ဘင်္ဂလားဒေ့ရှ်ရောက် မွတ်ဆလင်ဒုက္ခသည်များပြန်လည်လက်ခံရေးအဆင်သင့်ဖြစ်နေသည်မှာ ကြာပြီဟုစစ်ကောင်စီဆို

(ဧပြီလလယ်တွင် ပြန်လည်လက်ခံပြီးကျေးရွာ ၁၅ ရွာတွင် နေရာချပေးမည်ဟုဆို)

နိရဥ္စရာ၊မတ် ၂၄/၂၀၂၃

၇ခိုင်ပြည်နယ်မှ နေရပ်စွန့်ခွာသွားသည့်ဘင်္ဂလားဒေ့ရှ်ရောက် မွတ်ဆလင်ဒုက္ခသည်များအား ပြန်လည်လက်ခံရေး အဆင်သင့်ဖြစ်နေသည်မှာ ကြာပြီဖြစ်ကြောင်းစစ်ကောင်စီ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ဝန်ကြီးဦးကိုကိုလှိုင်ဦးကိုကိုလှိုင်က ပြောဆိုလိုက်သည်။

စစ်ကောင်စီအနေဖြင့် မူဆလင်ပြန်လည်လက်ခံရေးမှာ အဆင်သင့် ဖြစ်နေသည်မှာ ကြာမြင့်နေပြီ ဖြစ်သော်လည်း ဘင်္ဂလားဒေ့ရှ်ဘက်မှပြန်လည် မပို့ဆောင်သေးသည့်အတွက် အဆောက်အဦများကို ပြန်လည်ပြန်လည်ဆင်ခြင်းများ လုပ်ဆောင်နေ၇သည်ဟု ပြည်ထောင်စုဝန်ကြီး ဦးကိုကိုလှိုင်ကပြောကြောင်း စစ်ကောင်စီပိုင် သတင်းစာများတွင် ယနေ့ ဖော်ပြထားသည်။

“တော်တော်များများကပြောနေကြတာရှိပါတယ်။ မြန်မာဘက် ပြန်ဝင်လာသူတွေကို လက်မခံချင်ကြဘူး၊ပူးပေါင်းဆောင်ရွက်မူမရှိဘူးလို့ ထင်မြင်နေကြပါတယ်။ တကယ်က ပြန်လည်လက်ခံဖို့ အဆင်သင့် ဖြစ်နေတာကြာပါပြီ။ ဟိုဘက်က ပြန်မပို့နိုင်တဲ့အတွက်ကြောင့်အဆောက်အအုံတွေဆိုရင် အတော်လေးပြန်လည်ပြင်ဆင်ထား၇တာတွေ ရှိပါတယ်” ဟု ဆိုသည်။

ဘင်္ဂလားဒေ့ရှ်နိုင်ငံဘက်တွင် ရောက်ရှိနေသည့်မွတ်ဆလင်များအား ရှေ့ပြေးစပ်းသပ်စီမံကိန်း (Pilot Project)အဖြစ် မူဆလင် (၁၀၀၀) ကျော်ကို လက်ခံရန်စစ်ကောင်စီက စီစဉ်ထားသည်။

စစ်ကောင်စီပြောခွင့်၇သူ ဗိုလ်ချုပ်ဇော်မင်းထွန်းက ၎င်းဒုက္ခသည်များကိုလာမည့် ဧပြီလ အလယ်လောက်တွင် စတင်လက်ခံသွားမည်ဖြစ်ကြောင်း AFP သတင်းဌာနသို့ ပြောဆိုထားသည်။

လက်ရှိတွင် ယင်းမွတ်ဆလင်ဒုက္ခသည်များကိုမောင်တောမြို့နယ်အတွင်းရှိ ကျေးရွာ (၁၅)ရွာတွင် နေရာချထားပြီး အဆင့်ဆင့်ဆောင်ရွက်ရန်စီမံထားကြောင်းလည်း ၇ခိုင်ပြည်နယ်ဝန်ကြီးချုပ် ဦးထိန်လင်းက ပြောကြောင်း သတင်းစာတွင် ဖော်ပြထားသည်။

“ ပြန်လည် လက်ခံတဲ့အခါ ပထမအဆင့်အနေနဲ့ ကြားစခန်းမှာ ယာယီထားရှိမယ်။ သူတို့အတွက် နေရာချထားဖို့ ကျေးရွာတွေ သတ်မှတ်ထားပါတယ်။အဲဒီကျေးရွာတွေမှာလည်း လူနေမှုအဆင့်အတန်း မြင့်မြင့်မားမားနဲ့နေနိုင်အောင် စနစ်တကျအိမ်ရာတွေ တည်ဆောက်ထားတယ်။ လိုအပ်တဲ့ အခြေခံအဆောက်အအုံတွေကိုလည်း နေရာချထားမယ့် ကျေးရွာ ၁၅ ရွာမှာ ဆောင်ရွက်ထားပါတယ်။ဝင်ရောက်လာတဲ့အပေါ်မှာ မူတည်ပြီး အဆင့်ဆင့်ဆောင်ရွက်သွားဖို့ စီမံထားပါတယ်။”

စစ်ကောင်စီအဖွဲ့ဝင် ပြန်ထောင်စုဝန်ကြီးဦးကိုကိုလှိုင် ဦးဆောင်သည့်အဖွဲ့သည် အိမ်နီးချင်းနိုင်ငံများ ဖြစ်သော တရုတ်၊ အိန္ဒိယနှင့်ဘင်္ဂလားဒေ့ရှ် နိုင်ငံသံရုံးများမှ သံရုံးအကြီးအကဲများ၊ သံတမန်များ၊ အာဆီယံ လူသားချင်းစာနာထောက်ထားမှု အကူအညီပေးအပ်ရေးညှိနှိုင်းမှုဗဟိုဌာန ( AHA Center)မှကိုယ်စားလှယ်များနှင့် ၇ခိုင်ပြည်နယ်ဝန်ကြီးချုပ်နှင့် ဌာနဆိုင်ရာတာဝန်ရှိသူများနှင့်မတ်လ (၈)ရက် (၉)ရက်နေ့တို့တွင် ရခိုင်ပြည်နယ်မှ နေရပ်စွန့်ခွာသူများပြန်လည်းလက်ခံရေးအတွက် ပြင်ဆင် ဆောင်ရွက်မှုများ ၊ IDP စခန်းများ၌ပြောင်းရွှေ့နေ၇ချထားမည့် လုပ်ငန်းစဉ်များ ဆောင်ရွက်နေမှုနှင့် NVC ကတ် ထုတ်ပေးနေသည့်အခြေအနေများကို သွားရောက် ကြည့်ရှုခဲ့ကြသည်ဟု သိ၇သည်။

စစ်ကောင်စီအဖွဲ့ဝင် ဦးကိုကိုလိူင်၊၇ခိုင်ပြည်နယ်ဝန်ကြီးချုပ် ထိန်းလင်းနှင့် မြန်မာနိုင်ငံဆိုင်ရာထိုင်းသံအမတ်ကြီး မစ္စတာ မုံခွန်း ဝိစစ်စတန် တို့ သည့် ငခူရစခန်းနှင့် လှဖိုးခေါင်ယာယီလက်ခံရေး စခန်းများတွင် ပြင်ဆင်မှု အခြေအနေများအားကြည့်ရူခဲ့ခြင်းဖြစ်သည်။

ယင်းစခန်းများတွင် နေရပ်ပြန်သည့်မွတ်ဆလင်များအနေဖြင့်ယာယီနေထိုင်၇မည်ဖြစ်သော်လည်း ကလေးများထားရန်အတွက်နေရာများနှင့် အမျိုးသမီးများအတွက် သက်မွေးသင်တန်းများ၊ ချက်ပြုတ်ရန်အတွက်မီးဖိုချောင်သုံးပစ္စည်းများ၊ အဝတ်အထည်ထောက်ပံ့ခြင်းများကိုလည်းလူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လုပ်ဆောင်ပေးထားသည်ဟုဦးထိန်လင်းက ပြောဆိုထားသည်။

ပြီးခဲ့သည့်ဇန်နဝါရီလ (ရ)ရက်နေ့တွင်လည်း မွတ်ဆလင်ဒုက္ခသည်များပြန်လည် လက်ခံရေးကိစ္စနှင့်ပတ်သတ်ပြီး စစ်ကောင်စီအဖွဲ့ဝင်များဖြစ်သည့်အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဦးကိုကိုလိူင်၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီး ဒေါက်တာသက်သက်ခိုင်တို့ အဖွဲ့မှာ မောင်တောမြို့နယ် မူဆလင် ပြန်လည်လက်ခံရေးစခန်းများဖြစ်သည့် ငခူ၇၊ တောင်ပြိုလက်ဝဲနှင့် လှဖိုးခေါင်စန်းများသို့ သွားရောက်မူများရှိခဲ့သည်။

၂၀၁၇ခုနှစ်က မောင်တောဒေသအတွင်း ARSAအဖွဲ့ကရဲကင်းစခန်းများကို တိုက်ခိုက်မှုပြုလုပ်ခဲ့သည့် အတွက် စစ်တပ်ကနယ်မြေရှင်းလင်းမူကြောင့် မောင်တော၊ ဘူးသီးတောင်၊ ၇သေ့တောင်မြို့နယ်တို့မှ တစ်ဘက်နိုင်ငံ ဘင်္ဂလားဒေ့ရှ်သို့ မွတ်ဆလင် (၇)သိန်းကျော် ထွက်ပြေးသွားခဲ့၇ပြီး ၎င်းတို့ကိုလက်ရှိတွင် စစ်ကောင်စီက ပြန်လည် လက်ခံရေးလုပ်နေခြင်းဖြစ်သည်။

စစ်ကောင်စီက မွတ်ဆလင်များအားပြန်လည် လက်ခံရာတွင်လည်း စံသတ်မှတ်ချက် (၅)အနေဖြင့် မြန်မာနိုင်ငံထဲတွင်နေထိုင်ခဲ့သူဖြစ်ရန်၊ ကွဲကွာနေသော မိသားစုဝင်များအတွက် ဘင်္ဂလားဒေ့ရှ်နိုင်ငံ တရားရုံး၏ မှန်ကန်ကြောင်းထောက်ခံချက်ရှိရန်၊ မိမိဆန္ဒအရပြန်လာသူဖြစ်ရန်၊ ဘင်္ဂလားဒေ့ရှ် နိုင်ငံတွင်မွေးဖွားခဲ့သည့် ကလေးများဖြစ်ပါက မိဘနှစ်ပါးလုံးမှာ မြန်မာနိုင်ငံတွင်နေထိုင်ခဲ့သူများ ဖြစ်ရန်နှင့် နေရန်စွန့်ခွာသူများက ဘင်္ဂလားဒေ့ရှ်လက်သို့ရောက်ရှိပြီး မွေးဖွားသည့်ကလေးများ အတွက်မှန်ကန်ကြောင်းကို ဘင်္ဂလားဒေ့ရှ်နိုင်ငံတရားရုံး၏ ထောက်ခံချက် ပါရှိ၇မည်ဟူ၍ဖော်ပြထားသည်ကို တွေ့၇သည်။ (NN-18)

ဘင်္ဂလားဒေ့ရှ်ရောက် မွတ်ဆလင်ဒုက္ခသည်များပြန်လည်လက်ခံရေးအဆင်သင့်ဖြစ်နေသည်မှာ ကြာပြီဟုစစ်ကောင်စီဆို

ဆက်စပ် အကြောင်းအရာများ

နောက်ဆုံးရသတင်းများ