နိရဥ္စရာ၊ မတ် ၃၁ /၂၀၂၃

ရခိုင်သမိုင်းဆိုင်ရာသုတေသန စာတမ်းဖတ်ပွဲနှင့် သမိုင်းသုတ စကားဝိုင်းကို ယမန်နေ့  ည ရ နာရီက
ပေါက်တောမြို့၊ အမှတ်(၃) ရပ်ကွက်ရှိ မြို့နယ်လုံးဆိုင်ရာ နာရေးကူညီမှုအသင်းရုံးရှေ့ကွင်းပြင်တွင်ပြုလုပ်ခဲ့ကြောင်း သတင်းရရှိသည်။

စာတမ်းဖတ်ပွဲပြုလုပ်၇ခြင်းမှာသမိုင်းသုတသန စာတမ်းဖတ်ကြားခြင်းကို စာပေသမားများအား ဗဟုသုတအနေဖြင့်ချပြချင်သည့် ရည်ရွယ်ချက်ဖြင့် ပြုလုပ်ရခြင်းဖြစ်သည်ဟုရခိုင်သမိုင်းသုတေသီ ဆရာမောင်ဖြူ (ကြွီတဲကျွန်း)က ပြောသည်။

“ပေါက်တောမြို့နယ်ကစာပေသမားတွေကို သုတေသန စာတမ်းဖတ်ပွဲတွေကို မြင်စေချင်၊သိစေချင်လို့ မိတ်ဆက်၇ခြင်းဖြစ်ပါတယ်။ သုတေသန စာတမ်းဖတ်တယ်ဆိုတာကို ဒီမြို့ကစာပေသမားတွေကို စဗဟုသုတအနေနဲ့ ချပြချင်တဲ့ သဘောပါ”ဟုပြောသည်။

အဆိုပါစာတမ်းဖတ်ပွဲတွင် သမိုင်းစာတမ်းဖြစ်သော“ရခိုင်ဝေသာလီခေတ်အနောက်ဘုရင် ဒင်္ဂါးများကို မုဆိုးခြေရာကောက်နည်းဖြင့် ရှာဖွေခြင်း”စာတမ်းကိုဆရာမောင်ဖြူ (ကြွီတဲကျွန်း)ကဖတ်ကြားခဲ့ပြီး သမိုင်းသုတစကားဝိုင်းကို ရခိုင်သမိုင်းသုတေသီဆရာခိုင်မော်ကွန်းက ဟောပြောသွားခဲ့ကြောင်း သိ၇သည်။

ဆရာခိုင်မော်ကွန်းက“ရခိုင်သမိုင်းဆိုင်ရာမှတ်တမ်းတွေနဲ့ပတ်သက်ပြီးတော့ အဖြေမှန်တစ်ခုကို ချပြတဲ့သဘောပါ။အထူးသဖြင့် ရာဇဝင်မှတ်တမ်းတွေကို လက်ဖက်ရည်ဆိုင်ဝိုင်းမှာ ထင်ရာ၊ မြင်ရာ မရေမရာစကားတွေနဲ့ ပြောနေကြတာဟာ သမိုင်းမှတ်တမ်းတွေ ဝေဝါးသွားကြတယ်။များသောအားဖြင့် ကျောင်းသားလူငယ်တွေ သမိုင်းကိုလေ့လာတဲ့အချိန်မှာဟိုစာရေးဆရာက ဒီလိုပြောလိုက်၊ ဒီစာရေးဆရာက ဟိုလိုပြောလိုက်နဲ့အဲလိုမျိုး ကွဲမပြား၇အောင် အတတ်နိုင်ဆုံး မြေပြင်ကွင်းဆင်းပြီးတော့စနစ်တကျလေ့လာပြီးတော့ အနီးစပ်ဆုံးအဖြေကို ရှာဖွေ ဖော်ထုတ်တင်ပြခြင်းဖြစ်ပါတယ်” ဟုပြောသည်။

သမိုင်းဆိုင်ရာများကိုလေ့လာထားသောသုတေသန စာတမ်းပြုစုထားသူများနှင့် တိုက်ရိုက်ထိတွေ့ဆွေးနွေးခွင့်၇သည့်အတွက် သမိုင်းလေ့လာနေသူများအတွက်အချက်အလက်အသစ်များ၊ ခွန်အားသစ်များ ရရှိစေသည်ဟုလည်း ပေါက်တောမြို့ခံစာရေးဆရာ ခိုင်မင်းစောက ပြောသည်။

“စာတမ်းရှင်တွေမှာ ကိုယ်တို့တွေ့ရှိချက်တွေကိုရေးထားတယ်။ အဲဒါတွေကို ကိုယ့်ဟာကို သိမ်းဆည်းထားတယ်ဆိုလို့ရှိရင်အဲဒီတွေ့ရှိချက်က သူ့တစ်ကိုယ်စာ တွေ့ရှိချက်လိုဖြစ်နေမယ်။အဲစာတမ်းတွေကို အများပြည်သူရှေ့မှာ၊ စာချစ်ပရိသတ်တွေရှေ့မှာ၊လေ့လာသူတွေရဲ့ရှေ့မှာ ချပြတဲ့အခါ သူတို့နဲ့ တိုက်ရိုက်ထိတွေ့ပြီးတော့ကျယ်ကျယ်ပြန့်ပြန့် ဆွေးနွေးခွင့်၇လိုက်တဲ့အတွက် သမိုင်းနဲ့ ပတ်သက်တဲ့တွေ့ရှိချက်အသစ်၊ အမြင်အသစ်တွေကို၇ပြီးတော့ သမိုင်းနဲ့ဆိုင်ရာတွေမှာအားသစ်ခွန်သစ်တွေ ၇စေနိုင်ပါတယ်”ဟုပြောသည်။

ပေါက်တောတွင်ပြုလုပ်သည့် ရခိုင်သမိုင်းဆိုင်ရာသုတေသန စာတမ်းဖတ်ပွဲနှင့် သမိုင်းသုတ စကားဝိုင်းသို့ ပေါက်တောမြို့မှရခိုင်သမိုင်းကိုစိတ်ဝင်စားသူများနှင့် စာချစ်ပရိသတ်များ စုစုပေါင်း အင်အား ၇၀ခန့် တက်ရောက်ခဲ့ကြသည်ဟု သိ၇သည်။

ရခိုင်သမိုင်းဆိုင်ရာ သုတေသနစာတမ်းဖတ်ပွဲကို ပြီးခဲ့သည့် မတ်လ ၂၆ ရက်ကလည်း စစ်တွေမြို့ရှိ အာရီယန်ခမ်းမတွင်ပြုလုပ်ခဲ့ပြီး  ရခိုင်သမိုင်းသုတေသီများဖြစ်သောဆရာဦးအောင်လှသိန်း၊ ဆရာနီမင်းသျှင် (စစ်တွေ)နှင့် ဆရာမောင်ဖြူ (ကြွီတဲကျွန်း)တို့ကဖတ်ကြားခဲ့ကြသည်။ (NN – 21)