရာ၊ မတ် ၁၇ / ၂၀၂၃

ရွေးကောက်ပွဲကျင်းပမည့် ရက်ကို ရွေးကောက်ပွဲကော်မရှင်က ထုတ်ပြန် ကြေညာခြင်း မရှိသေးသော်လည်း၇ခိုင်တစ်ပြည်နယ်လုံးတွင် ရွေးကောက်ပွဲအတွက် မဲရုံများစတင်သတ်မှတ်ခြင်း၊ မဲစာရင်းထုတ်ပြန်ရန် ဆောင်ရွက်ခြင်း စသည်တို့ကို စတင်ဆောင်ရွက်နေပြီဟု ပြည်နယ်ရွေးကောက်ပွဲ ကော်မရှင်အဖွဲ့ခွဲထံမှ သိ၇သည်။

ယခုမတ်လအလယ်ပိုင်းလောက်မှစ၍ ရခိုင်ပြည်တွင်းရွေးကောက်ပွဲအတွက် မဲရုံသတ်မှတ်ခြင်းအပြင် ရွေးကောက်ပွဲတွင်အသုံးပြုမည့်ပစ္စည်းစာရင်းနှင့်မဲစာရင်းထုတ်ပြန်ကြေညာနိုင်ရန် ဆောင်ရွက်နေပြီဟု ပြည်နယ်ရွေးကောက်ပွဲကော်မရှင်အဖွဲ့ခွဲအတွင်းရေးမှူး ဦးသူရိန်ထွဋ်က နိရဥ္စရာသို့ အတည်ပြု ပြောကြားသည်။

"ကိုယ်တို့က အခုရွေးကောက်ပွဲအတွက် မဲရုံသတ်မှတ်တာတွေလုပ်နေပြီ။ မဲရုံသတ်မှတ်တာကတော့ဘယ်ရွာမှာဘယ်မဲရုံရှိမယ်။ မဲပေးသူအရေအတွက် ဘယ်လောက်ရှိတယ်ဆိုတာမျိုးတွေပေါ့။ပြီးတော့ ရွေးကောက်ပွဲမှာ အသုံးပြုမယ့် ပစ္စည်းတွေ၊ မဲစာရင်းတွေထုတ်ပြန်ကြေညာနိုင်ဖို့စလုပ်နေပြီ" ဟု ပြောသည်။

မဲရုံများကို သတ်မှတ်နေဆဲဖြစ်သည့်အတွက်မဲရုံအရေအတွက်အား လောလောဆယ် မသိ၇သေးဟုလည်း ဆိုသည်။

ယင်းသို့ မဲရုံသတ်မှတ်ခြင်းများစတင်နေပြီဖြစ်သော်လည်း နိုင်ငံရေးပါတီများမှတ်ပုံတင်ဆဲ ကာလဖြစ်သည့်အတွက် ရခိုင်မှပါဝင်ယှဉ်ပြိုင်မည့်နိုင်ငံရေးပါတီများကို တစ်စုံတစ်ရာ ညွှန်ကြားမှုများမရှိသေးကြောင်းဦးသူရိန်ထွဋ်က ဆက်ပြောသည်။

လက်ရှိစစ်ကောင်စီသည် နိုင်ငံတစ်ဝှမ်းတွင်ရွေးကောက်ပွဲကျင်းပရန်ပြင်ဆင်လျက်ရှိပြီး ယာယီ အပစ်ရပ်ထားသည့် ရခိုင်ပြည်နယ်တွင်လည်းမဲရုံသတ်မှတ်ခြင်းများ စတင်လုပ်ဆောင်လာခြင်း ဖြစ်သည်။

လက်ရှိတွင် ရခိုင်ပြည်အတွင်း စစ်ကောင်စီရွေးကောက်ပွဲအတွက်ဒေါက်တာအေးမောင်ဦးဆောင်သည့် ၇ခိုင့်ဦးဆောင်ပါတီ (AFP)၊ ခမီအမျိုးသားဖွံ့ဖြိုးတိုးတက်ရေးပါတီနှင့်၇ခိုင်ပြည်နယ်အမျိုးသားအင်အားစုပါတီ (RSNUP)တို့သည် ပါတီပြန်လည်မှတ်ပုံတင်ခွင့်လျှောက်ထားပြီးကြပြီဖြစ်သည်။

၇ခိုင့်အင်အားကြီးပါတီဖြစ်သော ၇ခိုင်အမျိုးသားပါတီ (ANP)နှင့်၇ခိုင်မျိုးနွယ်စုဝင် မြိုတိုင်းရင်းသားပါတီတို့လည်း မှတ်ပုံတင်မည်ဟုသတင်းထွက်ပေါ်နေသော်လည်း လက်ရှိ အချိန်ထိ မှတ်ပုံတင်မှု တရားဝင်ထွက်ပေါ်လာခြင်းမရှိသေးဟု  သိ၇သည်။

ရခိုင်ဒီမိုကရေစီအဖွဲ့ချုပ်(

ALD)ကမူပါတီမှတ်ပုံမတင်ရန် ဆုံးဖြတ်ထားသည်။

နိုင်ငံရေးပါတီများမှတ်ပုံတင်ခြင်းဥပဒေသစ်နှင့်နိုင်ငံရေးပါတီမှတ်ပုံတင်ခြင်း နည်းဥပဒေသစ်ကို ဇန်နဝါရီ ၂၆ ရက်တွင်ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်ပြီးနောက် ဥပဒေသစ်အရပါတီမှတ်ပုံတင်လျှောက်ထားရန် UEC က ဖိတ်ခေါ်ခဲ့သည်။

ဇန်နဝါရီ ၃၁ ရက်မှ ရက်ပေါင်း ၆၀ အတွင်း UEC ထံပါတီမှတ်ပုံတင်ခြင်းမရှိသည့်ပါတီများကို နိုင်ငံရေးပါတီအဖြစ်မှ အလိုအလျောက်ပျက်ပြယ်သွားမည်ဟုလည်း စစ်ကောင်စီ၏ ထုတ်ပြန်ချက်တွင် ရေးသားထားသည်။