၁ လခန့်ကြာ ငါးဖမ်းခွင့်မရခဲ့သည့် ကျောက်ဖြူမှ ရေလုပ်သားများ ငါးဖမ်းခွင့်ပြန်လည်ရရှိ

Preview

၁ လခန့်ကြာ ငါးဖမ်းခွင့်မရခဲ့သည့် ကျောက်ဖြူမှ ရေလုပ်သားများ ငါးဖမ်းခွင့်ပြန်လည်ရရှိ

မတ် ၂၀/ ၂၀၂၃ | ကြည့်ရှုသူ :4646

နိရဉ္စရာ၊မတ် ၂၀ / ၂၀၂၃

၇ခိုင်ပြည်နယ်၊ ကျောက်ဖြူမြို့နယ်တွင်ရေတပ်သို့ လျှပ်စစ်မီးကြိုးများ သွယ်တန်းနေသည့်အတွက် ၁ လခန့်ငါးဖမ်းခွင့် တားဖြစ်ခံခဲ့သောသစ်ပုတ်တောင် ကျေးရွာသားများမှာယမန်နေ့ကပြန်လည် ငါးဖမ်းခွင့်ရရှိခဲ့သည်ဟု ကျေးရွာသားများကပြောသည်။

စစ်ကောင်စီတပ်သားများသည်မဒေးကျွန်းမှတဆင့် ချီကျန်းမြစ်ကိုဖြတ်ကာ အုန်းကျွန်းတွင်ရှိသော ရေတပ်သို့လျှပ်စစ်မီးကြိုးများသွယ်တန်းနေသည့်အတွက် သစ်ပုတ်တောင်ကျေးရွာသားများမှာငါးဖမ်းခွင့်ကို ရပ်နားခဲ့၇သဖြင့် စားဝတ်နေရေးအခက်အခဲဖြစ်ခဲ့ကြ၇သည်။

ဒေသခံငါးဖမ်းသမားတစ်ဦးက “မနေ့ကမီးကြိုးတွေ သွယ်နေတဲ့သင်္ဘောကနေပြီးတော့ ကျနော်တို့ကို ဖုန်းဆက်လာတယ်။ငါးဖမ်းခွင့်၇ပြီဆိုပြီးတော့ပေါ့။ အခုလိုမျိုး ငါဖမ်းခွင့်ပြန်လည်ရရှိတဲ့အတွက် ကျနော်တို့ ဝမ်းသာပါတယ်။ ကျနော်တို့မှာကလုပ်စားစရာဆိုလို့ဒီတစ်ခုပဲရှိတာကို။ မိမိအလုပ်ကို မိမိတို့ ပြန်လည်လုပ်ကိုင်ခွင့်၇တဲ့အတွက်ကျေနပ်မိပါတယ်” ဟုပြောသည်။

ပြီးခဲ့သည့် ဖေဖော်ဝါရီလအတွင်းကစစ်ကောင်စီတပ်၏ တာဝန်ရှိသူများက သစ်ပုတ်တောင်ကျေးရွာသို့ ဝင်ရောက်လာပြီးအုန်းကျွန်းတွင်ရှိသော ရေတပ်သို့ လျှပ်မီးကြိုးများ သွယ်တန်းနေသည့်အတွက်တစ်လခန့်ငါးမဖမ်းရန် တားမြစ်ခဲ့သည်ဟု ရွာသားများက ဆိုသည်။

သစ်ပုတ်တောင်ကျေးရွာများသည် ချီကျန်းမြစ်အတွင်းကျားပိုက်ချကာ ငါးဖမ်းခြင်းဖြင့် အသက်မွေးမြူးကြပြီး ငါးဖမ်းသည့်လုပ်ငန်းမှလူတစ်ဦး၏ တစ်လအတွင်းဝင်ငွေမှာ မြန်မာကျပ်ငွေ ၄ သိန်းနှင့် ၅ သိန်းကြားတွင်ရရှိသည်ဟုဆိုသည်။

အဆိုကျေးရွာသည် ဓည၀တီရေတပ်စခန်းအနီး၌တည်ရှိပြီး၊ အိမ်ခြေ ၁၅၀ ခန့်ရှိပြီး၊ လူဦးရေ ၆၅၀ ခန့်နေထိုင်လျက်ရှိကြောင်း သိရှိ၇သည်။ (NN-21)

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

၁ လခန့်ကြာ ငါးဖမ်းခွင့်မရခဲ့သည့် ကျောက်ဖြူမှ ရေလုပ်သားများ ငါးဖမ်းခွင့်ပြန်လည်ရရှိ

ဆက်စပ် အကြောင်းအရာများ

နောက်ဆုံးရသတင်းများ