နိရဥ္စရာ၊ ဧပြီ ၁/၂၀၂၃

၇ခိုင်ပြည်နယ်၊ကျောက်တော်မြို့နယ်၊ အပေါက်၀ကျေးရွာတွင် လူနေအိမ်တစ်လုံး မီးလောင်မှု ဖြစ်ပွားခဲ့၍ အမျိုးသား ၁ ဦးမီးလောင်သေဆုံးသွားခဲ့သည်ဟု သိ၇သည်။
သေဆုံးသွားသူမှာအပေါက်၀ကျေးရွာ၊ ပေါ်တော်မူရပ်ကွက်နေ ဦးလှမောင်သာ၏ သားကြီးဖြစ်သူဦးမောင်ပြားချေ(၃၁)နှစ်ဖြစ်သည်။
ပေါ်တော်မှုရပ်ကွက်ရှိ ဦးလှမောင်သာ၏နေအိမ်သည်ယမန်နေ့ မတ်လ ၃၁ ရက်၊ ည ၉ နာရီကျော်တွင် ဖယောင်းတိုင်မီးမှတဆင့်စတင်မီးလောင်မှုဖြစ်ပွားခဲ့ခြင်းဖြစ်သည်ဟု ဒေသခံများက ပြောသည်။
အပေါက်၀ကျေးရွာမှ ဦးကျော်ညွန့်က"ဦးလှမောင်သာသားက အဲ့နေ့က အရက်မူးနေတယ်။ မီးလောင်နေလို့သူ့ကိုလူတွေသွားဆွဲကြတာ။ ကြောက်ကြောက်နဲ့ အိမ်တိုင်ကို ဖက်တွယ်ထားလို့ ဆွဲမ၇တာနဲ့မီးလောင်ပြီးသေဆုံးသွားတာပါ"ဟု ပြောသည်။
ယင်းမီးလောင်မှုမှာ ည၁၀ နာရီခန့်တွင် မီးငြိမ်းသွားပြီး အနီးပတ်ဝန်းကျင်သို့ မီးကူးစက်ခြင်းမရှိခဲ့ဘဲမီးစတင်လောင်ကျွမ်းသည့် နေအိမ်တစ်ဆောင်သာ မီးလောင်ပျက်စီးဆုံးရှူံးသွားခဲ့သည်ဟုရွာသားများက ပြောသည်။
၇ခိုင်ပြည်အတွင်း ဇန်နဝါရီ၁ ရက်မှ မတ် ၃၁ ရက်အထိ ၃ လ အတွင်း မီးလောင်မှုစုစုပေါင်း (၃၄) ကြိမ်ဖြစ်ပွားခဲ့ပြီး လူနေအိမ် အလုံး (၄၀)ကျော်နှင့် ဆိုင်ခန်းအချို့ မီးလောင်ဆုံးရှုံးခဲ့ကာ၇ဟန်းတစ်ပါး အပါအဝင် (၄)ဦးသေဆုံးခဲ့သည်။  ခြောက်သွေ့ရာသီရောက်နေပြီဖြစ်သဖြင့် ပြည်သူများကမီးကိုမပေါ့ဆရန်၊ မီးသတိထားကြရန် လိုအပ်လှသလိုသက်ဆိုင်ရာ မီးသတ်ဌာနကလည်းသတိပေးမှုများ အစဉ်မပြတ် ပြုလုပ်ရန် လိုအပ်နေသည်ဟု ဒေသခံများကပြောဆိုကြသည်။ (NN-12)

ဓာတ်ပုံ- ပေးပို့